Jeremiya 11:15 - Siswati 1996 Bible

“Lotsandzekako wami wentani ethempelini lami, ngesikhatsi enta emacebo akhe ebubi nalabanyenti? Inyama lenikelwe ingasijikisa yini sijeziso sakho? Nase wenta bubi bakho uyajabula.”

Jeremiya 11:15 Referencias Cruzadas

Tihlabelelo 50:16

Kodvwa kulomubi Nkulunkulu utsi: “Unalungelo lini lekukhuluma ngetimiso tami uphatse sivumelwane sami ngemlomo wakho?

Tihlabelelo 60:5

Sisindzise ngesandla sakho sekudla, usiphendvule, kuze labatsandzekako bakho bakhululwe.

Taga 10:23

Injabulo yesilima isekwenteni lokubi; kodvwa injabulo yemuntfu lonekucondza isekutfoleni kuhlakanipha.

Taga 15:8

Imihlatjelo lenikelwa ngulababi isinengiso kuSimakadze; kodvwa imithandazo yebantfu labetsembekile iyamjabulisa.

Taga 2:14

labajabula ngekwenta lokubi, bajatjuliswe kwandza kwemacebo,

Taga 21:27

Imihlatjelo lenikelwa bantfu lababi isinengiso, ikakhulu nayinikelwe ngetinjongo letimbi.

Taga 26:18

Njengeluhlanya loludubula nome ngukuphi ngebutjoki,

Taga 28:9

Nangabe umuntfu angafuni kugcina umtsetfo, ngisho nemithandazo yakhe iyenyanyeka kuNkulunkulu.

Isaya 50:1

Naku lokushiwo nguSimakadze, utsi: “Iphi incwadzi yenyoko yesehlukaniso, lengamcosha ngayo kutsi ahambe? Nome-ke nganitsengisa kumuphi kulengibakweledako? Natsengiswa ngenca yetono tenu, ngenca yemacala enu unyoko wacoshwa.

Jeremiya 12:7

“Ngiyakuyilahla indlu yami, ngilishiye lifa lami; ngiyawunikela lowo lengimtsandzako etandleni tetitsa takhe.

Jeremiya 13:27

konkhe kuphinga kwakho, nako konkhe kushangashangiswa kwakho yinkhanuko, nebugwadla bakho lobulihlazo! Ngitibonile tento takho letisinengiso emagcumeni nasetikhotseni. Awu, nako kuwe, Jerusalema! Uyawuhlala ungcolile kuze kube ngunini?”

Jeremiya 15:1

Simakadze wakhuluma kimi, watsi: “Ngisho nome boMosi naSamuweli bebangema embikwami, inhlitiyo yami beyingeke iye kulesive. Bacoshe! Abesuke lapha embikwami!

Jeremiya 2:2

“Hamba uyewumemetela eJerusalema, ukhulume beva utsi: Naku lokushiwo nguSimakadze, utsi: “ ‘Ngiyakukhumbula kutinikela kwakho ebusheni bakho, kutsi wawungitsandza kanjani usengumakoti, wangilandzela kulo lonkhe lihlane, eveni lelalingakahlanyelwa lutfo.

Jeremiya 23:11

“Umphrofethi kanye nemphristi, bobabili, abakholwa kuNkulunkulu, ngisho nasethempelini ngitfola bubi babo,” kusho Simakadze.

Jeremiya 3:14

“Buyani, nine bantfu labangaketsembeki,” kusho Simakadze, “ngobe mine ngiyindvodza yenu. Ngiyawukhetsa munye wenu kuwo onkhe emadolobha enu, ngikhetse babili kuto tonkhe tinsendvo tenu, bese nginimikisa eSiyoni.

Jeremiya 3:8

Ngamnika Israyeli longaketsembeki sitifiketi sesehlukaniso, ngamcosha ngenca yako konkhe loko kuphinga kwakhe. Noko ngakubona loko kungetsembeki kwadzadzewabo longuJuda kutsi akesabi; naye waphindze waphuma wayawuphinga.

Hoseya 3:1

Simakadze wakhuluma kimi watsi: “Hamba, uphindze umtsandze umkakho, lite nome asatsandvwe ngulomunye futsi, ayingwadla. Mtsandze wena njengobe Simakadze atsandza ema-Israyeli, kwala nome sebagucukele kulabanye bonkulunkulu, batsandza emacebelengwane emagelebisi lomisiwe.”

Matewu 22:11

“Inkhosi yatsi iyangena itewubona timenywa, yabona kukhona lomunye labengakayembatsi ingubo yemshado,

Lukha 8:28

Yatsi nayibona Jesu, yakhala kakhulu, yaze yatilahla embikwakhe, yatsi: “Jesu, Ndvodzana yaNkulunkulu Losetikwako Konkhe! Ufunani kimi? Ngiyakuncenga ngitsi ungangihluphi.”

KubaseRoma 11:28

NgekweliVangeli baka-Israyeli batitsa taNkulunkulu, khona kutewusitakala nine, kodvwa ngekwelukhetfo bangulabatsandzekako ngenca yabokhokho babo.

1 kubaseKorinthe 13:6

alukujabuleli lokubi, kodvwa lujabulela liciniso.

kuThithusi 1:15

Kulabahlantekile konkhe kuhlantekile, kodvwa kulababi nalabangakholwa kute lokuhlantekile; kepha kungcole ingcondvo yabo nanembeza wabo.

YaJakobe 4:16

Kepha manje niyatibonga ngekutigabatisa kwenu. Konkhe kutigabatisa lokunjalo kubi.