Isaya 3:14 - Siswati 1996 Bible

Simakadze ungena ekwehluleleni, wehlulela labadzala nebaholi besive sakhe, utsi: “Ngini lenicedze sivini sami, imphango leniyitsetse kulabamphofu igcwele etindlini tenu.

Isaya 3:14 Referencias Cruzadas

Jobe 22:4

Kungenca yekwesaba kwakho Nkulunkulu yini lokutsi akutsetsise, akubeke emacala?

Jobe 24:14

Kutsi kungahlwa, umbulali avuke, abulale labamphofu nalabeswele; ebusuku uhamba eba, agcekeza tindlu njengelisela.

Jobe 24:9

Umntfwana longenayise uyahlutfulwa ebeleni, luswane lwalomphofu lutsatselwe kubhadala sikwelede.

Jobe 34:23

Nkulunkulu akadzingi kube solomane aphilikishana nebantfu abavivinya, kutsi bete kuye batekwehlulelwa.

Tihlabelelo 10:9

Uyalala abhace njengelibhubesi, nalibhacela kubamba inyamatane; ubamba labo labehlulako, ahudvule losihlupheki ngelinetha lakhe.

Tihlabelelo 14:4

Pho, bate yini lwati bonkhe labantfu labenta lokubi? Badla emandla ebantfu bami shangatsi badla sinkhwa, bangathandazi kuSomandla.

Tihlabelelo 143:2

Ungangibeki licala mine, nceku yakho, ngobe kute umuntfu lomsulwa kuwe.

Taga 30:14

Labanye bantfu banematinyo latinkemba, nemihlatsi lengimikhwa; yebo, babukhali. Baloshela bamite tonkhe timphuya emhlabeni.

Isaya 10:1

Maye kulabo labashaya imitsetfo lengakalungi, kulabo labashaya imitsetfo yekucindzetela,

Isaya 10:2

bentele kwemuka labamphofu emalungelo abo, badlelele bantfu bami labacindzetelekile emalungelo abo emtsetfocotfo, batsatse imphango kubafelokati, badlelele labangenaboyise.

Isaya 11:4

kodvwa labeswele uyawubehlulela ngekwemtsetfocotfo, labamphofu belive abehlulele ngekungakhetsi. Uyawushaya umhlaba ngendvuku yemlomo wakhe; ngekuphefumula kwemlomo wakhe uyawubulala lababi.

Isaya 14:30

Timbhukudvu tetimphuya tiyawutfola emadlelo, kutsi labeswele bacambalale phansi baphephile. Kodvwa titukulwane tenu, maFilisti, ngiyakutibhubhisa ngendlala lenkhulu leyawuhhela ngisho nemisalela.

Isaya 26:6

Ulenta linyatselwe phansi ngetinyawo, yebo, ngetinyawo talabacindzetelwe, ngetinyatselo talabamphofu.

Isaya 29:19

Labatfobekile bayawubuye bajabule ngaSimakadze; labeswele bayawujabula ngaLongcwele waka-Israyeli.

Isaya 30:12

Ngako-ke naku lokushiwo nguLongcwele waka-Israyeli, utsi: “Ngobe niwalile lomlayeto, netsembela kumcindzeteli, natesekela ngekuyengwa,

Isaya 5:7

Phela, sivini saSimakadze longuSomandla yindlu yaka-Israyeli, kantsi sive sakaJuda sona sititfombo tekujabula kwakhe. Abebheke umtsetfocotfo, kodvwa wakhandza kucitfwa kwengati, wabheka kulunga, kodvwa weva kukhala kwelusizi.

Isaya 58:4

Kuzila kwenu kudla kugcina sekuyimphi nemphikiswano, nishayane ngetibhakela tekonakala. Kungeke kulunge kutsi nizile kudla njengobe nenta lamuhla, bese nibheka kutsi livi lenu livakale ezulwini.

Jeremiya 12:10

Belusi labanyenti bayawubhubhisa sivini sami, bagcobagcobe insimi yami. Batayigucula insimi yami lenhle, bayente umhlaba losigagadvu.

Jeremiya 5:27

Tindlu tabo tigcwele emacebo njengetindlu tetinyoni letigcwele tinyoni; sebaze banjinga baba nemandla,

Hezekeli 18:12

Ucindzetela labamphofu nalabeswele, adlelele bantfu. Akasibuyiseli sibambiso. Ubuka tithico. Wenta tintfo letisinengiso.

Hezekeli 20:35

Ngiyawunimikisa ehlane letive, lapho-ke siyawube sibukene buso nebuso, ngiyawukhipha sigwebo senu kini.

Hezekeli 20:36

Njengaloku ngagweba boyihlo ehlane laseveni laseGibhithe, nani ngiyakunigweba kanjalo-ke, kusho iNkhosi Simakadze.

Levithikusi 25:14

Nanitsengiselana ngendzawo nebantfu bakini, ningadlelelani.

Levithikusi 25:17

Ningadlelelani, kodvwa yesabani Nkulunkulu wenu. NginguSimakadze, Nkulunkulu wenu.’ ”

Amose 2:7

Bagcobagcoba tinhloko talabamphofu kube shangatsi bagcobagcoba lutfuli lwemhlaba, bese kutsi labacindzetelwe bangababoneleli. Indvodza nemsa wayo balala nentfombatana yinye, ngaloko bahlazise Libito lami lelingcwele.

Amose 4:1

Lalelani nali livi, nine bafati basentsabeni yaseSamariya, leniphila kahle, nitamase njengetinkhomati taseBhashani, nine lenicindzetela labamphofu, nifihlite labeswele, niphocelele emadvodza enu kutsi aninike tjwala!

Mikha 2:1

Maye kulabo labacabanga imicabango lemibi, labo labatsi balele babe bangakalali bacabanga emasu ekwenta bubi! Kutsi kungasa bakwente loko bebakuhlosile, ngobe banemandla ekukwenta loko.

Mikha 2:2

Nabafuna emasimi, bavele bawatsatse ngendlovuyangena; nabafuna tindlu, bavele batidle. Kute namunye lonemndeni lovikelekile, nome lonelutfo loluphephile.

Mikha 3:3

Nidla inyama yemitimba yesive sami, nihlube inyama yaso ematsanjeni aso nihlahlele ematsambo aso, nicobe inyama yemitimba yabo njengenyama icotjelwa kufakwa ebhodweni.

Mikha 6:10

Etindlini talababi kugcwele umcebo labawutfola ngebubi. Basebentisa tikali ngebucili, lekunguyonantfo lengiyitondzako.

Matewu 21:33

“Lalelani nangu lomunye umfanekiso: Kwake kwaba khona umlimi labenelipulazi. Wahlanyela sivini, wasibiyela ngelutsango, wemba umgodzi wekuhlutela emagelebisi etjeni, wakha nendlwana lesetulu yekulindza, wase uyasicashisa lesivini. Yena-ke wase uyahamba uya khashane.

YaJakobe 2:6

Kepha nine nimdvumatile lona lophuyile. Akusibo labacebile yini labanicindzetelako? Akusibo yini labo labanimangalela etinkantolo?