Isaya 7:6 - Siswati 1996 Bible

“Asikhuphuke siyewuvimbetela lakaJuda silidzabule ekhatsi, sitehlukanisele lona, bese sibeka umsa waThabheyali kutsi abe yinkhosi etikwalo.”

Isaya 7:6 Referencias Cruzadas

1 Emakhosi 12:16

Sonkhe sive sema-Israyeli satsi kube sibone kutsi inkhosi ayisilaleli sicelo saso, sakhuluma enkhosini satsi: “Sinabudlelwane buni naDavide? Sinasabelo sini nemsa waJese? Emathendeni enu, ma-Israyeli! Tibone kucedza, wena mndeni waDavide!” Ngako ema-Israyeli esuka lapho abuyela emathendeni awo.

2 Emakhosi 11:2

Kodvwa Jehosheba, indvodzakati yenkhosi Jehoramu labengudzadzewabo-Ahaziya, watsatsa Jowashi, umsa wa-Ahaziya, wamuba, wamsusa emkhatsini walaba labanye bantfwabenkhosi labese batawubulawa. Wamtsatsa wayakumbhacisa kanye nesidzandzane sakhe ekamelweni lekulala. Bamfihla-ke lomntfwana ku-Athaliya; ngako-ke akazange asabulawa Jowashi.

2 Tikhronike 13:8

“Nyalo senitimisele kuphambana nembuso waSimakadze, losetandleni tetitukulwane taDavide. Vele, nine mabutfo lamakhulu kabi, kantsi futsi ninalamatfole egolide lenentelwa wona nguJerobowamu kutsi abe tithico tenu.

2 Tikhronike 21:7

Noko ngenca yesivumelwane Simakadze labesente naDavide, Simakadze abengakatimiseli kuyibhubhisa indlu yakaDavide. Abetsembisile kutsi uyawutigcinela sibane endlini yakaDavide kuze kube nguphakadze naphakadze.

2 Tikhronike 28:5

Ngako-ke Simakadze Nkulunkulu wakhe wamnikela esandleni senkhosi yaseSiriya. EmaSiriya amehlula, atfumba bantfu bakhe labanyenti, baba titfunjwa, eta nabo eDamaseko. Waphindze waniketwa etandleni tenkhosi yaka-Israyeli, leyamehlula kabuhlungu, kwafa bantfu labanyenti.

Tihlabelelo 21:11

Nome bebahlose lokubi ngawe, bacondze kukugangela, kodvwa bangeke baphumelele.

Tihlabelelo 83:3

Benta sigungu, bahlangane ngebantfu bakho, bafakane imilomo ngalabo labeluswe nguwe.

Taga 19:21

Umuntfu angaba netinhloso letinyenti engcondvweni yakhe; kodvwa kugcina kuphumelele inhloso yaSimakadze.

Isaya 7:1

Kwatsi ngesikhatsi Ahazi, umsa waJothamu, umsa wa-Uziya, ayinkhosi yakaJuda, boResini, inkhosi yaseSiriya, naPhekha, umsa waRemaliya, inkhosi yaka-Israyeli, bashuca bayawulwa neJerusalema, kodvwa noko abazange bayehlule.

Isaya 7:5

Siriya, na-Efrayimu, nemsa waRemaliya bakwakhela luzungu, batsi:

Isaya 7:7

Kodvwa naku lokushiwo yiNkhosi Simakadze, itsi: “ ‘Kungeke kwenteke, futsi kungeke kuphumelele.

Isaya 8:6

“Njengobe lesive siwalile emanti aseShilowa lehla kamnandzi, sajabulela Resini nendvodzana yaRemaliya,