Isaya 29:8 - Siswati 1996 Bible

Njengemuntfu losabulewe yindlala nakabhudza adla, kodvwa utsi navuka ekuseni akhandze indlala imphetse, nanjengemuntfu nakomile abhudze anatsa, kodvwa atsi navuka ekuseni atikhandze afile koma, kuyawuba njalo-ke nangalemilalandle yato tonkhe tive letilwa neNtsaba yaseSiyoni.

Isaya 29:8 Referencias Cruzadas

2 Tikhronike 32:21

Simakadze wase utfumela ingilosi, yafike yawabhubhisa ngenkemba onkhe emachawe lanemandla, nebaholi, netindvuna, yabacedza bonkhe lababelapho enkambu yenkhosi yase-Asiriya. Senaheribi wabuyela emuva eveni lakhe ajojobele. Watsi uyawungena ethempelini lalonkulunkulu wakhe, lamanye emadvodzana akhe amenta silo sengubo, amjuba ngenkemba.

Tihlabelelo 129:5

Shangatsi bonkhe labatondza Siyoni, bangancandvwa bahlazekile.

Tihlabelelo 73:20

Simakadze, njengekuphela kweliphupho ekuphaphameni, utawulahla titfunti tabo, nawuvuka.

Isaya 41:11

“Bonkhe labakubhavumulelako, impela, bayakudliwa ngemahloni, bahlazeke; labo labemelene nawe bayawuba lite, babhubhe baphele.

Isaya 41:12

Nome sewutiphenyisisa titsa takho, ungeke utitfole. Labo labaphekehla imphi nawe bayawuba lite lelite.

Isaya 44:12

Umfuli utsatsa lithulusi asebente ngalo emalahleni; abumbe sithico ngetandvo, akubetsele ngemandla akhe onkhe. Uyalamba, aphelelwe ngemandla; anganatsi ngisho emanti, bese uyoma aze acaleke.

Isaya 54:17

kute sikhali lesilolelwa kulwa nawe lesiyawuphumelela, uyakuyicitsa yonkhe inkhulumo lekubeka licala. Leli lifa letinceku taSimakadze, loku ngukona kutivikela kwami,” kusho Simakadze.

Nahume 1:15

Bukani lapha etikwetintsaba, tinyawo talowo loniletsela tindzaba letimnandzi, lowo lomemetela kuthula. Gubhani imikhosi yenu, nine maJuda, nigcwalise tifungo tenu. Sekute lababi labayakunihlasela. Bayawubhubha bonkhe baphele.

Nahume 2:1

Nasi sitsa sikuhlasela, Nineve! Lindzani tinqaba, nicaphele imigwaco; tilungiseleleni. Bambanani ngemandla enu!