Isaya 28:13 - Siswati 1996 Bible

Ngako-ke livi laSimakadze kubo liyawuba kutsi: “Savu lasavu, savu lasavu, khavu lakhavu, khavu lakhavu, ziyere shamu, ziyere shamu,” kuze batewuhamba baze bawe ngetiphundvu, balimale babanjwe, bese bayatfunjwa.

Isaya 28:13 Referencias Cruzadas

Tihlabelelo 69:22

Shangatsi lidzili labo lingaba lugibe kubo, shangatsi inhlalakahle yabo ingaba ngusochaka kubo.

Isaya 28:10

Uyahhema utsi: Savu lasavu, savu lasavu, khavu lakhavu, khavu lakhavu, ziyere shamu, ziyere shamu.”

Isaya 59:10

Njengemphumphutse, siphutsata indlela ngetandla sigudla lubondza, siphutsate indlela njengebantfu labate emehlo. Emini siyakhubatela kube shangatsi sekuhlwile, emkhatsini walabanemandla sinjengalabafile.

Hoseya 6:5

Ngako-ke nganishaya nganijuba ticucu ngemavi ebaphrofethi bami, nganibulala ngemavi emlomo wami; tehlulelo tami timanyata njengembane etikwenu, tinehlele nome nini.

Hoseya 8:12

Ngababhalela tintfo letinyenti temtsetfo wami, kodvwa loko bakutsatsa njengentfo lengesiyo yabo.

Matewu 13:14

Kugcwaliseka kubo siprofetho sa-Isaya lesitsi: “ ‘Ngekuva niyakuva, ningete nacondza; ngekubuka niyawubuka, ningete nabona.

Matewu 21:44

Wonkhe lowela etikwalelitje uyawuhlifika, abe ticucu; kantsi leliyakuwela etikwakhe, lelitje liyawumsila, abe ngumcaba.]”

KubaseRoma 11:9

NaDavide utsi: “Shangatsi lidzili labo lingaba ngusochaka nelugibe, libe sikhubekiso nesijeziso.

2 kubaseKorinthe 2:16

Siliphunga lekufa kube kufa kulababhujiswako, kantsi siliphunga lekuphila kube kuphila kulabasindziswako. Ngubani-ke longakumela loko?

2 yaPhetro 3:16

Ngiko loko lakushoko kuto tonkhe tincwadzi takhe, nakabhala ngaletintfo. Kukhona tintfo letilukhuni kutivisisa kahle kuto leto tincwadzi. Labo labangati nalabangakacini bayatihlanekela, njengobe benta nakuletinye tincwadzi temiBhalo. Ngekwenta loko batiletsela kubhujiswa.