Isaya 39:8 - Siswati 1996 Bible

Hezekiya waphendvula watsi: “Livi laSimakadze lolikhulumile lihle,” ngobe abecabanga atsi: “Kutawuba nekuthula nekuvikeleka ngesikhatsi sekuphila kwami.”

Isaya 39:8 Referencias Cruzadas

2 Samuweli 15:26

Kodvwa nangabe utsi: ‘Angijabuli ngawe,’ sengikulungele loko; akente kimi loko lakubona kumlungele.”

2 Tikhronike 32:26

Hezekiya wase uyaphendvuka kulokutiphakamisa kwenhlitiyo yakhe, njengaloku kwenta bantfu baseJerusalema; ngaloko lulaka lwaSimakadze lwangabe lusehlela etikwabo ngesikhatsi saHezekiya.

2 Tikhronike 34:28

Manje-ke ngitakuyisa kuboyihlomkhulu, wena uyawufihlwa ngekuthula. Emehlo akho akayikuyibona yonkhe lenhlekelele lengitayehlisela kulendzawo nakulabo labahlala kuyo.’ ” Ngako batsatsa lemphendvulo yakhe lomphrofethikati bayimikisa enkhosini Josaya.

Jobe 1:21

watsi: “Ngaphuma esiswini samake ngingcunu, kanjalo futsi ngiyawubuyela ngingcunu. Simakadze uphile, Simakadze utsatsile. Alidvunyiswe libito laSimakadze.”

Tihlabelelo 39:9

Ngiyawuvala umlomo wami ngingasho lutfo, ngobe kunguwe longente ngahlupheka.

Sililo 3:22

Ngenca yelutsandvo lolukhulu lwaSimakadze asikadliwa sacedvwa, ngobe sihawu sakhe singeke siphele.

Sililo 3:39

Umuntfu nje lophilako ukhononelani, nakajeziswa ngenca yetono takhe?

Levithikusi 10:3

Mosi wakhuluma ku-Aroni watsi: “Simakadze abesho kona loku-ke ngesikhatsi atsi: ‘Ngiyawutibonakalisa ngingcwele kulabo labasedvute nami; ngiyawukhatimuliswa embikwabo bonkhe bantfu.’ ” Kodvwa Aroni wathula.

Zakhariya 8:16

Nati tintfo lokufanele nitente nine: Khulumani liciniso lomunye kulomunye, emasangweni enu nikhiphe sigwebo lesiliciniso nalesiveta kuthula.

Zakhariya 8:19

“Naku lokushiwo nguSimakadze longuSomandla, utsi: ‘Lokuzila kudla kwenyanga yesine, neyesihlanu, neyesikhombisa, neyelishumi sekuyawuba ngemalanga enjabulo, nekutsakasa, nemadzili ekutijabulisa akaJuda. Ngako-ke litsandzeni liciniso nekuthula.’ ”

1 yaPhetro 5:6

Ngako-ke titfobeni ngephansi kwesandla lesinemandla saNkulunkulu, kuze ateniphakamisa ngesikhatsi lesifanele.

1 Samuweli 3:18

Ngako Samuweli wamtjela konkhe, wangete wamfihlela lutfo. Eli wakhuluma watsi: “UnguSimakadze; akente konkhe lakubona kukuhle emehlweni akhe.”