Isaya 52:3 - Siswati 1996 Bible

Ngobe naku lokushiwo nguSimakadze, utsi: “Watsengiswa ngelite, uyawuhlengwa ngaphandle kwemali.”

Isaya 52:3 Referencias Cruzadas

Tihlabelelo 44:12

Sive sakho usitsengise ngelinani lelincane, wangete walizuza linani lelikhulu.

Tihlabelelo 44:13

Usente saba yinhlekisa kubomakhelwane betfu, wasenta sihhala nakulabo labasihacile.

Isaya 1:27

ISiyoni itawuhlengwa ngekwemtsetfocotfo, labatisolako bahlengwe ngekulunga.

Isaya 45:13

Ngiyawuvusa Khuresi ngekulunga kwami; ngiyakwenta tonkhe tindlela takhe ticondze. Uyawulakha kabusha lidolobha lami, akhulule labatfunjiwe bami, kodvwa loko akwente ngaphandle kwentsengo nemvuzo, kusho Simakadze longuSomandla.”

Isaya 50:1

Naku lokushiwo nguSimakadze, utsi: “Iphi incwadzi yenyoko yesehlukaniso, lengamcosha ngayo kutsi ahambe? Nome-ke nganitsengisa kumuphi kulengibakweledako? Natsengiswa ngenca yetono tenu, ngenca yemacala enu unyoko wacoshwa.

Isaya 62:12

Bayawubitwa ngekutsi Sive Lesingcwele, Labahlengiwe baSimakadze. Wena uyawubitwa ngekutsi unguLofuniwe, Lidolobha Lelingakalahlwa.

Isaya 63:4

Ngobe lilanga lekuphindzisela belisenhlitiyweni yami; nemnyaka wekuhlenga labangebami sewufikile.

Jeremiya 15:13

“Bunjinga bakho nengcebo yakho ngitayinikela ibe yimphango lengabiti lutfo ngenca yato tonkhe tono takho kulo lonkhe live lakho.

Hezekeli 16:31

Ngesikhatsi wakha tibundvuma ekucaleni kwato tonkhe titaladi, wenta tindzawo takho letiphakeme tekukhontela tithico kuto tonkhe tinkhundla, wawungafanani nengwababane, ngobe wawukubukela phansi kubhadalwa.

Hezekeli 34:27

Tihlahla tesiganga tiyawutsela titselo tato, nemhlaba umilise tilimo tawo; bantfu bayawuhlala baphephile eveni labo. Bayawukwati kutsi mine nginguSimakadze, nase ngephula lijoko labo lensimbi, ngibephula etandleni talabo lababagcilatile.

Levithikusi 25:54

Nome ngabe akahlengwa nangayinye yaletindlela, kodvwa kufanele yena nemndeni wakhe akhululwe ngeMnyaka Wekubuyiselwa,

1 yaPhetro 1:18

Nati kutsi nahlengwa ngani ekuhambeni kwenu lokwakulite, lenakunikwa bokhokho. Anihlengwanga ngetintfo letigugako njengesiliva negolide;