Isaya 32:19 - Siswati 1996 Bible

Nome sangcotfo singalivitsita lihlatsi, nelidolobha silibhidlite liphele nya,

Isaya 32:19 Referencias Cruzadas

Isaya 10:18

Uyawucedza buhle bemahlatsi akhe, nemasimi akhe lavundzile, kuphele umtimba nemphefumulo, kube njengekuphela kwemuntfu logulako.

Isaya 10:19

Nemisalela yetihlahla telihlatsi lakhe iyawuba mbalwa kangangekutsi ngisho nemntfwana angatibhala phansi.

Isaya 10:33

Bukani la, iNkhosi Simakadze lenguSomandla iyawujuba emagala ngemandla lamakhulu. Tihlahla letiphakeme tiyawugawulwa, leto letidze tiyawuwiswa phansi.

Isaya 24:10

Lidolobha lelibhidlitiwe, selisele lilihlane; onkhe emasango asavaliwe, akusangeni muntfu.

Isaya 24:12

Lidolobha selisele litindzala, emasango alo abhidlitwe aba ticucu.

Isaya 25:2

Lidolobha ulente laba yindvundvuma yemfuhlululu, yebo, lidolobha lelibiyelwe laba tindzala; siphephelo sebetive sangabe sisaba ngilo lidolobha, lingeke liphindze lakhiwe kabusha.

Isaya 25:4

Bewusiphephelo salabamphofu, siphephelo salabeswele elusizini lwabo, siphephelo sekuvikela etivunguvungwini, nemtfunti ekushiseni kwelilanga. Ngobe kuphefumula kwalabanelunya kufanana nesivunguvungu lesitimukula elubondzeni;

Isaya 26:5

Uyabatfobisa labo labahlala ekuphakameni, ulalisa phansi lidolobha leliphakeme, alente lilingane nemhlabatsi, alilahle phansi elutfulini.

Isaya 27:10

Lidolobha leliyinqaba lisala lite muntfu, sabelo lesishiyiwe sisale sinjengelihlane, lapho sekuyabe kudla khona ematfole, alale khona ahlabule, aphundle emagala akhona aze abe mhlophe.

Isaya 28:17

Ngitakwenta kwehlulela ngekwemtsetfocotfo kube ngumugca wekulinganisa, nekulunga kube ngumugca wekucondzisa, sangcotfo siyawuhlwitsa lesiphephelo senu lesingemanga, nesikhukhula semanti siyakwemukisa lendzawo yenu yekubhaca.

Isaya 28:2

Buka la, Simakadze unaye lonemandla nalocinile. Njengesangcotfo nesivunguvungu lesibhubhisako, nanjengemvula lekhukhulako, nesihhuhhula semanti, uyakulisacata phansi emhlabatsini ngemandla lamakhulu.

Isaya 29:4

Uyawukhuluma sewulele phansi sengikwehlisile; inkhulumo yakho kuyawuba kuvungama nje kwaselutfulini. Liphimbo lakho liyawuvakala njengelesipoko emhlabatsini; livi lakho liyawuvumbuka livela elutfulini.

Isaya 30:30

Simakadze uyakwenta bantfu kutsi babuve bukhosi belivi lakhe, uyawubabonisa kwehla kwemkhono wakhe ngentfukutselo lekhephukako nangemlilo lodlako, nangekucheketeka kwemafu, nangekudvuma, nangesangcotfo.

Isaya 37:24

Ngetigijimi takho umpongise tindvundvuma tetinhlamba kuSimakadze, futsi watsi: ‘Ngetincola tami temphi letinyenti ngigibele ticongo tetintsaba, ticongo letiphakeme kakhulu taseLebanoni. Ngijube imisedari yakhona lemidze kakhulu, kanye netipheshula telikhetselo. Ngifinyelele kuletikhashane tindzawo takhona, emahlatsi akhona elikhetselo.

Nahume 1:1

Leli livi lesembulo macondzana neNineve, yincwadzi yembono waNahume wase-Elkhoshi.

Nahume 1:8

Ngesikhukhula lesinemandla baseNineve labaphambene naye uyawubacedza, abacoshe baye ebumnyameni.

Zakhariya 11:2

Awu, sihlahla sesipheshula, khala, ngobe umsedari sewuwile; tihlahla letikhulu letinesitfunti setibhujisiwe! Lilani, ma-okhi aseBhashani; lihlatsi lebelenile seligecwe lonkhe!

Matewu 7:25

Kwase kuna imvula, imifula yagcwala, nemimoya yahhusha, yetama kuyiphephula lendlu, kodvwa ayizange iwe, ngobe yayakhelwe esisekelweni lesasilidvwala.

Sembulo 18:21

Kwase kusuka ingilosi lenemandla yatsatsa inguzanguza yelitje lelingangelekusila, yalijikijela elwandle, ikhuluma itsi: “Iyakwentiwa njalo-ke neBhabhulona, lidolobha lelikhulu, iyawujikijelwa phansi ngemandla lamakhulu, ilahlwe, ingaphindzi ibonakale.

Sembulo 8:7

Ingilosi yekucala yalishaya licilongo layo, kwase kulandzela sangcotfo nemlilo kuhlangene nengati lokwawela emhlabeni; incenye yesitsatfu yemhlaba yasha yaphela, nencenye yesitsatfu yetihlahla yasha yaphela, kanye netjani bonkhe lobuluhlata basha baphela.