Isaya 8:11 - Siswati 1996 Bible

Simakadze wakhuluma kimi ngesandla sakhe lesinemandla, angecwayisa kutsi ngingatilandzeli tindlela talesive, watsi:

Isaya 8:11 Referencias Cruzadas

1 Emakhosi 18:46

Emandla aSimakadze ehlela ku-Elija, wakhwicela ingubo yakhe ebhandeni lelaliselukhalo yacina, wagijima washiya Ahabi yonkhe indlela leya eJezreyeli.

Tihlabelelo 32:8

Simakadze utsi: “Mine ngiyawukufundzisa ngikukhombise indlela lofanele kuhamba ngayo, ngikweluleke, liso lami lingesuki kuwe.

Taga 1:15

Ndvodzana yami, ungahambisani nebantfu labanje; ungalubeki lunyawo lwakho etindleleni tabo,

Isaya 30:1

Simakadze utsi: “Maye kulabo bantfwana labanenkhani, nakulabo labakha emasu langesiwo ami, nakulabo labenta sivumelwane kungesiko ngaMoya wami, bengete sono esonweni,

Jeremiya 15:19

Ngako-ke naku lokushiwo nguSimakadze, utsi: “Nawuphendvuka, ngiyawukubutsa, khona utekungikhonta; nawukhuluma emavi lafanelekile, hhayi emavi langenamsebenti, uyawuba lincusa lami. Labantfu abagucukele kuwe, kodvwa wena ungagucukeli kubo.

Jeremiya 20:7

Awu Simakadze, wangiyenga, nami ngayengeka, wangehlula ngemandla, waphumelela. Nyalo sengiyinhlekisa kubantfu lonkhe lilanga, bonkhe bantfu bayangiphukuta.

Jeremiya 20:9

Kodvwa nangitsi: “Ngingeke ngisambita, futsi ngeke ngisakhuluma egameni lakhe,” livi lakhe lisenhlitiyweni yami lishisa njengemlilo lovalelwe ematsanjeni ami. Sengidziniwe kulibandzetela ngekhatsi kimi, ngempela angisakhoni.

Hezekeli 3:14

Moya wangiphakamisela etulu wangisusa, ngahamba ngibuhlungu, umoya wami umunyu; ngobe sandla lesimatima saSimakadze sasisetikwami.

Imisebenti yebaPhostoli 4:20

Ngako singeke tsine siyekele kukhuluma ngaloko lesikubonile nalesikuvile.”