Isaya 38:17 - Siswati 1996 Bible

Empeleni wentele kusita mine lokutsi ngive tinhlungu letinje. Elutsandvweni lwakho wangisindzisa emgodzini wembhubhiso, utsatse tonkhe tono tami watilahla emvakwakho.

Isaya 38:17 Referencias Cruzadas

Jobe 29:18

“Ngangicabanga ngitsi: ‘Nami ngiyawufela ekhaya lami, emalanga ami manyenti ngangesihlabatsi saselwandle.

Jobe 33:24

ibe nemusa kuye itsi: ‘Mane umvikele angayi emgodzini. Sengimtfolele inhlawulo,’

Tihlabelelo 10:2

Ngekuchosha kwalomubi, lomphofu uyahlupheka. Lomubi akabanjwe elugibeni lalwetsiyile.

Tihlabelelo 103:12

Njengobe imphumalanga yehlukene nenshonalanga utikhweshise kangako-ke tono tetfu kitsi.

Tihlabelelo 103:3

Ungitsetselela lonkhe licala letono tami angelaphe tonkhe tifo tami.

Tihlabelelo 103:4

Ungihlenga ngiphephe ekufeni, enhloko yami ungifaka umchele longumusa nesihawu.

Tihlabelelo 30:3

Yebo, Simakadze, ungikhiphile endzaweni yalabafile, waphephisa kuphila kwami emkhatsini walababange ekufeni.

Tihlabelelo 40:2

Wangikhipha emgodzini wekufa, wangikhipha eludzakeni lolubishako, wasimisa tinyawo tami etikwelidvwala, wacinisa kuhamba kwami.

Tihlabelelo 55:23

Wena Simakadze nguwe loyawubajikijela phansi, emgodzini wekufa. Bantfu bengati nenkhohliso bangeke baphile, ngisho nencenye yemphilo yabo. Kodvwa mine ngiyakwetsembela kuwe.

Tihlabelelo 85:2

Watsetselela emacala esive sakho, wambombota tonkhe tono tabo. Cabanga.

Tihlabelelo 86:13

Ngobe umusa wakho mkhulu kimi, uwephulile umphefumulo wami ekujuleni kwekufa.

Isaya 38:15

Kodvwa ngingatsini nje? Sewungitjelile, futsi yena cobo lwakhe ukwentile loko. Ngitawuhamba ngekubonyabonyeka yonkhe iminyaka yami, ngenca yalobuhlungu bemphefumulo wami.

Isaya 43:25

“Mine, ngimi, losusa tiphambuko takho ngenca yami, tono takho angiphindzi ngitikhumbule.

Jeremiya 31:34

Sekuyawubate umuntfu loyawufundzisa makhelwane wakhe, nome indvodza ifundzise umnakabo, itsi: ‘Yati Simakadze,’ ngobe bonkhe sebayawungati kusukela kulomncane kuye kulomkhulu,” kusho Simakadze. “Ngobe ngiyawubatsetselela bubi babo, tono tabo ngingasaphindzi ngitikhumbule.”

Jona 2:6

Ngehlela emajukujukwini emhlaba, live lelimasango alo ahlala akhiyiwe kuze kube phakadze; kodvwa imphilo yami wayenyula emgodzini, Simakadze, Nkulunkulu wami.

Jona 2:7

Ngesikhatsi umphefumulo wami uphelelwa ngemandla ngakukhumbula wena, Simakadze. Umthandazo wami wafinyelela kuwe, ethempelini lakho lelingcwele.