Isaya 38:12 - Siswati 1996 Bible

Njengelithende lemelusi, indlu yami ihhihlitelwe phansi yesuswa kimi. Njengemeluki imphilo yami uyisongile, ungincamulile emculwini webudze bemphilo, busuku nemini wetamana nekungicedza.

Isaya 38:12 Referencias Cruzadas

Jobe 14:2

Ubhahela njengembali, bese uyabuna, akakhonsi, usheshe anyamalale njengesitfunti.

Jobe 17:1

“Umoya wami wephukile, emalanga ami ajutjiwe aba mafisha, sengimelwe lithuna.

Jobe 4:20

Babhujiswa emkhatsini wekusa nekuhwalala, babhubha kokuphela kubete nalokunakako loko.

Jobe 6:9

Kutsi Nkulunkulu amane asale angisila, angihlwitse ngesandla sakhe angijube.

Tihlabelelo 102:11

Emalanga ami anjengesitfunti sentsambama, ngiyabuna njengetjani.

Tihlabelelo 119:23

Nome emakhosi asahlangene ngami, mine, sikhonti sakho, ngiyawuzindla ngetimiso takho.

Tihlabelelo 31:22

Ngetfuka ngadzimate ngakhuluma ngatsi: “Sengisusiwe ngacoshwa ebusweni bakho.” Kodvwa wena wakuva kuncusa kwami, nangicela lusito kuwe.

Tihlabelelo 73:14

Ngihlushwa sonkhe sikhatsi, ngitsetsiswe onkhe emalanga.

Tihlabelelo 90:5

Bantfu ubakhukhula njengesihlambi semanti, baphele njengebutfongo, ekuseni bakhula njengeluhlata:

Isaya 1:8

INdvodzakati yaseSiyoni seyisele njengendlu yekukhosela esivinini, nanjengelichugwana ensimini yemajoti, yebo, njengelidolobha lelivinjetelwe.

Isaya 13:20

Kungeke kuphindze kuhlale muntfu kuyo, kute loyawuphindze ahlale kuyo titukulwane ngetitukulwane; kute um-Arabu loyawumisa lithende lakhe lapho, kute nemelusi loyawuphumulisa imihlambi yakhe kuyo.

2 kubaseKorinthe 5:1

Ngobe siyati kutsi nangabe lifutwa lelidlangala lelingumtimba wetfu walapha emhlabeni, sinesakhiwo saNkulunkulu ezulwini, indlu yaphakadze lengakakhiwa ngetandla.

2 kubaseKorinthe 5:4

Ngobe nasisekulo lelidlangala lelingumtimba wetfu, siyabubula sikhale ngaphansi kwemtfwalo. Asifuni kuwushiya lomtimba lomdzala, kodvwa sifuna kwemukela kuphephela kulomusha, kuze kutsi loko lokubhubhako kumitwe kuphila.

KumaHebheru 1:12

Uyawuwagocota njengelicansi, ayawuntjintjwa njengekuntjintjwa kwengubo, kepha wena uyawube seloku unjalo. Iminyaka yakho ngeke iphele.”

YaJakobe 4:14

Ningakusho kanjani loko, njengobe ningalati likusasa lekuphila kwenu kutsi litawuba yini? Ngobe kuphila kwenu kunjengenkhungu, lechamuka ibonakale sikhashana, iphindze inyamalale.