Thandazelani kutsi kube nekuthula eJerusalema: “Shangatsi bangaphumelela babe nenhlanhla, bantfu labatsandza wena, Jerusalema.
Isaya 66:10 - Siswati 1996 Bible “Tfokotani kanye neJerusalema, niyitsakasele, nonkhe nine leniyitsandzako, jabulani nayo kakhulu, nonkhe nine leniyililelako. |
Thandazelani kutsi kube nekuthula eJerusalema: “Shangatsi bangaphumelela babe nenhlanhla, bantfu labatsandza wena, Jerusalema.
Shangatsi nelulwimi lwami lunganamatsela elwangeni lwami, nangingakhohlwa wena, ngingayenti iJerusalema ibe kujabula kwami lokukhulu.
Ngalelo langa bayakutsi: “Ngempela, lona nguNkulunkulu wetfu, besetsembela kuye, naye wasisindzisa. Lona nguSimakadze lebesetsembele kuye; asijabule sitfokote ngensindziso yakhe.”
Njengembali luyawuchakaza lube lusha; luyawutfokota kakhulu, lumemete ngenjabulo. Ludvumo lweLebanoni luyawunikwa lona, yebo, luyawunikwa ludvumo lweKhameli nelweSharoni; bantfu bayawubona bukhosi baSimakadze, nebukhatikhati baNkulunkulu wetfu.
Hlabelani ngekujabula, nine mazulu, ngobe loku kwentiwe nguSimakadze; memetani kakhulu, nine tindzawo temhlaba letijulile. Hlokomani ngengoma, nine tintsaba, nine mahlatsi, nato tonkhe tihlahla tenu. ngobe Simakadze sewuhlenge Jakobe, ubonakalisa bukhosi bakhe ka-Israyeli.
“Ngempela, Simakadze uyakuyidvudvuta iSiyoni, uyawutibuka ngesihawu tonkhe tindzala tayo; emahlane ayo uyakuwenta abe njenge-Edeni, tindzawo tayo letilihlane atente tibe njengensimi yaSimakadze. Kujabula nekutfokota kuyawutfolakala kuyo, yebo, kubonga kanye nemsindvo wekuhlabela.
Kodvwa jabulani nitfokote phakadze naphakadze ngaloko lengiyawukudala, ngobe iJerusalema ngiyawuyidala ibe yintfokoto, nebantfu bayo babe yinjabulo.
Sewusandzisile sive, wandzisa nekujabula kwaso; siyajabula embikwakho njengebantfu bajatjuliswa sivuno, nanjengebantfu nabajatjuliswa kwaba imphango.
watsi kuyo: “Lihlamahlame lonkhe lidolobha laseJerusalema, ubeke luphawu emabuntini abo bonkhe labakhatsatekile babubula ngenca yato tonkhe letintfo letinengekako letentiwa lapha kulo.”
Jabulani nine tive kanye nesive sakhe, ngobe uyawutiphindzisela ngengati yetinceku takhe. Uyawutiphindzisela etitseni takhe, ente inhlawulo yekubuyisana nelive lakhe nesive sakhe.