Isaya 33:5 - Siswati 1996 Bible

Simakadze uphakeme, ngobe uhlala endzaweni lephakeme, utawugcwalisa iSiyoni ngekwehlulela ngemtsetfocotfo nangekulunga.

Isaya 33:5 Referencias Cruzadas

Tihlabelelo 118:16

Sandla sekudla saSimakadze siphakanyiselwe etulu. Sandla sekudla saSimakadze sisebenta ngemandla.”

Tihlabelelo 123:1

Ngiphakamisela emehlo ami ngakuwe, wena lohleti ebukhosini bakho ezulwini.

Eksodusi 15:1

Mosi nema-Israyeli bahlabela kuSimakadze nansi ingoma, batsi: “Ngiyawuhlabela kuSimakadze, ngobe uphakanyiswe kakhulu, lihhashi nemgibeli walo ukujikijele elwandle.

Eksodusi 15:6

“Sandla sakho sangesekudla, Simakadze, siphakeme ngemandla. Sandla sakho sangesekudla, Simakadze, sipitjite sitsa, sasibulala.

Eksodusi 18:11

Nyalo-ke sengiyati kutsi Simakadze mkhulu kunabo bonkhe labanye bonkulunkulu, ngobe ema-Israyeli uwakhulule ekugcilatweni ngesihluku ngemaGibhithe.”

Isaya 12:4

Ngalelo langa niyawutsi: “Bongani Simakadze, nibite Libito lakhe; yatisani tive ngaloko lakwentile, nimemetele kutsi Libito lakhe liphakeme.

Isaya 2:11

Emehlo ebantfu labatikhukhumetako ayawutfotjiswa, kutsi kutigcabha kwebantfu kwehliswe; Simakadze yena yedvwa uyawuphakanyiswa ngalelo langa.

Isaya 2:17

Kutiphakamisa kwebantfu kuyakwehliselwa phansi, nekutigcabha kwebantfu kutfotjiswe; Simakadze yena yedvwa uyawuphakanyiswa ngalelo langa,

Isaya 26:1

Ngalelo langa kuyawuhlatjelelwa ingoma kaJuda, letsi: “Sinelidolobha lelicinile; Nkulunkulu usentela insindziso ngetibondza talo netinqaba talo.”

Isaya 28:6

Uyawuba ngumoya wemtsetfocotfo kulowo lohlalela kwehlulela, abe sisusa semandla kulabo labajikisa imphi esangweni.

Isaya 30:18

Noko Simakadze ulangatelela kangaka kutsi abe nemusa kini. Uyaphakama kutsi anihawukele, ngobe Simakadze nguNkulunkulu lowehlulela ngemtsetfocotfo. Babusisiwe bonkhe labalindzela yena.

Isaya 32:1

Buka la, inkhosi iyawubusa ngekulunga, nebabusi bayawubusa ngekwemtsetfocotfo.

Isaya 33:10

Simakadze utsi: “Nyalo sengitawusukuma, nyalo sengitawuphakanyiswa, nyalo sengitakwenyuselwa etulu.

Isaya 33:4

Imphango yenu, nine tive, iyavunwa, kube shangatsi kucatsama inkhasa yesikhonyane; emadvodza ayayibunganyela, yebo, njengelibulo lesikhonyane.

Isaya 37:20

Manje-ke, Simakadze Nkulunkulu wetfu, sephule esandleni sakhe, kuze yonkhe imibuso yemhlaba yati kutsi wena wedvwa, Simakadze, unguNkulunkulu.”

Isaya 5:16

Kodvwa Simakadze longuSomandla utawuphakanyiswa ngekwehlulela kwakhe lokumsulwa. Nkulunkulu longcwele utabubonakalisa bungcwele bakhe ngekulunga kwakhe.

Isaya 52:1

Vuka, vuka, wena Siyoni, yembatsa emandla. Yembatsa tingubo takho tebukhosi, wena Jerusalema, dolobha lelingcwele. Labangakasoki nalabangcolile bangeke baphindze bangene emasangweni akho.

Isaya 56:1

Naku lokushiwo nguSimakadze, utsi: “Yentani umtsetfocotfo ningawuyekeleli, nente lokulungile, ngobe insindziso yami seyisedvute, kulunga kwami kutakwembulwa masinyane.

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Isaya 60:21

Lapho-ke bonkhe bantfu bakho bayawuba ngulabalungile, bayawuba banikati belive kokuphela. Bangimiliba lengiyihlanyele, umsebenti wetandla tami, wekubonakalisa inkhatimulo yami.

Isaya 61:11

Ngobe njengaloku nemhlaba uhlumisa emahlumela, nengadze ihlumisa inhlanyelo ikhule, kanjalo-ke neNkhosi Simakadze iyawuhlumisa kulunga neludvumo, kuhlume embikwato tonkhe tive.

Isaya 61:3

labakhala eSiyoni babonelelwe, banikwe umchele webuhle esikhundleni semlotsa, banikwe nemafutsa enjabulo esikhundleni sesililo, banikwe ingubo yekudvumisa esikhundleni semoya lodzabukile. Bayawubitwa ngekutsi batihlahla tekulunga, letihlanyelwe nguSimakadze, kuze kubonakaliswe inkhatimulo yakhe.

Isaya 66:1

Naku lokushiwo nguSimakadze, utsi: “Lizulu lisihlalo sami sebukhosi, umhlaba usenabelo setinyawo tami. Iphi-ke lendlu leningangakhela yona? Itawuba kuphi-ke indzawo yami yekuphumula?

Jeremiya 23:5

Simakadze utsi: “Ayeta emalanga, lapho ngiyawukuvusela khona Davide Ligala lelilungile, iNkhosi leyawubusa ngekuhlakanipha, yente lokucotfo nalokulungile eveni.

Jeremiya 23:6

Ngalawo malanga ayo Juda uyawusindziswa, na-Israyeli uyawuhlala aphephile. Leli libito lakhe layawubitwa ngalo, kutsiwe: Simakadze Kulunga Kwetfu.”

Jeremiya 31:23

Naku lokushiwo nguSimakadze longuSomandla, Nkulunkulu wema-Israyeli, utsi: “Ngiyawutsi nangibabuyisa ekutfunjweni, bantfu labaseveni lakaJuda nasemadolobheni akhona bayawuphindze basebentise nankha emagama batsi: ‘Simakadze akakubusise, awu wenandlu yekulunga, awu wena ntsaba lengcwele.’

Danyela 4:37

Manje, mine Nebukhadnezari, ngibabata ngiphakamise ngekudvumisa iNkhosi yelizulu, ngobe konkhe lekwentako kulungile, nato tonkhe tindlela tayo tiphelele ngekulunga. Labo labahamba ngekutigcabha, uyakwati kubatfobisa.”

KubaseRoma 11:26

Onkhe ema-Israyeli ayawusindziswa kanjalo-ke, njengobe kubhaliwe kutsi: “UMkhululi uyawuvela eSiyoni loyawususa konkhe konakala kuJakobe.

KubaseRoma 3:26

ngenca yekubeketela kwakhe. Kodvwa kwanyalo Nkulunkulu sewubonakalisa kulunga kwakhe, kuze kukhanye kutsi yena ulungile nekutsi wonkhe umuntfu lokholwa nguJesu uyamemukela kutsi ulungile.