Akube khashane nawe kwenta intfo lenje! Ungababhubhisi labalungile kanye nalababi, bese labalungile baba njengalabangakalungi! Akube khashane nawe loko. Angeke yini umehluleli wemhlaba wonkhe ente kulunga?”
Jeremiya 12:1 - Siswati 1996 Bible Yebo Simakadze, wena uhlala ungcwele, nangiletsa indzaba embikwakho. Noko ngifuna kukhuluma nawe macondzana nekwehlulela kwakho. Kwentiwa yini kutsi indlela yalomubi iphumelele? Kwentiwa yini kutsi labangaketsembeki bahlale kahle bakhululekile? |
Akube khashane nawe kwenta intfo lenje! Ungababhubhisi labalungile kanye nalababi, bese labalungile baba njengalabangakalungi! Akube khashane nawe loko. Angeke yini umehluleli wemhlaba wonkhe ente kulunga?”
Maye, Simakadze, Nkulunkulu wema-Israyeli, wena ulungile! Lamuhla sisele siyinsali. Lapha sisembikwakho ngenca yelicala letfu, noko kute nome munye longakhona kuma embikwakho.”
Kuko konkhe loko lokusehlele wena bewusolo ulungile wenta tintfo ngekwetsembeka, lite nome tsine besenta lokubi.
Emakhaya etigebengu akaphazanyiswa lutfo, nalabo labacunula Nkulunkulu baphephile, yebo, labo labaphetse nkulunkulu wabo ngetandla tabo.
Kuquma kwalabafako kuvakala edolobheni, nemiphefumulo yalabalimele ikhalela kusitwa. Kodvwa Nkulunkulu kute lambeka licala ngaloko lokubi lokwentiwe.
Situngeletela timphandze taso encunjini yematje, setame kufuna indzawo lapho emkhatsini walamatje.
Ngiyati, Nkulunkulu, kutsi tehlulelo takho tilungile, nekutsi ungijezise njengobe kungifanele.
Ngonile kuwe, wena wedvwa, ngente lokunengekako emehlweni akho; ngako kwehlulela kwakho kumsulwa, nekungilahla kwakho ngelicala kulungile.
Ngempela, wena utsandza liciniso lelingekhatsi enhlitiyweni; ngako-ke uyawungifundzisa timfihlakalo tekuhlakanipha kwakho.
kutsi nome lababi bangahluma njengetjani, nato tonkhe tigilamkhuba tichuma, noko tiyawubhujiswa phakadze naphakadze.
Kukhona lokunye lokulite lokwentekako lapha emhlabeni: Kukhona bantfu labalungile labehlelwa nguloko lokufanele kwehlele lababi, kantsi futsi kukhona nalababi labehlelwa nguloko lokufanele kwehlele labalungile. Ngatsi nako loko kulite.
Simakadze utsi: “Bekani indzaba yenu.” INkhosi yakaJakobe itsi: “Khulumani kutsi niphika nitsini.”
Anikeva, futsi anikacondzi, kusukela endvulo tindlebe tenu tatisolomane tivalekile. Empeleni bengati kahle hle kutsi naniyengana kanjani, nanibitwa ngekutsi nibahlubuki kusukela ekutalweni.
Kodvwa, awu, Simakadze Somandla, wena lowehlulela ngekulunga, uvivinye inhlitiyo nengcondvo, ngicela kubona wena utikhiphela sibhongo kubo, ngobe mine ngitinikele kuwe ngatilahla ematsambo.
Bomnakenu nemndeni wakenu nabo futsi bakutsengisile, baphakamisa sililo lesikhulu kakhulu ngekutsi abakufuni. Ungabetsembi nome bakhuluma kahle kuwe.”
Kodvwa njengemfati longaketsembeki endvodzeni yakhe, kanjalo, wenandlu yaka-Israyeli, awuketsembeki kimi,” kusho Simakadze.
Bengicabanga ngitsi emvakwekwenta konkhe loko, nakanjani utawubuyela kimi, kodvwa akakwenti loko, ngisho nadzadzewabo longaketsembeki, Juda, ukubonile loko.
“Emvakwekutsi lencwadzisivumelwane yekutsenga sengiyinike Bharuki, umsa waNeriya, ngathandaza kuSimakadze, ngatsi:
Indlu yaka-Israyeli nendlu yakaJuda betingaketsembeki nakancane nje kimi,” kusho Simakadze.
Kube mane benginendzawo yekuphumulela tihambi ehlane, lapho bengingashiya khona sive sami, ngisuke kuso, ngobe bonkhe batiphingi, sicumbi sebantfu labangaketsembeki.
“Simakadze ulungile, noko ngayihlubuka imitsetfo yakhe. Lalelani, nonkhe nine tive, bukani kuhlupheka kwami. Emajaha akami netintfombi takami sebatfunjiwe.
“Kodvwa nine nitsi: ‘Indlela yaSimakadze ayikalungi.’ Lalelani-ke, ninendlu yaka-Israyeli, ayikalungi yini indlela yami? Angitsi tindlela tenu letingakalungi?
Simakadze akazange angabate kwehlisela lenhlekelele etikwetfu, ngobe Simakadze Nkulunkulu wetfu ulungile kuko konkhe lakwentako; noko tsine asikalilaleli livi lakhe.
“Simakadze, wena ulungile, kodvwa lamuhla nje sesitseleke ngelihlazo, bantfu bakaJuda netakhamiti taseJerusalema, nawo onkhe ema-Israyeli, yebo, labasedvute nalabakhashane kuwo onkhe emave, lapho usisakatele khona ngenca yekungetsembeki kwetfu kuwe.
Ngako-ke umtsetfo sewuchwale waze waba butsakatsaka, akusehlulelwa ngebucotfo. Lababi behlula labalungile, kuze kutsi bucotfo bemtsetfo buphanjukiswe.
Simakadze ulungile ekhatsi kwalelidolobha; akenti lutfo lolungakalungi. Kusa ngekusa bantfu bakhe ubaphatsa ngekungakhetsi, kulelo nakulelo langa lelisha akayekeli kwehlulela ngebucotfo, noko labangakalungi abalati lihlazo.
Senimkhatsatile Simakadze ngemavi enu. Niyabuta nitsi: “Simkhatsate ngani?” Nimkhatsate ngekukhuluma nitsi: “Bonkhe labenta lokubi bahle emehlweni aSimakadze, futsi uyajabula ngabo,” nome: “Uphi loNkulunkulu wema-Israyeli lowehlulela ngebucotfo?”
Kodvwa nyalo sibita labatigabatisako sitsi bangulababusisiwe. Impela benti balokubi bayaphumelela, ngisho nalabo labamelene naNkulunkulu nabo bayaphunyula.’ ”
“Yena uLidvwala, imisebenti yakhe iphelele; yebo, netindlela takhe tonkhe tilungile. Nkulunkulu lowetsembekile longakwenti lokubi, ucotfo akakhetsi muntfu.