Isaya 49:21 - Siswati 1996 Bible

Uyawucabanga enhlitiyweni yakho utsi: ‘Ngubani lowangitalela laba, njengobe ngangihluphekile ngiyinyumba, ngangitfunjiwe futsi ngilahliwe? Bakhuliswa ngubani kepha laba? Ngasala ngingedvwa vo, kodvwa laba nyalo, sebaphumaphi?’ ”

Isaya 49:21 Referencias Cruzadas

Isaya 1:8

INdvodzakati yaseSiyoni seyisele njengendlu yekukhosela esivinini, nanjengelichugwana ensimini yemajoti, yebo, njengelidolobha lelivinjetelwe.

Isaya 27:10

Lidolobha leliyinqaba lisala lite muntfu, sabelo lesishiyiwe sisale sinjengelihlane, lapho sekuyabe kudla khona ematfole, alale khona ahlabule, aphundle emagala akhona aze abe mhlophe.

Isaya 29:23

Nababona emkhatsini wabo bantfwababo, umsebenti wetandla tami, bayawuligcina lingcwele Libito lami; bayawubuhlonipha bungcwele baLongcwele wakaJakobe, bamangale ngaNkulunkulu wema-Israyeli.

Isaya 3:26

Emasango aseSiyoni ayawukhala alile, lidolobha selisiganga, yebo, bantfu balo batawuhlala phantsi emhlabatsini.

Isaya 5:13

Ngako-ke lesive sami sitawutfunjwa ngenca yekubate kucondza, emadvodza aso lanetikhundla atakuwa abulawe yindlala, tincumbi taso tiyawuhashulwa komela emanti.

Isaya 52:2

Titsintsitse lutfuli lokulo; sukuma, uhlale esihlalweni sebukhosi, wena Jerusalema. Tikhulule etinketaneni letisentsanyeni yakho, wena Ndvodzakati yaseSiyoni letfunjiwe.

Isaya 60:15

“Noko uke walahlwa, watondvwa, kungekho muntfu lowendlula kuwe, ngiyawukwenta ligcabho laphakadze, nenjabulo yato tonkhe titukulwane.

Isaya 60:8

“Bobani laba labandiza etulu njengemafu, nanjengematuba aya etidlekeni tawo?

Isaya 62:4

Abasayiwukubita ngekutsi unguLahliwe, nome betse live lakini batsi nguShiywayedvwa. Kodvwa uyawubitwa ngekutsi unguHefsiba, nelive lakini kutsiwe yiBhewula, ngobe Simakadze uyawujabula ngawe, nelive lakini liyakwendza kuye.

Isaya 64:10

Emadolobha akho langcwele asalihlane, ngisho neSiyoni imbala seyilihlane, iJerusalema iyincitsakalo.

Lukha 21:24

bayawubulawa ngenkemba, batsatfwe bentiwe babe titfunjwa etiveni tonkhe; nebetive bayakuyigcobagcoba iJerusalema, kuze kugcwaliseke sikhatsi sabo.”

KubaseRoma 11:24

Nangabe wena wajutjwa emncumeni wesiganga ngemvelo, wahlunyeleliswa ngalokuphambene nemvelo emncumeni wasekhaya, kakhulu kangakanani-ke lamagala emvelo, atawuhlunyeleliswa esihlahleni sawo semvelo.

KubaseGalathiya 3:29

Nangabe-ke nibaKhristu, niyintalelwana ya-Abrahama, nitindlalifa ngekwesetsembiso.