Isaya 9:6 - Siswati 1996 Bible

Ngobe tsine sitalelwe umntfwana, siphiwe indvodzana. Umbuso uyawubasemahlombe akhe. Uyawutsiwa nguMeluleki Lomangalisako, nguNkulunkulu Lonemandla, nguBabe Waphakadze, yiNkhosi Yekuthula.

Isaya 9:6 Referencias Cruzadas

2 Samuweli 7:13

Nguye-ke longuyena ayawungakhela indlu, ayakhele Libito lami, ngiyakumisa sihlalo sebukhosi bembuso wakhe phakadze naphakadze.

2 Samuweli 7:16

Indlu yakho nembuso wakho kuyakuma embikwami kuze kube phakadze. Sihlalo sakho sebukhosi siyakuhlala sisimile phakadze naphakadze.” ’ ”

1 Emakhosi 10:9

Akadvunyiswe Simakadze Nkulunkulu wakho, lokujabulele wakubeka esihlalweni sebukhosi baka-Israyeli. Ngenca yelutsandvo lwaSimakadze lwaphakadze lanalo nga-Israyeli, ukwente waba yinkhosi, kutsi utewubusa ngekungakhetsi nangekulunga.”

1 Emakhosi 2:33

Shangatsi licala lekucitfwa kwengati yabo lingaba setikwenhloko yaJowabe nasetitukulwane takhe phakadze naphakadze; kodvwa Davide netitukulwane takhe, nendlu yakhe, nesihlalo sakhe sebukhosi kuyakuba nekuthula kwaSimakadze phakadze naphakadze.”

1 Emakhosi 2:45

Kodvwa inkhosi Solomoni itawubusiswa, nesihlalo sebukhosi saDavide siyawuhlala siphephile ngaSimakadze phakadze naphakadze.”

Nehemiya 9:32

“Ngako-ke manje, Nkulunkulu wetfu, lomkhulu kakhulu, nalonemandla, Nkulunkulu lowesabekako, yebo, wena logcina sivumelwane sakho selutsandvo, ungabenti bulukhuni bube yintfo lencane emehlweni akho, bona lobumatima lobehlele etikwetfu, nasemakhosini etfu, nakubaholi betfu, nasetikwebaphristi, nasetikwebaphrofethi, nasetikwabobabe betfu, nakuso sonkhe sive sakho, kusukela etinsukwini temakhosi ase-Asiriya kuze kube ngulamuhla.

Tihlabelelo 45:3

Hhawu, chawe lemachawe, bophela inkemba yakho elukhalweni lwakho, uhlome ngenkhatimulo yakho nangebukhosi bakho.

Tihlabelelo 45:6

Sihlalo sakho sebukhosi, Nkulunkulu, saphakadze naphakadze, kubusa kwakho kumsulwa, akukhetsi.

Tihlabelelo 45:7

Kulunga uyakutsandza, kodvwa uyakutondza lokubi. Ngako-ke, Nkulunkulu, longuNkulunkulu wakho, ukugcobise ngemafutsa enjabulo, wakuphakamisa ngetulu kwebangani bakho.

Tihlabelelo 50:1

Nkulunkulu wabonkulunkulu unguSimakadze lokhulumako. Umemetela emhlabeni wonkhe, kusukela emphumalanga kuye enshonalanga.

Tihlabelelo 72:17

Shangatsi libito layo lingahlala ingunaphakadze, lichubeke latiwe njengelilanga. Tive tonkhe atibusiswe ngayo; tiyawumbita ngekutsi yinkhosi lebusisekile.

Tihlabelelo 72:3

Tintsaba tiyawuletsa kuthula kubantfu, kanjalo nemagcuma kuchuma kwekulunga.

Tihlabelelo 72:7

Shangatsi ngemalanga ayo kungandza kulunga, kwandze nekuthula siphelane.

Tihlabelelo 85:10

bese kuhlangabetana umusa neliciniso, kwangane kulunga nekuthula.

Tihlabelelo 89:5

Yebo, Simakadze! Shangatsi emazulu angadvumisa timanga takho nekwetsembeka kwakho enhlanganweni yalabangcwele!

Taga 8:23

Ngemiswa phakadze, ekucaleni, umhlaba ungakadalwa.

Isaya 10:21

Insali iyawubuyela emuva, insali yakaJakobe iyawubuyela kuSomandla longuNkulunkulu.

Isaya 11:5

Kulunga kuyawuba libhande lakhe, kwetsembeka kube ngumbhenso welukhalo lwakhe.

Isaya 16:5

bese sihlalo sebukhosi sima ngelutsandvo; nangekwetsembeka kuyawuhlala umuntfu kuso, umuntfu loyawuvela endlini yakaDavide, umehluleli loyakwehlulela ngekungakhetsi, ayisheshisise indlela yekulunga.

