Isaya 27:4 - Siswati 1996 Bible Angikatfukutseli. Kube mane bekunetinchachabutane nemanyeva langisukelako! Bengitawushuca ngiyekuwahlasela emphini; bengitawahloseka onkhe ngemlilo. |
Wonkhe lotsintsa emanyeva usebentisa ludlawu lwensimbi, nome siphandla sesikhali; ashiselwa khona lapho alahlelwe khona.”
Kukhanya kwa-Israyeli kuyawuba ngumlilo, Longcwele wakhe abe lilangabi. Ngelilanga linye uyawuvutsa, udle emanyeva akhe netitfwetfwe takhe.
Ngalelo langa uyakutsi: “Ngiyakudvumisa, wena Simakadze, lite nome bewungitfukutselele, kodvwa kutfukutsela kwakho akusekho, esikhundleni saloko sewungidvudvutile.
Tive tiyakushiswa kube shangatsi ngumcakaco; njengetihlahla temanyeva letigawuliwe, tiyawulunyekwa ngemlilo.”
Ngempela bubi buvutsa njengemlilo; budla bucotfule tinchachabutane nemanyeva, bulumeka emahlatsi etihlahla ngemalangabi, kutsi titewushunca tibheke etulu ngaletikhulu tikhatsa tentfutfu.
Ngobe ngiyawati emasu lenginawo ngani, yebo, emasu ekuniphumelelisa, hhayi ekunilimata, emasu ekuninika litsemba nelikusasa.
Ngiyawutsi-ke nase ngikwentele inhlawulo yakho, yako konkhe loku lose ukwentile, bese uyakhumbula udliwe ngemahloni, ungaphindzi uwuvule umlomo wakho ngenca yalokuhlazeka kwakho lokungaka, kusho iNkhosi Simakadze.’ ”
Lapho-ke niyawubagcobagcoba phansi lababi; bayawuba lutfuli ngaphansi kwetinyawo tenu ngalelo langa lengiyawulungisa ngalo konkhe,” kusho Simakadze longuSomandla.
Sitja sakhe sekwela sisesandleni sakhe; uyawushanelisisa sibuya sakhe abutsele emabele esilulwini sakhe, kepha emakhoba uyawuwashisa ngemlilo longacimeki.”
Kodvwa nangabe umhlaba umilisa emanyeva netinchachabutane, awunamsebenti walutfo, futsi usengotini yekucalekiswa nguNkulunkulu; nesiphetfo sawo kushiswa ngemlilo.
INkhosi iyakwati kubakhulula ekulingweni labo labesaba Nkulunkulu; kodvwa labangakalungi ibagcinela kujeziswa ngelilanga lekwehlulelwa,