Isaya 54:2 - Siswati 1996 Bible

“Yandzisa indzawo yelithende lakho, yendlala tindvwangu telithende lakho, ungatibambi, yelula tintsambo takho, ucinise tikhonkhwane takho.

Isaya 54:2 Referencias Cruzadas

Genesisi 26:22

Wesuka lapho wayakumba lesinye sicobho, sona-ke abazange baphikisane ngaso, ngako wasetsa watsi yiRehobothi, atsi: “Njengobe Simakadze sewusentele indzawo, sitakwandza sibe tinjinga kulelive.”

Eksodusi 35:18

netiphunti, netintsambo telithende lekukhontela netesibuya;

Eksodusi 39:40

netindvwangu tesibuya, netinsika, nemaseko ato, nendvwangu yemnyango wesibuya, netintsambo taso, netiphunti taso; netimphahla tonkhe telithende lekukhontela, lithende lekuhlangana,

Isaya 26:15

Simakadze, usikhulisile sive, yebo, wena usandzisile sive. Utizuzele wena ludvumo. Uyinwebile yonkhe iminyele yelive.

Isaya 33:20

Buka iSiyoni, lidolobha lemadzili etfu; emehlo akho ayakuyibona iJerusalema, indzawo yekuhlala lenekuthula, nelithende lelingeke lisuswe; tikhonkhwane talo tingeke tisishulwe, kungeke kudzabuke ngisho nayinye yetindophi talo.

Jeremiya 10:20

Lithende lami libhidlitiwe; tonkhe tindophi talo tidzabukile. Emadvodzana ami esukile kimi, akasekho; kute namunye losasele nyalo, kute longangimisela lelithende lami, nome-ke angimisele lelidlangala lami.

Mikha 7:11

Nine bantfu baseJerusalema siyeta sikhatsi sekwakha kabusha tibondza telidolobha. Ngaleso sikhatsi live lakini liyawukwandziswa.