Wafike wokhela ngemlilo lithempeli laSimakadze, nesigodlo senkhosi kanye nato tonkhe tindlu taseJerusalema. Watokhela ngemlilo tonkhe tindlu letibalulekile.
Isaya 32:14 - Siswati 1996 Bible Inqaba iyawusala yodvwa, lidolobha lemsindvo lisale likhala libhungane, indlu leyinqaba kanye nembhoshongo kuyawuba lihlane lelingenalutfo phakadze naphakadze, kube kujabula kwetimbongolo nelidlelo lemihlambi, |
Wafike wokhela ngemlilo lithempeli laSimakadze, nesigodlo senkhosi kanye nato tonkhe tindlu taseJerusalema. Watokhela ngemlilo tonkhe tindlu letibalulekile.
Emvakwaloko Manase wakha kabusha lubondza lwangaphandle kweliDolobha laDavide, ngasenshonalanga nesiyalu saseGihoni esigodzini, kuze kuyewuma ekungeneni kweLisango Lenhlanti, lutungeleta intsaba i-Ofeli, walwenta lwaphakama kakhulu. Wemisa tindvuna temabutfo emphi kuwo onkhe emadolobha latinqaba akaJuda.
kwatsi tisebenti telithempeli letatihlala egcumeni i-Ofeli tona tavusa luhlangotsi lolulandzelako, kuze kuyewufika macondzana neliSango Lemanti kuya ngasemphumalanga kulombhoshongo lowawengeme sigodlo.
Kunatsa kuyo tonkhe tilwane tesiganga, netimbongolo tesiganga ngulapho tikucima khona koma kwato.
Awu dolobha leligcwele siyaluyalu! Awu dolobha lemsindvo nekujabula! Bantfu bakho labafile abakabulawa yinkemba, futsi abafelanga emphini.
Lidolobha lelibhidlitiwe, selisele lilihlane; onkhe emasango asavaliwe, akusangeni muntfu.
Lidolobha ulente laba yindvundvuma yemfuhlululu, yebo, lidolobha lelibiyelwe laba tindzala; siphephelo sebetive sangabe sisaba ngilo lidolobha, lingeke liphindze lakhiwe kabusha.
Lidolobha leliyinqaba lisala lite muntfu, sabelo lesishiyiwe sisale sinjengelihlane, lapho sekuyabe kudla khona ematfole, alale khona ahlabule, aphundle emagala akhona aze abe mhlophe.
Emasango aseSiyoni ayawukhala alile, lidolobha selisiganga, yebo, bantfu balo batawuhlala phantsi emhlabatsini.
Simakadze longuSomandla ufunge etindlebeni tami, watsi: “Impela tindlu letinyenti titawuba tindzala, netindlu letinkhulu naletinhle tisale tingenamuntfu.
Ngase ngitsi: “Awu! Simakadze, kutawuze kube ngunini?” Wangiphendvula watsi: “Kuyawuze kubhujiswe emadolobha, kubete bantfu labahlala kuwo; tindlu tize tibe tindzala, nemasimi abhujiswe aze onakale,
Ngalelo langa kuto tonkhe tindzawo lapho kwakunenkhulungwane yemivini leyayingabita tinhlavu letiyinkhulungwane tesiliva, sekuyakwena kube netitfwetfwe nemanyeva.
Timbongolo tesiganga tima emadvundvwini lagagadzekile etintsaba tikhefutele njengetimphungutja; atisaboni nasemehlweni ngenca yekweswela luhlata.”
Ngobe naku lokushiwo nguSimakadze, Nkulunkulu wema-Israyeli, ngetindlu talelidolobha netigodlo temakhosi akaJuda letihhihlitelwe phansi kuze titewusetjentiswa ekukhuphuleni umtsangala wekutivikela kuletivimbetelo nakuyo inkemba
Lapho eRibla, eveni laseHamathi, inkhosi yafike yababulalela khona. Ngako Juda waya ekutfunjweni, khashane nelive lakhe.
Ngaphandle kwaloko ngitamhlubula abe ngcunu, ngimente abe ngcunu njengamhlazane atalwa; ngitawumenta abe njengelihlane, ngimgucule abe live leligagadzekile, afe ngekoma.
Ngako-ke ngenca yenu, iSiyoni iyawulinywa njengensimi, iJerusalema iyakuba yincumbi yencitsakalo, intsaba yelithempeli ibe lihlatsi.
Leli lidolobha lelinganaki lutfo, lelaliphila liphephile. Latikhulumela lona, latsi: “Ngimi ngimi, kute futsi lelinye ngaphandle kwami.” Maye, imbhubhiso lese lingiyo, seliyindzawo yekubutsanela tilwane tesiganga! Bonkhe labendlula ngakulo bayalishalatelela, balihheletele ngetandla tabo.
Liyawuba lemisalela yendlu yakaJuda, ngulapho-ke lapho bayawutfola khona emadlelo. Kusihlwa bayawulala phansi etindlini tase-Ashkeloni. Simakadze Nkulunkulu wabo uyawubanakekela; uyawubuyisela kubo tinhlanhla tabo.
bayawubulawa ngenkemba, batsatfwe bentiwe babe titfunjwa etiveni tonkhe; nebetive bayakuyigcobagcoba iJerusalema, kuze kugcwaliseke sikhatsi sabo.”