Wabuta kulenceku watsi: “Ngubani leya ndvodza lesihlangabetako?” Inceku yaphendvula yatsi: “Yinkhosi yami.” Ngako-ke watsatsa iveyili yakhe watimbonya.
Isaya 47:2 - Siswati 1996 Bible Tsatsa ematje ekusila, usile fulaha, yembula liveyili lakho. Phakamisa tidvwaba takho, uhlubule imilente yakho, wewele udzabule imifula. |
Wabuta kulenceku watsi: “Ngubani leya ndvodza lesihlangabetako?” Inceku yaphendvula yatsi: “Yinkhosi yami.” Ngako-ke watsatsa iveyili yakhe watimbonya.
Ngako Hanuni wawabamba lamadvodza akaDavide, wawahhula tilevu, wase uhhumbula netembatfo tawo ekhatsi macondzana netibunu, wase uyawayekela, ahamba.
nakunjalo-ke, umfati wami akahambe ayewusilela lenye indvodza, alale nalamanye emadvodza.
onkhe ematubulo langemadvodzana alapha eGibhithe atakufa, kusukela etubulweni laFaro losesihlalweni sebukhosi kuze kube ngusetubulweni lesigcilikati lesisilako, kufe nawo onkhe ematubulo etifuyo.
ngesikhatsi neminyango lephumela esitaladini seyivalekile, nemsindvo wesigayo sewushabalala; ngesikhatsi bantfu bavuswa kuntjilota kwenyoni, nalokuhlabelela kwato sekuvakala kancane,
kanjalo inkhosi yase-Asiriya iyawuhola baseGibhithe nebaseSudani labatfunjwe bangcunu, bangakafaki lutfo nasetinyaweni, labancane nalabadzala, bayawushwebheta ngetibunu tabo tisebaleni, kube lihlazo laseGibhithe.
Ngako-ke Simakadze utawuveta tilondza etinhloko tebafati baseSiyoni; Simakadze utawucotfula tinhloko tabo, tibe timphandla.”
Tfutfumelani, nine bafati labakhibikile; yesabani, nine madvodzakati lenitivela niphephile! Khumulani kwekwembatsa kwenu. Vunulani emasaka etinkhalo tenu.
Nawutibuta utsi: “Loku kwentekeleni kimi?” phela kungenca yetono takho letinyenti, lokutsi tidvwaba takho tidzatjulwe, nemtimba wakho uphatseke kabi.
Imisindvo yekujabula nekutfokota ngiyawuyisusa kubo, ngisuse nemaphimbo abomakoti nemyeni, nemsindvo wematje ekusila kanye nekukhanya kwesibane.
Tive tonkhe tiyawumkhonta, nendvodzana yakhe kanye nemtukulu wakhe, kuze kube sikhatsi lapho live lakhe liwa khona, tive letinyenti nemakhosi lamakhulu amehlule.
Emajaha ayaphishaneka etigayweni, bafana bayadzayitela ngaphansi kwetinyandza tetinkhuni.
Ngaphandle kwaloko ngitamhlubula abe ngcunu, ngimente abe ngcunu njengamhlazane atalwa; ngitawumenta abe njengelihlane, ngimgucule abe live leligagadzekile, afe ngekoma.
Nine takhamiti taseShafiri, tidzingiseni nihlazekile, ningcunu. Takhamiti taseSanani tesaba kuphuma edolobheni lato. Nawuva takhamiti taseBethi Eseli tilila, uyawuvele ubone kutsi kute siphephelo lapho.
Bafati lababili bayawube bagaya ndzawonye; lomunye uyawutsatfwa, lomunye asale ngemuva. [
Kepha ngulowo nalowo mfati losuke athandaza nome aphrofetha, angabophi lutfo enhloko, usuke ahlazisa inhloko yakhe, indvodza yakhe, ngobe loko kuyaye kufanane nekutsi uhhulile.
EmaFilisti ase ayambamba, akupuluta emehlo akhe, ehla naye, amyisa eGaza. Ambopha ngemaketane elitfusi, amgayisa ekhatsi ejele.