Isaya 66:2 - Siswati 1996 Bible

Tonkhe letintfo atikentiwa sandla sami yini, kuze kutsi tibe khona?” kusho Simakadze. “Ngulowo-ke mine lengimatisako, lowo lotfobekile nalodzabukile emoyeni, nalolitfutfumelelako livi lami.

Isaya 66:2 Referencias Cruzadas

1 Emakhosi 21:29

“Ubonile yini kutsi Ahabi utitfobe kanjani embikwami? Ngenca yekutsi utitfobile kimi, ngingeke ngisamehlisela lesigemegeme etikhatsini takhe, kodvwa ngiyawusehlisela etikwendlu yakakhe ngesikhatsi sekubusa kwemsa wakhe.”

2 Emakhosi 22:10

Shafani, mabhalane, wayibikela inkhosi, watsi: “Hilkiya, umphristi, unginike incwadzi.” Shafani wase ufundzela inkhosi lencwadzi.

2 Emakhosi 22:11

Inkhosi yatsi kube iweve lamavi alencwadzi yemtsetfo, yeklebhula tembatfo tayo.

Ezra 10:3

Manje asente sivumelwane embikwaNkulunkulu wetfu kutsi sitewubancandzekisa bonkhe labafati nalabantfwana, njengobe lomholi wami eluleka kanye nalabo labesaba imiyalo yaNkulunkulu. Loko akwentiwe ngekulandzela umtsetfo.

Ezra 9:4

Kwatsi bonkhe labatfutfumeliswa ngemavi aNkulunkulu wema-Israyeli bahlangana ndzawonye bangitungeleta ngenca yalokungetsembeki kwalabatfunjwa. Mine ngahlala khona lapho ngijabhile, kwaze kwaba sikhatsi semhlatjelo wakusihlwa.

Tihlabelelo 119:120

Umtimba wami uyatfutfumela ngenca yekwesaba wena, netehlulelo takho ngiyatesaba.

Tihlabelelo 119:161

Tikhulu tingitingela ngaphandle kwesizatfu, kodvwa livi lakho liyangitfutfumelisa.

Tihlabelelo 138:6

Nome Simakadze aphakeme kangaka, uyabanakekela labatitfobako; kodvwa labatiphakamisako ubabukela khashane.

Tihlabelelo 34:18

Simakadze uhlala asedvute nabo labanetinhlitiyo letephukile uyabasindzisa labanemoya lowephukile.

Tihlabelelo 51:17

Umhlatjelo lowemukeleka kuNkulunkulu ngumoya lowephukile nenhlitiyo ledzabukile. Nkulunkulu ngeke awubukele phansi.

Tihlabelelo 51:19

Khona-ke uyawujabula ngemihlatjelo lengiyo, ngeminikelo leshiswa yonkhe, khona-ke bayawunikela ngetinkunzi elatini lakho.

Taga 28:14

Ubusisiwe umuntfu lowesaba Simakadze. Lowenta inhlitiyo ibe lukhuni uyawubhujiswa.

Taga 29:23

Kutigcabha kwemuntfu kumletsela kuwa; kodvwa lotfobekile utfola kuhlonipheka.

Isaya 40:26

Phakamiselani emehlo enu ezulwini: Ngubani lowadala konkhe loku? Nguye lokhipha emabutfo etinkhanyeti ngayinye ngayinye, atibite tonkhe tinkhanyeti nguleyo naleyo ngelibito layo. Ngenca yemandla akhe lamakhulu nangebukhulu bemandla akhe, kute nome yinye lesilelako.

Isaya 41:20

kuze bantfu batewubona bati futsi, bacabange bese bayacondza kutsi sandla saSimakadze lesente loku, nekutsi Longcwele waka-Israyeli ukudalile loku.”

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Isaya 61:1

Moya weNkhosi Simakadze ukimi, ngobe Simakadze ungigcobile, kutsi ngishumayele tindzaba letimnandzi kulabamphofu. Ungitfume kutsi ngitewubopha labo labatinhlitiyo tabo tidzabukile. Ungitfume kutawumemetela kukhululwa kulabatfunjiwe, nekukhululwa kulababoshiwe.

Isaya 66:5

Vanini livi laSimakadze, nine lenitfutfumeliswa livi lakhe, utsi: “Bomnakenu labanitondzako banikhiphe inyumbazana ngenca yeLibito lami, batsite: ‘Akadvunyiswe Simakadze, kuze sitewubona injabulo yenu!’ Noko bayawutseleka ngelihlazo.

Hoseya 11:10

Bayawulandzela Simakadze; uyawubhodla njengelibhubesi. Nakabhodla, bantfwabakhe bayawuta batfutfumela, bachamuka ngasenshonalanga.

Mikha 6:8

Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.

Habakhuki 3:16

Ngeva, nenhlitiyo yami yabhakuta, netindzebe temlomo wami tavevetela ngalomsindvo, kubola kwakhasabela ematsanjeni ami, imilente yami yachachatela. Noko ngiyakulilindzela ngekubeketela lilanga lesehlakalo leliyawusifikela sive lesisihlasele.

Matewu 12:6

Ngiyanitjela ngitsi: Lapha kukhona lokukhulu kunelithempeli.

Imisebenti yebaPhostoli 7:50

Akusimi matfupha yini lowenta tonkhe letintfo?” ’

Imisebenti yebaPhostoli 9:6

Sukuma-ke uye kulelo dolobha, lapho utawutjelwa khona lokufanele ukwente.”

KubaseFiliphi 2:12

Batsandzekako bami, benilalele ngetikhatsi tonkhe, kungasiko nangikhona kuphela, kodvwa kakhulu manje nangingekho. Ngako-ke, fezani kusindziswa kwenu ngekwesaba nangekutfutfumela,

KubaseKholose 1:17

Yona ikhonanchanti kwako konkhe, tonkhe tintfo time ngayo.