Ngekuphefumula kwakhe emazulu akhanya, angabi nalutfo; sandla sakhe sayigwaza inyoka lentjuzako.
Isaya 27:1 - Siswati 1996 Bible Ngalelo langa Simakadze uyawujezisa ngenkemba yakhe leyesabekako, lenkhulu nalenemandla lamakhulu, uyawujezisa Leviyathani, inyoka lenyelelako, yebo, Leviyathani, inyoka letibutsako; yena uyawubulala silo saselwandle. |
Ngekuphefumula kwakhe emazulu akhanya, angabi nalutfo; sandla sakhe sayigwaza inyoka lentjuzako.
Shangatsi labo labacalekisa emalanga bangacalekisa lelo langa, tingcweti letingavusa Leviyathani.
Ihamba embili etidalweni taNkulunkulu, noko uMdali wayo angabhekana nayo ngenkemba yakhe.
Hhawu, chawe lemachawe, bophela inkemba yakho elukhalweni lwakho, uhlome ngenkhatimulo yakho nangebukhosi bakho.
Bukani, Simakadze uphumela ngephandle kwendzawo yakhe yekuhlala, utewujezisa tive temhlaba ngenca yetono tato. Umhlaba utawuveta ebaleni yonkhe ingati leyacitsekela kuwo, lababulewe kuwo ungeke usabafihla.
Vuka, vuka! Tembatsise ngemandla, wena mkhono waSimakadze; vuka, ube nguloku bewungiko kucala, njengasetitukulwaneni takadzeni. Kwakungesiwe yini lona lowacoba Rahabi waba ticucu, lowagwaza leso silwane lesikhulu nalesesabekako?
ngiyawunimisela inkemba, nonkhe niyawukhotsamela kuhlatjwa, ngobe nganibita, kodvwa anizange nisabele, ngakhuluma, kodvwa anizange nilalele. Nenta lokubi emehlweni ami, nakhetsa loko lokungangijabulisi.”
Imphisi nelizinyane lemvu kuyawudla edlelweni linye, nelibhubesi liyawudla tjani njengenkhomo, kodvwa lutfuli luyawuba kudla kwenyoka. Kute lokuyawulimata nalokuyawuba yingoti kuyo yonkhe intsaba yami lengcwele,” kusho Simakadze.
Ngobe uyakwehlulela bonkhe bantfu ngemlilo nangenkemba; labo lababulewe nguSimakadze bayawuba banyenti.
“Nikhala nitsi: ‘Awu, nkemba yaSimakadze, uyawudzimate uphumule nini? Buyela emgodleni wakho; sale uma ubindzise.’
Wena lohlala ngasemantini lamanyenti futsi lonjingile ngemcebo, siphetfo sakho sesifikile, sikhatsi sakho sekutsi uncanyulwe.”
“Usidlile Nebukhadnezari, inkhosi yaseBhabhulona, wasicedza, wasenta saba ludziwo lolungenalutfo. Njenganyokangwenya usigwinyile, wagcwalisa sisu sakhe ngebumnandzi betfu, wabuya wasihlanta.
Khuluma kuyo utsi: ‘Naku lokushiwo yiNkhosi Simakadze, itsi: “ ‘Ngimelene nawe, Faro, nkhosi yaseGibhithe, wena nyokangwenya lenkhulu, wena locambalele emkhatsini wemifudlana yakho. Ukhuluma utsi: “INayili yami, ngatakhela yona mine.”
Nome bangatifihla esicongweni sentsaba iKhameli, nakhona lapho ngiyawubatingela ngize ngibabambe. Nome bangangibhacela ekujuleni kwelwandle, nakhona lapho ngiyawutfumela inyoka ibalume.
Kwavela lesinye sibonakaliso ezulwini. Kwakungunyokangwenya lobovu lomkhulu anetinhloko letisikhombisa, netimphondvo letilishumi, nemichele lesikhombisa etinhloko takhe.
Ngase ngibona lesinye silo lesaphuma emhlabatsini, sasinetimphondvo letimbili letatifanana netelizinyane lemvu, sakhuluma njenganyokangwenya.
Bantfu bakhonta lonyokangwenya, ngobe emandla akhe abewanike lesilo; lesilo basikhonta batsi: “Ngubani longalwa naso?”
Ngase ngibona imimoya lemibi lemitsatfu: Lomunye wawuphuma emlonyeni wanyokangwenya, lomunye uphuma emlonyeni wesilo, lomunye uphuma emlonyeni wemphrofethi wemanga. Lemimoya beyinjengetigogodvolo.
Lenye ingilosi kuleti letisikhombisa letatinetitja letisikhombisa yeta kimi, yefike yatsi: “Kota, ngitekukhombisa kwehlulelwa kwalengwadla leyatiwa kakhulu, lehleti emantini lamanyenti.
Lengilosi yase itsi kimi: “Lamanti lowabonile, lapho kuhleti khona lengwadla, abantfu, nemindeni, netive, netilimi ngetilimi.
Laba labanye babulawa ngenkemba lephuma emlonyeni walowo logibele lihhashi. Tonkhe tinyoni tesutsa inyama yetidvumbu tabo.
Phendvuka-ke. Nakungenjalo, ngitawuta kuwe masinyane, ngilwe nabo ngenkemba yemlomo wami.
Yabamba nyokangwenya, inyoka lendzala, lekutsiwa nguMhlebi nome nguSathane; yambopha ngeluketane iminyaka leyinkhulungwane.