Isaya 60:3 - Siswati 1996 Bible

Tive tiyawusondzela ekukhanyeni kwakho nemakhosi ete ebukhatikhatini bekusa kwakho.

Isaya 60:3 Referencias Cruzadas

Genesisi 49:10

Bukhosi bungeke busuke esandleni saJuda. Titukulwane takhe tiyawubusa njalonjalo, tive tiyakwetfula kuye timlalele.

Tihlabelelo 102:16

Ngobe Simakadze utawube asayakhe kabusha iSiyoni, asabonakele enkhatimulweni yakhe,

Tihlabelelo 102:22

ngesikhatsi sekuhlangene tive ndzawonye, kanye nemibuso kutawukhonta Simakadze.

Tihlabelelo 138:4

Onkhe emakhosi emhlaba ayawukubonga wena, Simakadze, ngobe awevile emavi akho.

Tihlabelelo 2:10

Ngako-ke nine makhosi, hlakaniphani; nifundze sifundvo, nine babusi bemhlaba.

Tihlabelelo 22:27

Umhlaba wonkhe uyakukhumbula ugucukele kuSimakadze, yonkhe imindeni netive temhlaba tiyawukhotsama embikwakhe,

Tihlabelelo 68:29

ngesikhatsi usethempelini lakho, eJerusalema, emakhosi atakuletsela tipho takho khona.

Tihlabelelo 72:11

Shangatsi onkhe emakhosi angakhotsama kuyo, netive tonkhe tiyikhonte.

Isaya 11:10

Ngalelo langa iMphandze yaJese iyakuma ibe siboniso kubetive, tive tiyawuhlangana kuyo, indzawo yayo yekuphumula ibe neludvumo.

Isaya 42:6

“Mine, Simakadze, ngikubite ngekulunga, ngiyawubamba sandla sakho. Ngitawugcina ngikwente kutsi ube sivumelwane sami nesive sami, ube kukhanya kubetive,

Isaya 45:14

Naku lokushiwo nguSimakadze, utsi: “Umkhicito waseGibhithe nalokuhwebiwe kwaseKushe, kanye nalawo maSeba, bantfu labadze, kuyawuta kuwe kube kwakho, Siyoni, bayawuhamba badzembuluka emvakwakho, bete kuwe baboshwe ngetinketane. Bayawukhotsama embikwakho bakuncenge, batsi: ‘Ngempela Nkulunkulu unani, futsi kute lomunye, kute lomunye Nkulunkulu.’ ”

Isaya 45:22

“Buyani kimi, nisindziswe, nonkhe nine mikhawulo yemhlaba; ngobe nginguNkulunkulu, futsi kute lomunye.

Isaya 49:12

Buka la: Bayawuchamuka khashane, labanye enyakatfo, labanye enshonalanga, labanye etigodzini taseSinimu.”

Isaya 49:23

Emakhosi ayawuba bacizeli bakho, nemakhosikati awo amunyise bantfwabakho. Bayawuguca embikwakho, buso babo bubheke phansi emhlabatsini, bayawukhotsa lutfuli lwetinyawo takho ngelulwimi. Uyawube sewuyati-ke lapho kutsi mine nginguSimakadze. Labo labetsembela kimi bangeke bajabhiswe.”

Isaya 56:8

INkhosi Simakadze, lena lebutsa labatfunjiwe baka-Israyeli, itsi: “Ngiyawubutsela kubo labanye ngaphandle kwalabo lasebabutsiwe.”

Isaya 60:10

“Betive bayawutivusa tibondza takho, emakhosi abo ayawuhlehla kuwe. Noko ngakushaya ngenca yekutfukutsela, ngebubele bami ngiyawukuhawukela.

Isaya 60:16

Uyawunatsa lubisi lwetive, umunyiswe emabeleni ebukhosi. Uyawube sewuyati-ke kutsi mine, Simakadze, nginguMsindzisi wakho, nekutsi Somandla wakaJakobe unguMhlengi wakho.

Isaya 62:2

Tive tiyawukubona kulunga kwakho, nawo onkhe emakhosi abone emandla akho. Uyawubitwa ngelibito lelisha leliyawubekwa ngumlomo waSimakadze.

Isaya 66:12

Ngobe naku lokushiwo nguSimakadze, utsi: “IJerusalema ngiyakuyiletsela kuthula lokuyawugobhota njengemfula, bunjinga betive bute kuyo njengemfula longenelako. Niyawumunya kuyo, netfwalwe ngumkhono wayo, nidlaliselwe emadvolweni ayo.

Amose 9:12

khona batekudla lifa lensali yaka-Edomu kanye nelato tonkhe tive letibitwa ngeLibito lami,” usho njalo Simakadze, lotawutenta tonkhe letintfo.

Zakhariya 2:11

“Tive letinyenti tiyawutihlanganisa naSimakadze ngalelo langa, tibe sive sami. Ngiyawuhlala emkhatsini wenu, nani niyawukwati-ke kutsi Simakadze longuSomandla ungitfume kini.

Matewu 28:19

Ngako-ke hambani, nente tive tonkhe tibe bafundzi bami, nibabhabhatise egameni leYise, neleNdvodzana, nelaMoya Longcwele,

Lukha 24:47

nekutsi egameni lakhe kumelwe kushunyayelwe etiveni tonkhe kuphendvuka kube kutsetselelwa kwetono, kucalwe eJerusalema.

Johane 12:32

Mine nase ngiphakanyisiwe emhlabeni, bonkhe bantfu ngitabadvonsa bete kimi.”

Imisebenti yebaPhostoli 13:47

Lona ngumyalo lesawunikwa yiNkhosi lotsi: “ ‘Ngikutfumele kutsi ube kukhanya kubetive, ube yinsindziso emhlabeni wonkhe.’ ”

Imisebenti yebaPhostoli 15:17

kuze labanye bantfu nato tonkhe tive letibitwa ngelibito lami batewufuna iNkhosi, kusho iNkhosi, leyenta loko

Sembulo 11:15

Ingilosi yesikhombisa yashaya licilongo layo, kwase kuba nemisindvo lemikhulu kakhulu ezulwini itsi: “Umbuso walomhlaba sengumbuso weNkhosi yetfu, naKhristu wakhe; iyawubusa kuze kube phakadze naphakadze!”

Sembulo 21:24

Tive tiyawuhamba ekukhanyeni kwalo, nemakhosi emhlaba ayakwetfula kulo emagugu ebukhosi bawo.