Watsi Amasiya nakabuya kuyawubulala baka-Edomu, wabuya netithico tebantfu baseSeyiri, wafike watimisa taba tithico takhe, wakhotsama embikwato, washisa imihlatjelo embikwato.
Isaya 44:15 - Siswati 1996 Bible Umuntfu ukusebentisa ekubaseni umlilo; lokunye kwako akutsatse atifutfumete ngako, ubasa umlilo apheke sinkhwa. Kodvwa uphindze abate nkulunkulu wakhe, bese uyamkhonta; wenta sithico, bese ukhotsama kuso. |
Watsi Amasiya nakabuya kuyawubulala baka-Edomu, wabuya netithico tebantfu baseSeyiri, wafike watimisa taba tithico takhe, wakhotsama embikwato, washisa imihlatjelo embikwato.
Live labo ligcwele tithico; bakhotsamela umsebenti wetandla tabo, loko lokwentiwe ngemino yabo.
Ugawula imisedari, mhlawumbe atsatse umsayipuresi nome um-okhi. Uyakuyekela kukhule emkhatsini wetihlahla telihlatsi, nome ahlanyele sipheshula, imvula bese iyakukhulisa.
Incenye yaleso sigodvo usibasa emlilweni, alungise kudla kwakhe kulowo mlilo; wosa inyama yakhe kuwo, ayidle, esutse. Uphindze otse kuwo, atsi: “Inhhi! Sengifutfumele; ngibona umlilo.”
Kulesigodvo lesisele ubata nkulunkulu, lekusithico sakhe, akhotsame kuso, asikhonte. Uthandaza kuso atsi: “Ngisindzise; wena ungunkulunkulu wami.”
“Butsanani ndzawonye, nite; hlanganani, nine lenibaleke etiveni. Abati lutfo labo labetfwala tithico tetingodvo, bathandaze etithicweni letingeke tisindzise.
Labanye batfulula igolide etikhwameni tabo, balinganise isiliva etikalini tabo, bacashe umbumbi wetegolide kutsi abentele kube sithico, bese baguca kuso basikhonte.
Kepha bantfu lababesele bangete bafa kuletinhlupho, abazange baphendvuke emisebentini yetandla tabo. Kodvwa bachubeka bakhonta emadimoni netithico tegolide, netesiliva, netelitfusi, netelitje, netemitsi: tintfo letingaboni, naletingeva, naletingahambi.
Kodvwa kwakutsi nje sikhulu singafa, bantfu babuyele etindleleni tabo letimbi kakhulu kunetaboyise, balandzele labanye bonkulunkulu, babakhonte, bakhotsame kubo. Bala kwehlukana netindlela tabo letimbi, nemikhuba yabo, nenkhani yabo.