Isaya 45:18 - Siswati 1996 Bible

Ngobe naku lokushiwo nguSimakadze, lowo lowadala emazulu, unguNkulunkulu, lowo lowadala wabumba umhlaba, wawusekela; akazange awudalele kutsi ubete lutfo, kodvwa wawubumbela kutsi uhlale bantfu, utsi: “NginguSimakadze, kute lomunye.

Isaya 45:18 Referencias Cruzadas

Genesisi 1:1

Ekucaleni Nkulunkulu wadala lizulu nemhlaba.

Genesisi 1:2

Umhlaba wawulihlane lelingenalutfo, bumnyama babumbonye emanti nekujula kwawo; Moya waNkulunkulu abehla enyuka ahambahamba etikwemanti.

Genesisi 1:26

Nkulunkulu wase utsi: “Asente bantfu, babe ngumfanekiso wetfu, basifute; babuse etikwetinhlanti taselwandle, nasetikwetinyoni tasemoyeni, nasetikwetifuyo, nasetikwemhlaba wonkhe, nasetikwato tonkhe tilwane letihamba ngesisu netilwanyakatana.”

Genesisi 1:28

Nkulunkulu wababusisa watsi: “Talanani, nandze, nigcwalise umhlaba, niwuncobe. Nibuse etikwetinhlanti taselwandle, nasetikwetinyoni tasemoyeni, nasetikwato tonkhe tilwane letihamba emhlabeni.”

Genesisi 9:1

Nkulunkulu wambusisa Nowa kanye nemadvodzana akhe, watsi kubo: “Talanani nandze, nigcwalise umhlaba.

Tihlabelelo 115:16

Emazulu ayindzawo yaSimakadze, yena yedvwa, kodvwa umhlaba wawuniketela kubantfu.

Taga 30:4

“Ngubani lowake waya ezulwini waphindze wabuya? Ngubani lophetse imimoya etandleni takhe? Ngubani logocotele emanti ngengubo yakhe? Ngubani lowamisa yonkhe imikhawulo yemhlaba? Ngubani libito lakhe nelendvodzana yakhe? Ungangitjela nje?

Isaya 42:5

Naku lokushiwo nguNkulunkulu longuSimakadze, yena lowo lowadala emazulu, waweneka, wendlala nemhlaba nako konkhe lokumila kuwo, lonika kuphefumula kubantfu labakuwo, nekuphila kulabo labahamba etikwawo, utsi:

Isaya 44:24

“Naku lokushiwo nguSimakadze, uMhlengi wakho, lowakubumba esiswini, utsi: NginguSimakadze, lowente tonkhe tintfo, yena yedvwa loweneke emazulu, lowendlala umhlaba ayedvwana,

Isaya 45:12

Ngimi lowenta umhlaba, ngadala nebantfu bonkhe labahlala kuwo. Tandla tami taweneka emazulu, ngalawula nemabutfo awo etinkhanyeti.

Isaya 48:13

Tandla tami tatibeka tisekelo temhlaba. Sandla sami sangesekudla sawendlala emazulu; nangikubita, kuyavela konkhe kanyekanye.

Isaya 51:13

kutsi ningakhohlwa Simakadze, uMenti wenu, loweneka emazulu, wabeka tisekelo temhlaba, kutsi seningahlala ngekutfutfumela onkhe emalanga ngenca yelulaka lwemcindzeteli, lotilungiselela kunibhubhisa? Ngobe lukuphi nje lulaka lwemcindzeteli?

Jeremiya 10:12

Kodvwa Nkulunkulu wawudala umhlaba ngemandla akhe lamakhulu; wesekela umhlaba ngekuhlakanipha kwakhe, weneka emazulu ngekucondza kwakhe.

Jeremiya 51:15

“Umhlaba wawenta ngemandla akhe, wawusekela ngekuhlakanipha kwakhe, wendlala emazulu ngekucondza kwakhe.