Isaya 49:14 - Siswati 1996 Bible

Kodvwa iSiyoni yatsi: “Simakadze ungifulatsele, Simakadze ungikhohliwe.”

Isaya 49:14 Referencias Cruzadas

Tihlabelelo 13:1

Hhawu, Simakadze! Utangikhohlwa kuze kube ngunini? Utangifihlela buso bakho kuze kube ngunini?

Tihlabelelo 22:1

Nkulunkulu wami! Nkulunkulu wami! Ungishiyeleni? Ukhashane leni nekungisita? Ukhwesheleni emavini ekukhala kwami?

Tihlabelelo 31:22

Ngetfuka ngadzimate ngakhuluma ngatsi: “Sengisusiwe ngacoshwa ebusweni bakho.” Kodvwa wena wakuva kuncusa kwami, nangicela lusito kuwe.

Isaya 40:27

Ukhononelani, wena Jakobe? Wena Israyeli, usolelani ngekutsi: “Indlela yami ifihlakele kuSimakadze; lilungelo lami alikanakeki kuNkulunkulu wami”?

Isaya 49:13

Memetani ngenjabulo, mazulu! Tsakasa, nawe mhlaba! Klabalazani nihlabele, nani tintsaba! Ngobe Simakadze uyabadvudvuta bantfu bakhe, futsi uyawuba nesihawu kulabo labadzabukisiwe bakhe.

Isaya 49:15

“Umfati angalukhohlwa yini luswane lolusesebeleni lakhe nekutsi abete sihawu kumntfwana lamtalako? Nome angakhohlwa, kodvwa mine ngingeke ngikukhohlwe wena.

Isaya 54:6

Simakadze uyawukubita ubuye, kube shangatsi bewungumfati lolahliwe nalodzabukile emoyeni, umfati lowendza asemncane wabuye futsi waliwa,” kusho Nkulunkulu wakho.

Jeremiya 23:39

Ngako-ke ngitanikhohlwa ngempela nginisuse ebukhoneni bami, nine kanye nalelo dolobha lenganipha lona, nine kanye naboyihlo benu.

Jeremiya 31:3

Simakadze wabonakala kitsi kadzeni, watsi: “Ngikutsandze ngelutsandvo lwaphakadze, futsi ngisachubeka nekukunakekela ngemusa.

Sililo 5:20

Usikhohlwelani njalo nje? Usilahleleni sikhatsi lesidze kangaka?

Hezekeli 33:10

“Ndvodzana yemuntfu, khuluma kuyo indlu yaka-Israyeli, utsi: ‘Naku lenikushoko nitsi: “Tikhubekiso tetfu netono tetfu kusidvonsela phansi, natsi sesiyahusheka ngenca yato. Manje-ke sitawuphila kanjani?” ’