Emadvodzana aKushe bekuboSeba, naHavila, naSabta, naRama, naSabtekha. Emadvodzana aRama bekuboSheba naDedani.
Isaya 60:6 - Siswati 1996 Bible Imihlambi yemakamela iyawugcwala eveni lakho, emakamela lamancane akaMidiyani newase-Efa. Bonkhe baseSheba bayawuta, betfwele igolide nemphepho, bamemetela ludvumo lwaSimakadze. |
Emadvodzana aKushe bekuboSeba, naHavila, naSabta, naRama, naSabtekha. Emadvodzana aRama bekuboSheba naDedani.
Emadvodzana a-Ishmayeli ngekwelamana kwawo bekunguNebayothi, litibulo lakhe, naKhedari, na-Adbeli, naMibsamu,
Yefika eJerusalema ihamba nalolukhulu ludvwendvwe, luchuba emakamela labetfwele tinandzisi, nemidlidlimba yegolide kanye neyematje laligugu. Yefika kaSolomoni yakhulumisana naye ngako konkhe lokwakusengcondvweni yayo.
Hazayeli wahamba wayawuhlangabeta Elisha, wachuba nalesipho bekayakumnika sona setfwelwe ngemakamela langema-40. Kwakusipho lesasitinhlobonhlobo tetintfo leticolisakele taseDamaseko. Wangena wema embikwakhe, watsi: “Indvodzana yakho Bheni Hadadi, inkhosi yemaSiriya, ingitfume kutsi ngitewubuta kutsi itawusindza yini kulokugula.”
Emadvodzana aMidiyani bekubo-Efa, na-Eferi, naHanoki, na-Abida, na-Elda. Bonkhe laba bekuyintalelwane yaKhetura.
Indlovukazi yaseSheba yatsi kube ive ngeludvumo lwaSolomoni, yase iyeta eJerusalema yatakumvivinya ngekumbuta imibuto lelukhuni. Yefika ihamba nalolukhulu ludvwendvwe luchuba emakamela labetfwele tinandzisi nemidlidlimba yegolide kanye neyematje laligugu. Yefika kaSolomoni yakhulumisana naye ngako konkhe lokwakusengcondvweni yayo.
Tive atihlabele ngenjabulo, ngobe wehlulela tive ngebucotfo, uhole tonkhe tive temhlaba. Cabanga.
Shangatsi emakhosi aseThashishi nasetichingini, angetfula tipho kuyo. Shangatsi emakhosi aseSheba newaseSeba angetfula kuyo imitselo yawo.
Shangatsi ingakhula idzimate ikhokhobe, iphiwe negolide yaseSheba. Shangatsi ingathandazelwa njalonjalo, icelelwe tibusiso taNkulunkulu ngato tonkhe tikhatsi.
Livi lesembulo lelimacondzana netilwane taseNegevu: Emancusa adzabula eveni lebulukhuni nenjabhiso, live lemabhubesi lamadvuna nalamasikati, lemabululu kanye netinyoka letindizako, ayalidzabula etfwala imicebo yawo ngetimbongolo, neminotfo yawo ngemalundza emakamela, aya kuleso sive lesingenanzuzo,
Hlabelani ingoma lensha kuSimakadze, netibongo takhe kusukela emikhawulweni yemhlaba, nine lenintjweza ngemikhumbi elwandle, nako konkhe lokukulo, nine tichingi, nani nonkhe lenihlala kuto.
Naku lokushiwo nguSimakadze, utsi: “Umkhicito waseGibhithe nalokuhwebiwe kwaseKushe, kanye nalawo maSeba, bantfu labadze, kuyawuta kuwe kube kwakho, Siyoni, bayawuhamba badzembuluka emvakwakho, bete kuwe baboshwe ngetinketane. Bayawukhotsama embikwakho bakuncenge, batsi: ‘Ngempela Nkulunkulu unani, futsi kute lomunye, kute lomunye Nkulunkulu.’ ”
Nayi imikhumbi yetichingi icondza kimi, kuhamba embili imikhumbi yaseThashishi, iletse emadvodzana akho laphuma khashane labuya nesiliva negolide yawo, atewudvumisa Simakadze Nkulunkulu wakho, longuLongcwele waka-Israyeli, ngobe ukwetfwese inkhatimulo.
Nine niyawubitwa ngekutsi nibaphristi baSimakadze, niyakwetsiwa emabito, kutsiwe nitikhonti taNkulunkulu wetfu. Niyawudla imfuyo yetive ngetive, nangebunjinga bato niyawutigabatisa.
Nginandzabani mine nemphepho yaseSheba, nome-ke nemakha ekhalamusi lanongotelako laphuma eveni lelikhashane? Iminikelo yenu yekushiswa ayikemukeleki kimi, nemihlatjelo yenu ayingijabulisi.”
“ ‘Bahwebi baseSheba nebaseRama babetsengiselana nawe; ngetimphahla takho tekutsengiswa babekunika tinhlobonhlobo tetinongo leticolisakele, netematje laligugu, negolide.
“Kusukela ngesheya kwemifula yaseKushe tikhonti tami, bantfu bami labasakatekile, bayawungiletsela iminikelo.
Kuyawutsi bonkhe labayawube basele etiveni tonkhe lebetihlasela iJerusalema benyuke iminyaka ngeminyaka kuyawukhonta iNkhosi, Simakadze longuSomandla, nekugubha uMkhosi Wemadlangala.
“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.
Tangena endlini, tabona umntfwana naMariya, unina. Taguca phansi, tadvumisa iNkhosi; tase tivula tikhwama tato, tamupha tipho: igolide, nemphepho, nemakha.
kuze kutsi nebetive badvumise Nkulunkulu ngesihawu sakhe, njengobe kubhaliwe kutsi: “Ngako-ke ngiyawukudvumisa emkhatsini webetive, ngiyawuhlabela ngidvumise libito lakho.”
Jabulani nine tive kanye nesive sakhe, ngobe uyawutiphindzisela ngengati yetinceku takhe. Uyawutiphindzisela etitseni takhe, ente inhlawulo yekubuyisana nelive lakhe nesive sakhe.
Kukholwa kwenu kungumhlatjelo wenu lonikelwa kuNkulunkulu. Nome ingati yami beyingengetwa kuwo lomhlatjelo, mine bengingajabula, sijabule kanye nani nonkhe.
Nani-ke wotani kuyo, nibe ngematje laphilile, nakhiwe nibe yindlu yaMoya, khona-ke niyawuba baphristi labangcwele bekunikela imihlatjelo yaMoya, leyemukelekako kuNkulunkulu ngaJesu Khristu.
Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.
Tatitseleka kanye netifuyo tato nemathende ato, kube shangatsi ngemabulo esikhonyane. Kute labengakhona kubala emadvodza nemakamela ato. Tatihlasela live lonkhe tentele kulibhubhisa.
EmaMidiyani, nema-Amaleki, nato tonkhe tive tangasemphumalanga tatimise esigodzini, titse gwacalala njengemabulo esikhonyane. Emakamela ato abengeke asabaleka, abesafanana nesihlabatsi selusentse lwaselwandle.