Simakadze watsi kuye: “Wenteni? Livi lengati yemnakenu liyakhala kimi, lisemhlabatsini.
Isaya 5:7 - Siswati 1996 Bible Phela, sivini saSimakadze longuSomandla yindlu yaka-Israyeli, kantsi sive sakaJuda sona sititfombo tekujabula kwakhe. Abebheke umtsetfocotfo, kodvwa wakhandza kucitfwa kwengati, wabheka kulunga, kodvwa weva kukhala kwelusizi. |
Simakadze watsi kuye: “Wenteni? Livi lengati yemnakenu liyakhala kimi, lisemhlabatsini.
Sive sami, ema-Israyeli, ngitasentela indzawo lenhle, ngisihlanyele khona kuze sibe nelikhaya laso, singaphindzi sikhatsateke. Bantfu lababi bangeke baphindze basihluphe sive njengobe bebenta ekucaleni,
Babangela kutsi lokukhala kwalabamphofu kufike etindlebeni takhe, wadzimate wakuva kukhala kwalabeswele.
wona lowo mvini lowawuhlanyela ngesandla sakho sangesekudla, naleligala lotikhulisele lona.
Simakadze wakhuluma watsi: “Sengikubone ngempela kuhlushwa kwebantfu bami labaseGibhithe. Sengikuvile nekukhala kwabo ngekucindzetelwa nguletindvuna tabo temisebenti. Ngiyakwati kuhlupheka kwabo.
Umuntfu longafuni kulalela sikhalo salomphofu, naye angeke aphendvulwe nakakhalela lusito.
Ngaphindze ngabuka ngabona konkhe kucindzetelana lokwentiwako lapha ngaphansi kwemtfunti welilanga: Ngabona tinyembeti talabacindzetelwe, bate ngisho nemdvudvuti; emandla abengakubacindzeteli babo, kodvwa labo labacindzetelwe bate ngisho nemdvudvuti.
Ase nibuke kutsi lelidolobha lebeletsembekile seligucuke laba yingwadla kanjani! Lona lake lagcwala umtsetfocotfo, belilikhaya lekulunga, kodvwa manje seligcwele babulali!
Kusukela elutwaneni lwelunyawo lwenu kuze kuyewufika enhloko yenu, kute nakunye lokukahle, kugcwele emanceba, nemihuzuko, netilondza letikhamisile, lekungazange kugezwe nome kuboshwe kubuye kugcotjiswe ngemafutsa.
Simakadze ungena ekwehluleleni, wehlulela labadzala nebaholi besive sakhe, utsi: “Ngini lenicedze sivini sami, imphango leniyitsetse kulabamphofu igcwele etindlini tenu.
Nisho kutsini ngalokupitjita sive sami, nigaye buso balabamphofu?” kusho iNkhosi, Simakadze longuSomandla.
Ngako-ke Simakadze utawuveta tilondza etinhloko tebafati baseSiyoni; Simakadze utawucotfula tinhloko tabo, tibe timphandla.”
Ngako-ke naku lokushiwo nguLongcwele waka-Israyeli, utsi: “Ngobe niwalile lomlayeto, netsembela kumcindzeteli, natesekela ngekuyengwa,
Wasimba wesusa onkhe ematje kuso, wahlanyela kuso imivini yelikhetselo. Wakha umbhoshongo wekulindza ekhatsi kuso, wacopha nesikhamo seliwayini edvwaleni. Abetsembe kutsi sitawutsela emagelebisi lamahle, kodvwa satsela emagelebisi esiganga lamunyu.
kuhlubuka nekumbulutela Simakadze, nekumfulatsela kwetfu Nkulunkulu wetfu. Sivusa umoya wencindzetelo newekuvuka indlwabane, tinhlitiyo tetfu temitse kukhuluma emanga.
Ngako kwehlulela ngebucotfo kukhweshiselwe emuva, nekulunga kume khashane, liciniso likhubatele etindleleni, kwetsembeka akusangeni ndzawo.
Kute kini lofuna umtsetfocotfo, kute lowehlulela ngebucotfo beliciniso. Bonkhe betsembele ekuphikisaneni kwelite, bakhuluma emanga, bemitsa inhlupho, batale bubi.
Njengelijaha nalishada nentfombi, kanjalo-ke nemadvodzana akho ayawushada nawe; njengemyeni nakajabula ngamakoti wakhe, kanjalo-ke naNkulunkulu wakho uyawujabula ngawe.
Belusi labanyenti bayawubhubhisa sivini sami, bagcobagcobe insimi yami. Batayigucula insimi yami lenhle, bayente umhlaba losigagadvu.
Lesinye saletitja sasinemakhiwa lamahle kakhulu, afanana nalasheshe avutfwa. Lesinye sasinemakhiwa lamabi kakhulu, amabi kangangekutsi abengeke adleke.
Umhlaba uyawutfutfumela ngemsindvo wekutfunjwa kweBhabhulona; kukhala kwayo kuyawuhokoma emkhatsini wetive.
Bantfu bakulelive baphanga nekuphanga bagcekeze nekugcekeza; bacindzetela labamphofu nalabeswele, babaphatse kabi bekuhamba, bangabaphatsi ngekwemtsetfocotfo.
Israyeli abengumvini lowenabako watitselela yena titselo. Satsi sitselo sakhe sisandza, wakha emalati lamanye; latsi live lakhe lisatfutfuka, wahlobisa ematje akhe lakhontwako.
“Bantfu bakini labatinjinga baphanga laba labamphofu, nani nonkhe ningulabacalemanga nalabakhohlisanako.
Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.
Wentelani kutsi ngibone bubi lobungaka? Ukubeketelelani kuhlushwa kwalabacindzetelekile? Imbhubhiso nebudlwangudlwangu busembikwami njalo; kukhona kulwa nekubanga lokunyenti.
Simakadze Nkulunkulu wakho unawe, unemandla ekusindzisa. Uyawukujabulela kakhulu wena, uyawukupha kuthula ngelutsandvo lwakhe; uyawukujabulela ngekuhlabela.”
“Maye kini, bafundzisi bemtsetfo nebaFarisi! Batentisi! Ngobe nikhipha kwelishumi kwashaladi, napelepele, nelidile, niyekele lokungukona kubalulekile kwemtsetfo: kwehlulela, bubele, nekukholwa; loko benifanele kukwenta ngaphandle kwekuyekela loku.
Pho, Nkulunkulu utakwehlulwa yini kubevela labakhetsiwe bakhe, labakhala kuye imini nebusuku bacela lusito? Uyawubina yini ekubasiteni?
Onkhe emagala lakimi langatseli titselo uyawajuba. Onkhe emagala latsela titselo uyawatsena, kuze atewutsela kakhulu.
Nicaphele kutsi ningawufukameli lomcabango lomubi lotsi: ‘Umnyaka wesikhombisa lekungumnyaka wekwesulwa kwetikwelede sewusondzele,’ nize nikhombise inhlitiyo lembi kumnakenu lonesidzingo ngekungamniki lutfo. Ngobe angahle akhale ngani kuSimakadze, bese-ke nine nitfolakala ninelicala lesono.
Ase nibuke la, emaholo etisebenti letavuna emasimi enu leniwagodlile ayanimangalela anilahle ngelicala; nekukhala kwebavuni sekungenile etindlebeni teNkhosi Sebawothi.