Isaya 7:15 - Siswati 1996 Bible

Iyakudla tikhihli temasi netinyosi idzimate ikwati kwala lokubi ikhetse lokuhle.

Isaya 7:15 Referencias Cruzadas

Genesisi 18:8

Watsatsa emasi, nelubisi, nalenyama yelitfole leyase ilungisiwe, wakubeka embikwawo; yena wema eceleni kwawo phansi kwesihlahla ngesikhatsi asadla.

Tihlabelelo 51:5

Empeleni ngatalwa vele ngisesonweni, ngaba soni kusukela make atsatsa sisu.

Isaya 7:22

Ngenca yekutsi tiyawube tehlisa kakhulu, iyawuba netikhihli temasi letinyenti tekutondla. Bonkhe labayawube basele kulelo live bayawudla tikhihli temasi kanye netinyosi.

Amose 5:15

Tondzani lokubi nitsandze lokulungile, etinkhundleni yehlulelani ngekungakhetsi. Mhlawumbe Simakadze Nkulunkulu longuSomandla angaba nesihawu kuyo insali yakaJosefa.

Matewu 3:4

Johane abegcoka ingubo yeboya belikamela, avunule libhande lesikhumba elukhalweni lwakhe. Kudla kwakhe kwakutintsetse neluju lwetinyosi tesiganga.

Lukha 1:35

Ingilosi yamphendvula yatsi: “Moya Longcwele uyakwehlela kuwe, emandla aNkulunkulu Losetikwako Konkhe akusibekele. Ngako-ke lomntfwana Longcwele lotawutalwa nguwe uyawubitwa ngekutsi yiNdvodzana yaNkulunkulu.

Lukha 2:40

Umntfwana wakhula waba nemandla; wagcwala inhlakanipho; umusa netibusiso taNkulunkulu tabasetikwakhe.

Lukha 2:52

Jesu wakhula emtimbeni nasengcondvweni, watsandvwa nguNkulunkulu nebantfu.

KubaseRoma 12:9

Lutsandvo kufanele lubete kutentisa. Tondzani lokubi, nibambisise lokuhle.

Dutheronomi 1:39

“Labo bantfwana benu labasebancane lenitsite batawutfunjwa, bona labo labasengakakwati kwehlukanisa lokuhle kulokubi, batawungena kulelo live. Ngitabapha lona, nabo batalidla.