Nguye-ke longuyena ayawungakhela indlu, ayakhele Libito lami, ngiyakumisa sihlalo sebukhosi bembuso wakhe phakadze naphakadze.
Isaya 49:8 - Siswati 1996 Bible Naku lokushiwo nguSimakadze, utsi: “Ngiyawukuphendvula ngesikhatsi sami lengisitsandzako, nangelilanga lensindziso ngiyawukusita. Ngiyawukugcina, ngikwente ube sivumelwane sami nebantfu, kuze kubuyiselwe live, banikwe kabusha emafa labese acitsekile. |
Nguye-ke longuyena ayawungakhela indlu, ayakhele Libito lami, ngiyakumisa sihlalo sebukhosi bembuso wakhe phakadze naphakadze.
Cela kimi, mine ngiyawukunika tive tibe lifa lakho, nemhlaba wonkhe ube yingcebo yakho;
Kodvwa mine lo, umthandazo wami uta kuwe, Simakadze, ngesikhatsi lesifanele, Nkulunkulu; ngiphendvule ngebukhulu bemusa wakho nesetsembiso sakho sekungisindzisa.
Nome umhlaba sewutanyatanyiswa, kanye nabo bonkhe labahlala kuwo, mine ngisimisa tinsika tawo. Cabanga.
Wena Simakadze, lowo lotimiselako ngawe uyamlondvolota, umuphe kuthula nenhlalakahle, ngobe abeke litsemba lakhe kuwe.
Mine, longuSimakadze, ngiyaselusa, ngisinisela njalo nje, ngiselusa imini nebusuku, kuze kutsi kubete muntfu losonako.
Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.
Simakadze utsi: “Nayi-ke inceku yami, lengiyicinisako, lokhetsiwe wami lengijabulako ngaye; ngiyawubeka Moya wami kuye, yena uyawuletsa umtsetfocotfo wami etiveni.
“Mine, Simakadze, ngikubite ngekulunga, ngiyawubamba sandla sakho. Ngitawugcina ngikwente kutsi ube sivumelwane sami nesive sami, ube kukhanya kubetive,
Ngimi lofeza emavi etinceku takhe, aphumelelise tiphrofetho tetitfunywa takhe, lotsi ngeJerusalema: ‘Itawuhlalwa bantfu,’ nangemadolobha akaJuda atsi: ‘Atakwakhiwa,’ nangetindzala tawo atsi: ‘Ngitativusetela.’
“Naloku wawuhhihlitelwe phansi, wasala ebaleni, live lakho lasala lingasenamsebenti; nyalo-ke sewutawuba mncane kakhulu kubantfu bakho, nalabo labake bakudla bayawuba khashane kakhulu.
Ngibeke emavi ami emlonyeni wakho, ngakusibekela ngemtfunti wesandla sami; mine lengibeke emazulu endzaweni yawo, nalengabeka tisekelo temhlaba, ngikhuluma neSiyoni ngitsi: ‘Wena usive sami!’ ”
“Ngempela, Simakadze uyakuyidvudvuta iSiyoni, uyawutibuka ngesihawu tonkhe tindzala tayo; emahlane ayo uyakuwenta abe njenge-Edeni, tindzawo tayo letilihlane atente tibe njengensimi yaSimakadze. Kujabula nekutfokota kuyawutfolakala kuyo, yebo, kubonga kanye nemsindvo wekuhlabela.
Ngobe utalendlalela ngesekudla nangesancele, titukulwane takho tiyakudla emave etive, tihlale emadolobheni ato latindzala.
Nawukhala ucela kusitwa, leticumbi takho tetithico atikusindzise! Umoya uyawutiphephula tonkhe, umoyana lomncane nje uyawutikhukhula. Kodvwa lowo lowenta mine ngibe siphephelo sakhe, uyawudla lifa lelive, adle lifa lentsaba yami lengcwele.”
Bantfu bakini bayakutivusa tindzala takadzeni, bayawumisa tisekelo tasendvulo, wena uyawubitwa ngekutsi unguMvusi Wetindvonga Letiwile, uMlungisi Wetitaladi kutsi tibuye tibe nemakhaya.”
Ngiyona leyo yini inhlobo yekuzila kudla lengiyikhetsile mine, lilanga linye nje kutsi indvodza ititfobe? Lokuzila kwekutsi umuntfu akhotsame nje kuphela yini, ngekubhekisa inhloko phansi njengemhlanga, nekutsi embatse emasaka atitsele ngemlotsa? Nguloko-ke yini nine lenitsi kuzila kudla, lilanga lelemukelekile kuSimakadze?
Ungitfume kutsi ngitewumemetela umnyaka wemusa waSimakadze, nelilanga lekuphindzisela kwaNkulunkulu wetfu, nelekudvudvuta bonkhe labalilako,
Bayawutakha kabusha tindzala takadzeni, bativusetele tindzawo letabhidlitwa kadzenidzeni; bayawuvusa kabusha emadolobha lahhihlitwa, labhidlitwa etitukulwaneni tasendvulo.
Ngiyawuveta titukulwane kuJakobe, nakuJuda labo labayawuba tindlalifa tetintsaba tami; sive sami lesikhetsiwe siyawutidla, tinceku tami tiyawuhlala lapho.
ngobe loku kuyingati yami yesivumelwane, lecitselwe labanyenti kube kutsetselelwa kwetono.
Ngobe utsi: “Ngikuvile ngesikhatsi lesifanele; ngakusita ngelilanga lensindziso.” Lalelani la, “sikhatsi lesifanele” ngiso lesi; “lilanga lensindziso” ngilo lona leli.
Ngako-ke akudvunyiswe umusa wakhe webukhosi, lasipha wona ngeNdvodzana yakhe letsandzekako.
nakuJesu, uMlamuli wesivumelwane lesisha. Ingati yakhe isiphatsele lokukhulu kunengati ya-Abela.
Asesemhlabeni, Jesu wanikela ngekuthandaza, nangekuncusa, nangekukhala lokukhulu, nangetinyembeti, akhala kulowo lonemandla ekumsindzisa ekufeni, wevakala ngenca yekumesaba Nkulunkulu.
Kodvwa Khristu sewunikwe inkonzo lephakeme nalenkhulu kuneyabo, njengobe nalesivumelwane, languMlamuli waso emkhatsini waNkulunkulu nebantfu, singulesincono, ngobe sisekelwe tetsembiso letincono.