Isaya 44:18 - Siswati 1996 Bible

Abati lutfo, abacondzi lutfo; emehlo abo abhadziwe, kuze bangetiwubona, netingcondvo tabo tivaliwe, khona bangetiwucondzisisa.

Isaya 44:18 Referencias Cruzadas

Tihlabelelo 81:12

Ngako-ke ngabayekelela enkhanini yetinhlitiyo tabo, kuze batihambele ngekutsandza kwabo.

Tihlabelelo 92:6

Sihhundzahhundza singeke sikwati loko, umuntfu losilima angeke acondze

Taga 28:5

Bantfu lababi abacondzi kahle lokulungile kutsi kuyini; kodvwa labo labakhonta Simakadze bakucondzisisa kahle konkhe.

Isaya 1:3

Inkhabi iyamati umniyo, nembongolo sibaya semniyo, kodvwa Israyeli akati lutfo, sive sami asicondzi.”

Isaya 26:11

Simakadze, sandla sakho siphakamele etulu, kodvwa noko abasiboni. Bente babone inshisekelo yakho ngesive sakho, batewudliwa ngemahloni. Akutsi umlilo lowugcinele titsa takho udle bona ubacedze.

Isaya 27:11

Kuyawutsi emagala akhona nasomile, ephulwe, kufike bafati bawatfote, bayekuwabasa. Ngobe lesi sive lesingeva emadlebeni, ngako, uMenti waso akasenamunyu ngaso, uMdali waso akasenasihawu ngaso.

Isaya 29:10

Simakadze wehlisele etikwenu butfongo lobukhulu: Uwavalile emehlo enu, baphrofethi, utimbonyile tinhloko tenu, baboniswa.

Isaya 44:19

Kute loke eme, acabangisise. Kute namunye lonelwati; kute nalonekucondza lotsi: “Incenye yalolukhuni ngiyibasile, ngidzimate ngapheka nesinkhwa kulamalahle alo, ngose inyama, ngayidla. Pho, ngingayenta yini intfo lesinengiso ngalolukhuni lolusele? Ngingasikhotsamela yini lesizemuzemu selugodvo?”

Isaya 44:20

Utondla ngemlotsa, edukiswe yinhlitiyo lekhohlisiwe; angeke atisindzise nome atsi: “Lentfo lesesandleni sami sangesekudla ayisiwo yini emanga?”

Isaya 44:9

Bonkhe labenta tithico balite, naletintfo letiligugu kangaka kubo tilite. Labo lababetikhulumela batimphumphutse, futsi abati lutfo, lokulihlazo kubo.

Isaya 45:20

“Butsanani ndzawonye, nite; hlanganani, nine lenibaleke etiveni. Abati lutfo labo labetfwala tithico tetingodvo, bathandaze etithicweni letingeke tisindzise.

Isaya 56:11

Batinja letitsandza kakhulu kudla, abesutsi. Babelusi labangenakucondza, bonkhe bajikela etindleleni tabo, ngulowo nalowo bese utifunela kwakhe.

Jeremiya 10:14

Bonkhe abanangcondvo, futsi abanalwati, bonkhe babumbi betegolide bahlazekile ngetithico tabo. Titfombe tabo tiyinkhohliso, atinamphefumulo.

Jeremiya 10:8

Tonkhe atinangcondvo tetfwele bulima, tifundziswa tithico letingenamsebenti tetigodvo.

Jeremiya 5:21

Lalelani naku, nine bantfu labatilima nalabangenangcondvo, labatsi banemehlo kodvwa babe bangaboni, labatsi banetindlebe kodvwa babe bangeva:

Jeremiya 51:17

“Wonkhe umuntfu akanangcondvo, futsi akanalwati; wonkhe umbumbi wetegolide unemahloni ngetithico takhe. Titfombe takhe tiyinkhohliso nje, atinamphefumulo.

Hezekeli 12:2

“Ndvodzana yemuntfu, uhlala emkhatsini wesive lesihlubukako. Banemehlo ekubona kodvwa ababoni, banetindlebe tekuva kodvwa abeva, ngobe basive lesihlubukako.

Danyela 12:10

Labanyenti bayawuhlanjululwa babe msulwa, bacengisiswe kahle bangabi nasici, kodvwa lababi bayawuchubeka babe babi kakhulu. Kute namunye walababi loyawukuvisisa, kodvwa laba labahlakaniphile bayawukuvisisa kahle.

Hoseya 14:9

Ngubani lohlakaniphile? Uyawutibona letintfo. Ngubani lokwati kubona tintfo letifihlakele? Utaticondza kahle letintfo. Tindlela taSimakadze tilungile, labalungile bahamba ngato, kodvwa labahlubukako bayakhubeka kuto.

Matewu 12:34

Nine, ntalo yetinyoka, ningakukhuluma kanjani lokuhle nine nibabi kangaka nje? Ngobe umlomo ukhuluma loko lokugcwele enhlitiyweni.

Johane 5:44

Ningakholwa kanjani nine nidvumisana nodvwana nje, ningalufuni ludvumo loluvela kuNkulunkulu, lokunguye yedvwa?

Johane 8:43

Nentiwa yini kutsi ningete nayivisisa lenkhulumo yami? Kungobe niyehluleka kuliva livi lami.

Imisebenti yebaPhostoli 14:16

Ngesikhatsi lesendlulile watiyekela tonkhe tive tatihambela ngetindlela tato.

KubaseRoma 1:28

Njengobe abafunanga kumati Nkulunkulu, ngako wababukelela, tingcondvo tabo taba butsakatsaka, netimilo tabo tonakala.

2 yaPhetro 2:14

Emehlo abo agcwele buphingi, anamatsele esonweni; baholela labo lababutsakatsaka elugibeni; tinhlitiyo tabo tetayele bukhali. Bangaphansi kwesicalekiso.