Isaya 59:6 - Siswati 1996 Bible

Bulembu babo abunamsebenti ekwembatseni, abakwati kutembesa ngaloko labakwakhako. Tento tabo timbi, nemisebenti yebudlova isetandleni tabo.

Isaya 59:6 Referencias Cruzadas

Genesisi 6:11

Umhlaba wawonakele emehlweni aNkulunkulu; umhlaba wawugcwele budlova.

Jobe 16:17

Kodvwa noko tandla tami timsulwa ekulweni, nemkhuleko wami uhlobile.

Tihlabelelo 55:11

Umonakalo ungekhatsi kwalo incindzetelo nebucili akusuki enkhundleni yalo.

Tihlabelelo 58:2

Ingani etinhlitiyweni tenu niphehla imisebenti lemibi, tandla tenu ticaphele kwenta budlova emhlabeni.

Isaya 30:1

Simakadze utsi: “Maye kulabo bantfwana labanenkhani, nakulabo labakha emasu langesiwo ami, nakulabo labenta sivumelwane kungesiko ngaMoya wami, bengete sono esonweni,

Isaya 5:7

Phela, sivini saSimakadze longuSomandla yindlu yaka-Israyeli, kantsi sive sakaJuda sona sititfombo tekujabula kwakhe. Abebheke umtsetfocotfo, kodvwa wakhandza kucitfwa kwengati, wabheka kulunga, kodvwa weva kukhala kwelusizi.

Isaya 57:12

Ngitakudalula kulunga kwakho kanye nemisebenti yakho, futsi ingeke ikusite ngalutfo.

Isaya 58:4

Kuzila kwenu kudla kugcina sekuyimphi nemphikiswano, nishayane ngetibhakela tekonakala. Kungeke kulunge kutsi nizile kudla njengobe nenta lamuhla, bese nibheka kutsi livi lenu livakale ezulwini.

Isaya 64:6

Sonkhe sesifanana nebantfu labangcolile, nato tonkhe tento tetfu letinhle setifanana netidvwedvwe letingcolile. Sonkhe siyabuna njengelicembe, njengemoya tono tetfu tiyasiphephula.

Jeremiya 6:7

Njengemtfombo umpompota emanti awo, nalo liwukhafula kanjalo-ke umonakalo walo. Budlwangudlwangu nembhubhiso kuhokoma kulo, kugula kwalo nemanceba alo asembikwami njalo.

Hezekeli 18:12

Ucindzetela labamphofu nalabeswele, adlelele bantfu. Akasibuyiseli sibambiso. Ubuka tithico. Wenta tintfo letisinengiso.

Hezekeli 7:11

Budlwangudlwangu sebukhule baba yindvuku yekujezisa bubi, kute namunye loyawusala angajeziswa kulabo bantfu, kute namunye kuleso sicumbi, kute lokuyawusala ebunjingeni nasebukhosini babo.

Hezekeli 7:23

“Lungisani tinketane, ngobe lelive ligcwele kugobhota kwengati, nelidolobha ligcwele budlwangudlwangu.

Hezekeli 9:9

Wangiphendvula watsi: “Sono sendlu yaka-Israyeli neyakaJuda sikhulu ngalokwengcile; live seligobhota ingati, nelidolobha seligcwele kungabi namtsetfo. Batsi: ‘Simakadze ulikhohliwe lelive; Simakadze akaboni.’

Amose 3:10

Simakadze utsi: “Abati kutsi bangakwenta njani lokulungile, labo lababutsise budlova nemphango etigodlweni tabo.”

Amose 6:3

Nikhweshisela eceleni lilanga lelibi, bese nisondzeta edvutane umbuso lowesabisako.

Mikha 2:8

Simakadze waphendvula watsi: “Itolo loku sive sami sisukume phansi njengesitsa. Nihlubula tembatfo letinhle tebunjinga kulabo labendlulako, banganaki njengemabutfo labuya emphini.

Mikha 6:12

“Bantfu bakini labatinjinga baphanga laba labamphofu, nani nonkhe ningulabacalemanga nalabakhohlisanako.

Zefaniya 1:9

Ngalelo langa ngiyawubajezisa bonkhe labo labagwema kunyatsela emnyango, besaba tithico, labagcwalisa lithempeli labonkulunkulu babo ngebudlova nangenkhohliso.”

Zefaniya 3:1

Nako kulelo dolobha lebacindzeteli, labahlubukako nalabangcolile!

Malakhi 2:16

Simakadze Nkulunkulu wema-Israyeli utsi: “Ngiyakutondza kwehlukana kwalabashadile, kantsi futsi ngiyayenyanya indvodza levimbanisa ngebudlova njengesembatfo,” kusho Simakadze. Ngako ticaphele wena emoyeni wakho, ungabi ngulongaketsembeki.