Isaya 3:9 - Siswati 1996 Bible

Kukhetsa kwabo buso ekwehluleleni kubufakazi lobumelene nabo; bashengetisa ngesono sabo njengeSodoma, abasifihli nakancane. Maye kubo! Batiletsele inhlekelele etikwabo.

Isaya 3:9 Referencias Cruzadas

Genesisi 13:13

Kepha bantfu baseSodoma babekhohlakele, bona kakhulu kuSimakadze.

Genesisi 19:34

Ngakusasa lelitubulo latsi kulona lomncane: “Awuboni-ke, mine ngilele naye babe ebusuku bayitolo, asiphindze simnatsise futsi nalamuhla bese uyangena nawe ulale naye, sentele kutitfolela bantfwana kubabe.”

Genesisi 4:5

kepha Khayini nemnikelo wakhe akazange amnake. Ngako-ke Khayini watfukutsela kakhulu; buso bakhe banyukumala, bahlwa.

2 Emakhosi 9:30

Jehu wase uya eJezreyeli. Watsi kube akuve loko Jezebeli, wapenda emehlo akhe, walungisa tinwele takhe, wase uvela ngelifasitelo.

Tihlabelelo 10:4

Lomubi uyatigabatisa, akanaki lutfo, emicabangweni yakhe yonkhe, utsi: “Kute Nkulunkulu.”

Taga 15:32

Umuntfu longakunaki kuyalwa utedzelela yena matfupha; kodvwa lolalelako nayalwa ufundza kucondza.

Taga 30:13

Labanye bayatigcabha, bahlala ngekuchukuluta labanye bantfu.

Taga 8:36

kodvwa logeja kungitfola, utilimata yena, bonkhe labangitondzako batsandza kufa.”

Isaya 1:10

Lalelani livi laSimakadze, nine babusi baseSodoma; lalelani imfundziso yaNkulunkulu wetfu, nine bantfu baseGomora!

Isaya 3:16

Simakadze utsi: “Bafati baseSiyoni bayatigcabha; bahamba belule tintsamo, bacwashacwashata ngemehlo abo, nabahambako, bashayela etulu, emacakaleni abo kukhehleta imihlobiso labayigabile.

Isaya 57:20

Kodvwa lababi banjengelwandle loluyalutelako, lwandle lolute kuphumula, lolumagagasi alo akhephuta ludzaka nelubishi.

Isaya 59:12

Tiphambuko tetfu tinyenti emehlweni akho, netono tetfu tiyasimangalela. Tiphambuko tetfu tikitsi njalo nje, kona kwetfu siyakuvuma:

Jeremiya 2:19

Bubi benu butanijezisa, nekuhlubuka kwenu kutanitsetsisa. Cabangani-ke nibukisise kahle kutsi kubi kangakanani nekutsi kunibabela kangakanani, nanishiya Simakadze Nkulunkulu wenu, ningangesabi mine,” kusho Simakadze, Simakadze longuSomandla.

Jeremiya 3:3

Ngako-ke imvula yabanjwa langete lana, kwabate nembodlisamahlanga. Noko waba nelibunti lelomile lebugwababane, wangete wadliwa nangemahloni ngaloko.

Jeremiya 6:15

Kantsi banawo yini emahloni ngemanyala abo labawentako? Cha, bate nalamancane nje emahloni, abakwati ngisho nekukhophota. Ngako batakuwela kulabawile, bayawukwehliselwa phansi nangibajezisa,” kusho Simakadze.

Jeremiya 8:12

Kantsi banawo yini emahloni ngalamanyala abo labawentako? Cha, bate nalamancane nje emahloni; abakwati ngisho nekukhophota. Ngako bayakuwela kulabawile, bayakwehliselwa phansi, nabajeziswako, kusho Simakadze.

Sililo 5:16

Umchele udzilikile etinhloko tetfu. Maye kitsi! Ngobe sonile.

Hezekeli 16:30

“ ‘Maye, ulihatsa bo, kusho iNkhosi Simakadze, nase wenta tonkhe letintfo, uyaye ulingise ingwadla lengatibambi ledle lubangalala!

Hezekeli 16:49

“ ‘Manje-ke, lesi bekungusona sono sadzadzewenu Sodoma: Yena nemadvodzakati akhe babetigcabha, bondleke kakhulu bangenandzaba nalutfo, babengabasiti labamphofu nalabeswele.

Hezekeli 23:16

Watsi nje kube awabone, washa emashushu ngawo, wase utfumela titfunywa kuwo eBhabhulona.

Danyela 7:20

Ngabuta futsi nangaletimphondvo letatilishumi letatisenhloko yaso, nangalolu lolunye luphonjwana lolwase luyamila, lapho kwatsi letintsatfu takucala tase tiyahhohloka embikwalo, loluphondvo lwalunemehlo nemlomo lowawukhuluma ngekutigabatisa kantsi lwalubukeka lwengama leti letinye.

Hoseya 13:9

“Awu, Israyeli, ngiyawukubhubhisa ngobe umelene nami, uphambene nemsiti wakho.

Hoseya 5:5

Kutigcabha kwema-Israyeli kubufakazi lobumelene nawo; ema-Israyeli, ngisho na-Efrayimu, bayakhubateka esonweni sabo; ngisho naJuda ukhubateka kanye nabo.

KubaseRoma 6:23

Inkhokhelo yesono kufa; kodvwa sipho semusa saNkulunkulu sikuphila lokuphakadze ngaKhristu Jesu iNkhosi yetfu.

Sembulo 11:8

Tidvumbu tabo tiyawulala esitaladini selidolobha lelikhulu lelibitwa ngekufanekisa kutsi yiSodoma neGibhithe, lapho iNkhosi yabo yabetselwa khona.

1 Samuweli 15:32

Samuweli watsi: “Letsani lo-Agagi, inkhosi yema-Amaleki.” Agagi weta kuye atsakasile naye asaticabangela atsi: “Impela buhlungu bekufa sebendlulile.”