Isaya 37:1 - Siswati 1996 Bible Hezekiya, inkhosi, watsi kube akuve loko, wadzabula tingubo takhe wembatsa emasaka, wahamba wangena ethempelini laSimakadze. |
Inkhosi Hezekiya ikanye nemphrofethi Isaya, umsa wa-Amose, bakhala kuNkulunkulu, bacela lusito lwakhe ngalendzaba.
Kwatsi ngesikhatsi semhlatjelo wakusihlwa, ngasukuma lapho ekujabheni kwami, ingubo nesembatfo sami kudzabukile, ngaguca ngemadvolo tandla tami tivulekile embikwaSimakadze Nkulunkulu wami,
Watsi kube Modekhayi eve ngako konkhe loko lokwase kuhloswe kwentiwa nguHamani, wadzabula tingubo takhe, wembatsa emasaka, watitsela ngemlotsa, wahamba adzabula lidolobha ekhatsi, akhala kakhulu nakabuhlungu,
INkhosi Simakadze lenguSomandla yanibita ngalelo langa kutsi nitewukhala nilile, kutsi nitewuhhula tinwele tenu, nembatse emasaka.
Bo-Eliyakimu, umsa waHilkiya, labeyindvuna yesigodlo, naShebna, labengumabhalane, kanye naJowa, umsa wa-Asafa, labengulobhalisako, bahamba bayawubikela Hezekiya sebadzabule tingubo tabo, bafike bamtjela konkhe lokwakushiwo yindvuna lenkhulu yemphi yase-Asiriya.
Hezekiya watsatsa lencwadzi kuletigijimi wayifundza, wase ukhuphukela nayo ethempelini laSimakadze, wafike wayendlala embikwaSimakadze.
“Kungabe kambe Hezekiya, inkhosi yakaJuda, yena nome-ke lomunye nje wakaJuda wambulala yini? Hezekiya akazange yini esabe Simakadze wafuna sihawu saSimakadze? Akazange agucuke yini yena Simakadze kwekutsi angabe asasehlisa lesehlakalo labesasishito kubo? Tsine nje sesitakwehlisela sehlakalo lesibi etikwetfu!”
Inkhosi kanye nabo bonkhe lababeyisingatsile, labaweva onkhe lawo mavi, abazange sebakhombise nalokuncane nje kwesaba, futsi abatihluphanga ngekudzabula tingubo tabo ngekutisola.
Watsi: “Maye kuwe, Khorazini! Maye nakuwe, Bhethsayida! Ngobe kube lemisebenti yemandla lebeyenteke kini beyenteke eThire naseSidoni, ngabe kadze batitsela ngemlotsa bembatsa emasaka bakhombisa kuphendvuka.