Isaya 5:30 - Siswati 1996 Bible

Ngalelo langa bayawubhodla etikwa-Israyeli njengekubhodla kwelwandle. Umuntfu uyawutsi nakabuka live, abone bumnyama lobesabekako; ngisho nekukhanya imbala emafu ayawukwenta kube bumnyama.

Isaya 5:30 Referencias Cruzadas

Umshumayeli 12:2

Mkhumbule yena, lilanga, nekukhanya, nenyanga netinkhanyeti kusengakafiphali, nemafu asengakabuyeli emvakwemvula.

Isaya 13:10

Umtsentse welizulu kanye nato tonkhe tinkhanyeti ngemabutfo ato kungeke kukuvete kukhanya kwako. Lilanga leliphumako litakwentiwa libe mnyama, ngisho nenyanga iyakwehluleka kukhanyisa.

Isaya 13:4

“Lalelani, umsindvo etintsabeni, ufanana nalowentiwa sicumbi sebantfu! Lalelani, sidvumo emkhatsini wemibuso! Unjengetiphitsiphitsi tetive! Simakadze longuSomandla uvivisa emabutfo kutsi aphume ayekulwa imphi.

Isaya 17:12

Awu, ngekuhlokoma kwetive letinyenti, tihlokoma njengekuhlokoma kwelwandle! Awu, kuhokoma kwemsindvo webetive, tihokoma njengekuhlokoma kwemanti lamanyenti!

Isaya 30:6

Livi lesembulo lelimacondzana netilwane taseNegevu: Emancusa adzabula eveni lebulukhuni nenjabhiso, live lemabhubesi lamadvuna nalamasikati, lemabululu kanye netinyoka letindizako, ayalidzabula etfwala imicebo yawo ngetimbongolo, neminotfo yawo ngemalundza emakamela, aya kuleso sive lesingenanzuzo,

Isaya 59:9

Ngako kwehlulela ngebucotfo kukhashane natsi, nekulunga akufinyeleli kitsi. Sifuna kukhanya, kodvwa konkhe kumnyama, sifune bucwebecwebe, kodvwa sihambe kulamnyama ematfunti.

Isaya 8:22

Bayawube sebabuka phansi emhlabatsini babone inhlupheko yodvwa nebumnyama nelitfunti lelesabekako, nabo bayawulahlelwa ebumnyameni lobesabekako.

Jeremiya 13:16

Mnikeni ludvumo Simakadze Nkulunkulu wenu, asengakabuletsi bumnyama, tinyawo tenu tisengakakhubateli emagcumeni lahwalalisako. Netsembele ekukhanyeni, kodvwa utakugucula, akwente kube bumnyama lobuphatsekako, yebo, akwente kube lusizi lolujulile.

Jeremiya 30:5

“Naku lokushiwo nguSimakadze, utsi: “ ‘Kuvakala kukhala kwekwesaba, kwekwetfuka, hhayi kwekuthula.

Jeremiya 50:42

Bahlome ngebutjoki nangetikhali; bavutsa lulaka, abanamusa. Bevakala njengekudvuma kwelwandle sebagibele emahhashini abo; beta ngeticheme temabutfo emphi, bete kutawuhlasela wena, Ndvodzakati yaseBhabhulona.

Jeremiya 6:23

Bahlome ngebutjoki nangesikhali; banelulaka, abanamusa. Bevakala njengelwandle loludvumako, nabagijima ngemahhashi abo; beta njengebantfu labavivele imphi, batewuhlasela wena, awu, Ndvodzakati yaseSiyoni.”

Sililo 3:2

Ungicoshile, wangenta ngahamba ngetinyawo, ngahamba ebumnyameni kungesiko ekukhanyeni.

Hezekeli 26:3

Ngako-ke naku lokushiwo yiNkhosi Simakadze, itsi: Ngimelana nawe, wena Thire, futsi ngitakuvusela tive letinyenti tikuhlasele, njengelwandle nalugubha emagagasi alo.

Joweli 2:10

Embikwaso umhlaba uyatamatama, kutsi sibhakabhaka sitfutfumele, lilanga nenyanga kube mnyama, kutsi tinkhanyeti tingabe tisakhanya.

Amose 5:18

Nako kini nine lenifisa lilanga laSimakadze! Nilifiselani lilanga laSimakadze? Lelo langa liyawuba bumnyama, lingabi kukhanya.

Amose 8:9

INkhosi Simakadze itsi: “Ngalelo langa ngiyakwenta lilanga lishone emini, ngente umhlaba ube mnyama emini kala bha.

Matewu 24:29

“Kepha masinyane nje emvakwaleto tinhlupheko, “ ‘lilanga liyawufiphala, nenyanga iyawubate kukhanya, netinkhanyeti tidzilike esibhakabhakeni, nemandla emkhatsi ayawunyakatiswa.’

Sembulo 6:12

Latsi liWundlu nalicatulula luphawu lwesitfupha, ngabona kutamatama lokukhulu kwemhlaba. Lilanga laba mnyama njengendvwangu yelisaka leboya, inyanga yaba njengengati.