Lomgibeli waphutfuma wayawuhlangabeta Jehu, wafike watsi: “Naku lokushiwo yinkhosi, itsi: ‘Uta ngekuthula yini?’ ” Jehu wasiphendvula, watsi: “Utakwentani ngekuthula? Jikela ngasemvakwami, ungilandzele.” Lomahlalesangweni wabika watsi: “Lesitfunywa sesifikile kubo, kodvwa asibonakali kubuya.”
Ngako inkhosi yakhipha lesinye sitfunywa ngelihhashi, satsi nasifika kubo, satsi: “Naku lokushiwo yinkhosi, itsi: ‘Uta ngekuthula yini?’ ” Jehu naso wasiphendvula, watsi: “Utakwentani ngekuthula? Jikela ngasemvakwami, nawe ungilandzele.”
Lalelani kimi, nine tichingi, vanini loku, nine tive letikhashane, Simakadze wangibita ngisengakatalwa, kusukela ekutalweni walibita libito lami.
Kodvwa lababi banjengelwandle loluyalutelako, lwandle lolute kuphumula, lolumagagasi alo akhephuta ludzaka nelubishi.
“Bayawuphumela ngephandle babuke tidvumbu talabo labangihlubukile; imphetfu lebadlako ngeke ife, kanjalo nemlilo lobashisako ungeke ucinywe, bayakwenyanyeka kubo bonkhe bantfu.”
Watsi: “Kube mane lamuhla bewati lokudzingwa kuthula! Kodvwa manje kufihlakele emehlweni akho.