Isaya 26:12

Simakadze, wena usentela kuthula, konkhe loku lesiphumelele kukwenta, sikwentelwe nguwe.

Isaya 26:3

Wena Simakadze, lowo lotimiselako ngawe uyamlondvolota, umuphe kuthula nenhlalakahle, ngobe abeke litsemba lakhe kuwe.

Isaya 28:29

Konkhe loku kuphuma kuSimakadze longuSomandla, lomangalisako ekwelulekeni kwakhe, nalobabatekako ngenhlakanipho yakhe.

Isaya 32:1

Buka la, inkhosi iyawubusa ngekulunga, nebabusi bayawubusa ngekwemtsetfocotfo.

Isaya 37:32

Ngobe eJerusalema kuyawuvela insali. ESiyoni kuyawuvela libutfo lalabasindze ekufeni. Kushisekela kwaSimakadze longuSomandla kuyawukuphelelisa loko.

Isaya 53:10

Simakadze utsi: “Noko kwaba yintsandvo yaSimakadze kutsi ayinyatsele, ayente ihlupheke, nome Simakadze enta kuphila kwayo kwaba ngumhlatjelo welicala, iyawubona situkulwane sayo, yandzise nemalanga ekuphila kwayo, intsandvo yaSimakadze iyawuphumelela ngesandla sayo.

Isaya 53:2

Inceku yakhe yakhula embikwakhe njengelihlumela lelitsambile, nanjengemphandze emhlabatsini lowomile. Yayite buhle nome bukhosi kuze isikhange kutsi sisondzele kuyo, kute lebeyibonakala inako lokwakungenta kutsi siyilangatelele, siye kuyo.

Isaya 53:5

Kodvwa yagwazwa ngenca yetiphambuko tetfu, yafihlitwa ngenca yekona kwetfu, sijeziso saba setikwayo, kuze tsine sibe nekuthula; ngemanceba emivimbo yayo siyaphiliswa tsine.

Isaya 63:16

Kodvwa wena unguBabe wetfu, nome nje Abrahama angasati tsine, na-Israyeli angasemukeli tsine, kodwva wena, Simakadze, unguBabe wetfu, uMhlengi wetfu; kwasemandvulo lelo Libito lakho.

Isaya 66:12

Ngobe naku lokushiwo nguSimakadze, utsi: “IJerusalema ngiyakuyiletsela kuthula lokuyawugobhota njengemfula, bunjinga betive bute kuyo njengemfula longenelako. Niyawumunya kuyo, netfwalwe ngumkhono wayo, nidlaliselwe emadvolweni ayo.

Isaya 7:14

Ngako-ke, Nkulunkulu, yena cobo lwakhe, utawuninika sibonakaliso: Intfombi iyawukhulelwa itale indvodzana, yetsiwe libito kutsiwe ngu-Imanyuweli.

Isaya 8:18

Ngilapha mine kanye nalabo bantfwana Simakadze langiphe bona. Sitibonakaliso netimangaliso taSimakadze longuSomandla, esiveni sema-Israyeli, yena lohlala eNtsabeni iSiyoni.

Jeremiya 31:22

Uyawuzulazula kuze kube ngunini, awu, ndvodzakati lengaketsembeki? Simakadze uyawudala intfo lensha emhlabeni, umfati uyakuyivikela indvodza.”

Danyela 2:44

“Ngesikhatsi salawo makhosi, Nkulunkulu welizulu uyawumisa umbuso longasoze wabhujiswa lutfo, futsi ngeke unikwe labanye bantfu. Uyawupitjita yonkhe leminye imibuso uyicedze, kodvwa wona uyawukuma kuze kube phakadze.

Danyela 7:14

Wanikwa emandla ekubusa, nenkhatimulo, nebukhosi. Bonkhe bantfu, netive, nebantfu bato tonkhe tilwimi bakhotsama kuye bamkhonta. Kubusa kwakhe kukubusa kwaphakadze naphakadze lokungasoze kwaphela, nembuso wakhe ngulowo longasoze wacitfwa.”

Hagayi 2:9

‘Inkhatimulo yalendlu lena itawuba yinkhulu kakhulu kunenkhatimulo yendlu yakucala,’ kusho Simakadze longuSomandla. ‘Futsi kulendzawo ngiyawuletsa kuthula,’ kusho Simakadze longuSomandla.”

Matewu 1:1

Lona ngumlandvo wekutalwa kwaJesu Khristu, labesitukulwane saDavide, naye abesitukulwane sa-Abrahama.

Matewu 1:23

“Bheka, intfombi iyawukhulelwa itale indvodzana, libito layo kuyawutsiwa ngu-Imanuweli,” lokusho kutsi: “Nkulunkulu unatsi.”

