Isaya 27:10 - Siswati 1996 Bible

Lidolobha leliyinqaba lisala lite muntfu, sabelo lesishiyiwe sisale sinjengelihlane, lapho sekuyabe kudla khona ematfole, alale khona ahlabule, aphundle emagala akhona aze abe mhlophe.

Isaya 27:10 Referencias Cruzadas

Isaya 17:2

Emadolobha ase-Siriya atawushiywa abe ngemadlelo emihlambi yetimvu netimbuti, lapho iyawulala khona sekute nalotayesabisa.

Isaya 17:9

Ngalelo langa emadolobha abo latinqaba, lababewashiyiswe ngema-Israyeli, ayawufanana netindzawo lesetishiyelwe tinchachabutane nemitfuma. Onkhe ayawubate bantfu.

Isaya 24:10

Lidolobha lelibhidlitiwe, selisele lilihlane; onkhe emasango asavaliwe, akusangeni muntfu.

Isaya 25:2

Lidolobha ulente laba yindvundvuma yemfuhlululu, yebo, lidolobha lelibiyelwe laba tindzala; siphephelo sebetive sangabe sisaba ngilo lidolobha, lingeke liphindze lakhiwe kabusha.

Isaya 32:19

Nome sangcotfo singalivitsita lihlatsi, nelidolobha silibhidlite liphele nya,

Isaya 35:1

Lihlane nelive lelihamukile kuyawujabula, lugwadvule luyawujabula luchakaze timbali.

Isaya 49:21

Uyawucabanga enhlitiyweni yakho utsi: ‘Ngubani lowangitalela laba, njengobe ngangihluphekile ngiyinyumba, ngangitfunjiwe futsi ngilahliwe? Bakhuliswa ngubani kepha laba? Ngasala ngingedvwa vo, kodvwa laba nyalo, sebaphumaphi?’ ”

Isaya 64:10

Emadolobha akho langcwele asalihlane, ngisho neSiyoni imbala seyilihlane, iJerusalema iyincitsakalo.

Isaya 7:21

Ngalelo langa indvodza iyawufuya litfokati linye netimbuti letimbili.

Isaya 7:25

Mayelana nato tonkhe tintsatjana letake talinywa ngemakhuba etandla, ningeke nisaya kuto, ngenca yekwesaba titfwetfwe nemanyeva; setiyawuba tindzawo lapho kudla khona imihlambi yetinkhomo, kugcobagcobe khona netimvu.

Jeremiya 25:37

Tibaya tekuthula tiyawubhujiswa ngenca yentfukutselo leyesabekako yaSimakadze.

Jeremiya 26:18

“Mikha waseMoreshethi waphrofetha ngetikhatsi taboHezekiya, inkhosi yakaJuda. Watjela bonkhe bantfu bakaJuda watsi: ‘Naku lokushiwo nguSimakadze longuSomandla, utsi: “ ‘ISiyoni iyawulinywa njengensimi. IJerusalema iyawuba yincumbi yencintsakalo, intsaba yelithempeli ibe yindvundvuma lehlume lihlatsi letinchachabutane.’

Jeremiya 26:6

lendlu-ke ngitabe sengiyenta ifanane neShilo, nalelidolobha seliyawuba yintfo yekucalekisa emkhatsini wato tonkhe tive temhlaba.’ ”

Jeremiya 52:27

Lapho eRibla, eveni laseHamathi, inkhosi yafike yababulalela khona. Ngako Juda waya ekutfunjweni, khashane nelive lakhe.

Sililo 1:4

Imigwaco leya eSiyoni iyalila, ngobe sekwabate namunye lota emikhosini yayo lemisiwe. Onkhe emasango ayo asasala anesitunge, baphristi bayo bayabubula, emantfombatana ayo ayadzabuka, isebuhlungwini lobumatima kakhulu.

Sililo 5:18

ngobe intsaba iSiyoni seyisele ikhala libhungane, timphungutja tiyajangaza kuyo.

Hezekeli 36:4

ngako-ke vanini livi leNkhosi Simakadze, nine tintsaba taka-Israyeli: Naku lokushiwo yiNkhosi Simakadze, kuto tintsaba nemagcuma, nasemifudlaneni, nasetihosheni, nakuto tindzawo letidzilitiwe, nakumadolobha lasala akhala libhungane, laphangwa laphukutwa ngito tonkhe tive letisele letinitungeletile.

Mikha 3:12

Ngako-ke ngenca yenu, iSiyoni iyawulinywa njengensimi, iJerusalema iyakuba yincumbi yencitsakalo, intsaba yelithempeli ibe lihlatsi.