Isaya 57:2 - Siswati 1996 Bible

Labo labahamba ngebucotfo bangena ekuthuleni; batfola kuphumula, nabangena ekufeni.

Isaya 57:2 Referencias Cruzadas

Genesisi 17:1

Kwatsi Abrama nasaneminyaka lengema-99 budzala, Simakadze wabonakala kuye watsi: “NginguNkulunkulu Somandla; hamba entsandvweni yami, ube msulwa.

2 Tikhronike 16:14

Wafihlwa ethuneni labetakhele lona eDolobheni laDavide. Bamfaka eluhlakeni lolwalufakwe imitsi yekugcina sidvumbu, bafaka netinhlobonhlobo temakha, base babasa imbutfuma yemlilo yekumlilela.

Jobe 3:17

Lapho-ke ngulapho lababi bayekela khona budlova, nalabakhatsatekile lapho bayaphumula.

Tihlabelelo 37:37

Ubombekisa lolungile, umcaphelisise locotfo, ngobe umuntfu wekuthula unelikusasa lelihle;

Umshumayeli 12:7

Mkhumbule yena, lutfuli lusengakabuyeli emhlabatsini, lapho lwatsatfwa khona, nemoya usengakabuyeli kuNkulunkulu lowawuniketa.

Isaya 14:18

Onkhe emakhosi etive angcwatjwe ngeludvumo, nguleyo naleyo ethuneni layo.

Isaya 26:7

Indlela yalolungile ibekile. Awu, wena Locondzile, wenta indlela yalolungile icondze.

Jeremiya 6:16

Naku lokushiwo nguSimakadze, utsi: “Manini emahlanganweni etindlela, nibuke, butani tindlela takadzeni, butani kutsi nguyiphi indlela lelungile, bese nihamba ngayo, niyawutfola kuphumula kwemiphefumulo yenu. Kodvwa nine natsi: ‘Singeke sihambe ngayo.’

Hezekeli 32:25

I-Elamu yendlalelwe umbhedze emkhatsini walabagwaziwe, kanye nato tonkhe ticumbi tebantfu bayo letitungelete lithuna layo. Bonkhe abakasokwa, babulewe ngenkemba. Njengobe kutfutfumelisa kwabo sekwandze nelive lonkhe lalabaphilako, betfwele lihlazo labo kanye nalabo labehlela emgodzini; balaliswe emkhatsini walabagwaziwe.

Danyela 12:13

“Kodvwa wena Danyela, hamba endleleni yakho kuze kube ngusekugcineni. Uyawuphumula, kuyawutsi ekupheleni kwemalanga, uvuke utekwemukeliswa sabelo sakho lekulifa lakho.”

Matewu 25:21

Inkhosi yaso yatsi kuso: ‘Wente kahle, sisebenti lesihle nalesetsembekile; wetsembekile etintfweni letincane, ngako ngitakubeka wengamele lokunyenti. Ngena ekujabuleni kwenkhosi yakho!’

Lukha 1:6

Bobabili babephila imphilo lengcwele kuNkulunkulu, babeyigcina yonkhe imiyalo nemitsetfo yeNkhosi.

Lukha 16:22

“Lendvodza leluphuya yafa yemukelwa tingilosi, tayiyisa edzilini lasezulwini, lapho tefike tayibeka edvute na-Abrahama; nesicebi safa sangcwatjwa.

Lukha 2:29

“Nkhosi, sengimbonile lona wawungetsembise kutsi ngitambona, ngako sengingafa ngekuthula,

Lukha 7:50

Kodvwa Jesu wase utsi kulomfati: “Kukholwa kwakho kukusindzisile, hamba ngekuthula.”

2 kubaseKorinthe 5:1

Ngobe siyati kutsi nangabe lifutwa lelidlangala lelingumtimba wetfu walapha emhlabeni, sinesakhiwo saNkulunkulu ezulwini, indlu yaphakadze lengakakhiwa ngetandla.

2 kubaseKorinthe 5:8

Ngesibindzi sitsi kuncono siwushiye lomtimba siyewuhlala neNkhosi.

KubaseFiliphi 1:23

Kepha ngisemkhatsini walokubili: Nginesifiso sekuhamba ngiyewuba naKhristu, ngobe ngiko lokuhle kakhulu.

Sembulo 14:13

Ngase ngiva livi ezulwini litsi: “Bhala naku: Babusisiwe labafile bafela eNkhosini kusukela kulesikhatsi.” Moya waphendvula watsi: “Babusisiwe ngempela! Bayawuphumula ekusebenteni kwabo kamatima, ngobe tento tabo tiyabalandzela.”