Matewu 11:27

“Konkhe ngikuphiwa nguBabe, kute loyatiko iNdvodzana ngaphandle kweYise, kantsi futsi kute lomatiko uYise ngaphandle kweNdvodzana nalowo iNdvodzana letsandza kumembulela yena.

Matewu 28:18

Jesu wasondzela kubo watsi: “Ngiphiwe emandla onkhe ezulwini nasemhlabeni.

Lukha 1:35

Ingilosi yamphendvula yatsi: “Moya Longcwele uyakwehlela kuwe, emandla aNkulunkulu Losetikwako Konkhe akusibekele. Ngako-ke lomntfwana Longcwele lotawutalwa nguwe uyawubitwa ngekutsi yiNdvodzana yaNkulunkulu.

Lukha 2:11

ngobe lamuhla nitalelwe emtini waDavide uMsindzisi longuKhristu iNkhosi.

Lukha 2:14

“Akube bukhosi kuNkulunkulu kulelisetulu kakhulu nekuthula emhlabeni kubantfu labatfokotelwa nguye!”

Lukha 21:15

ngobe phela ngiyawuninika emavi nekuhlakanipha lekuyawubate nome sinye setitsa tenu lesiyawuba nemandla ekumelana nekuphikisana nani.

Johane 1:14

Livi waba ngumuntfu, wahlala kanye natsi, agcwele umusa neliciniso. Sayibona inkhatimulo yakhe, lengeyalotelwe yedvwa kuYise.

Johane 1:16

Ngobe ekupheleleni kwakhe sonkhe saphiwa umusa etikwemusa.

Johane 14:27

“Nginishiya nekuthula. Lokuthula lenginipha kona akufanani nesipho selive. Tinhlitiyo tenu tingabokhatsateka futsi tingesabi.

Imisebenti yebaPhostoli 10:36

Niyalati livi lalitfumela kubantfu baka-Israyeli, ashumayela liVangeli lekuthula ngaJesu Khristu, loyiNkhosi yabo bonkhe bantfu.

Imisebenti yebaPhostoli 20:28

Ticapheleni nine kanye nemhlambi wonkhe lobekwe etandleni tenu nguMoya Longcwele, neluse libandla laNkulunkulu latitsengela lona ngengati yeNdvodzana yakhe.

KubaseRoma 8:32

Yena longazange ayigodle iNdvodzana yakhe, kodvwa wayinikela ngenca yetfu sonkhe, pho, akayusinika yini tonkhe tintfo mahhala kanye nayo?

KubaseRoma 9:5

Wona angumliba wabokhokho, lapho kwavela khona Khristu waba ngumuntfu, yena longuNkulunkulu, Losetikwako Konkhe, akadvunyiswe phakadze naphakadze. Amen.

1 kubaseKorinthe 1:30

Yena ungumtfombo wemphilo yenu kuJesu Khristu, lamenta waba kuhlakanipha kwetfu, nekulunga, nekungcweliswa, kanye nekuhlengwa.

1 kubaseKorinthe 15:25

Ngobe Khristu kumele abuse, aze Nkulunkulu ancobe tonkhe titsa takhe atibeke ngephansi kwetinyawo takhe.

2 kubaseKorinthe 5:19

loku kusho naku: Nkulunkulu ubuyisene nelive ngaKhristu. Bantfu akababambeli emagcubu ngetono tabo, kodvwa usiphatsise livi lekubuyisana.

Dutheronomi 10:17

Ngobe Simakadze longuNkulunkulu wenu nguNkulunkulu wabonkulunkulu, neNkhosi yemakhosi, nguNkulunkulu lomkhulu, nalonemandla nalowesabekako; akakhetsi, kantsi futsi akadizelwa.

KubaseKholose 2:3

Kuye kutfukuswe emagugu onkhe ekuhlakanipha newekwati.

1 kuThimothi 3:16

Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.

kuThithusi 2:13

ngesikhatsi sisabheke kugcwaliseka kwelitsemba lelibusisekile, kubonakala kwenkhatimulo yebukhosi baNkulunkulu lomkhulu, uMsindzisi wetfu Khristu Jesu.

KumaHebheru 1:8

Kodvwa ngeNdvodzana utsi: “Sihlalo sakho sebukhosi, Nkulunkulu, sisaphakadze naphakadze. Kulunga yindvuku yebukhosi bakho lobusa ngayo bantfu bakho.

KumaHebheru 13:20

Shangatsi Nkulunkulu wekuthula lowavusa iNkhosi yetfu Jesu kulabafile, wamenta uMelusi Lomkhulu wetimvu ngengati yakhe yesivumelwane saphakadze,

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.

Sembulo 19:16

Engutjeni yakhe nasetsangeni lakhe kubhalwe libito lelitsi: “INkhosi yemakhosi, uMbusi webabusi.”

Tikhulu 13:18

Yaphendvula yatsi: “Ungibutelani libito lami? Alicondzakali.”