Isaya 26:13 - Siswati 1996 Bible

Awu, Simakadze, Nkulunkulu wetfu, lamanye emakhosi langasiye wena abusile etikwetfu; kodvwa Libito lakho, ngilo lodvwa lesilihloniphako.

Isaya 26:13 Referencias Cruzadas

2 Tikhronike 12:8

Noko, batawuba ngaphansi kwakhe, khona batewufundza umehluko emkhatsini wekukhonta mine nekukhonta emakhosi alamanye emave.”

Isaya 10:11

ngingeke yini ngimelane nayo iJerusalema kanye netithico tayo, njengaloku ngemelana nayo iSamariya netithico tayo?’ ”

Isaya 12:4

Ngalelo langa niyawutsi: “Bongani Simakadze, nibite Libito lakhe; yatisani tive ngaloko lakwentile, nimemetele kutsi Libito lakhe liphakeme.

Isaya 2:8

Live labo ligcwele tithico; bakhotsamela umsebenti wetandla tabo, loko lokwentiwe ngemino yabo.

Isaya 26:8

Yebo, Simakadze, sihamba endleleni yemitsetfo yakho, silindzela wena; Libito lakho neludvumo lwakho ngutona tifiso tetinhlitiyo tetfu.

Isaya 51:22

Naku lokushiwo yiNkhosi Simakadze, Nkulunkulu wakho, lovikela sive sakhe, utsi: “Uyabona, sengiyisusile esandleni sakho indzebe beyikwenta udzayitele; kuleyo ndzebe, ludziwo lwentfukutselo yami, ungeke uphindze unatse kuyo futsi.

Isaya 63:7

Ngiyawukhuluma ngebukhulu bemusa waSimakadze, ngibonge tento takhe lekufanele advunyiselwe tona, ngidvumise konkhe loko Simakadze lasentele kona, yebo, tintfo letinyenti letinhle latentele indlu yaka-Israyeli, ngesihawu sakhe nangemusa wakhe lomkhulukati.

Isaya 64:5

Uyabasita labo labajabulela kwenta lokulungile, labatikhumbulako tindlela takho. Kodvwa tsine sachubeka sona, wena wasitfukutselela. Kepha siyawusindziswa kanjani?

Amose 6:10

Nangabe sihlobo lesifanele kushisa leto tidvumbu sifika sitetikhipha kuleyondlu, leso sihlobo nasibuta lona losabhacile, sitsi: “Usekhona yini lomunye losasele kanye nawe?” yena lolomunye aphendvule atsi: “Kute,” leso sihlobo siyawuphendvula sitsi: “Shi, thulani, kufanele sicaphele singaliphatsi Libito laSimakadze.”

Mikha 4:5

Tonkhe tive tikhonta tihloniphe bonkulunkulu bato, kodvwa tsine siyawukhonta Simakadze Nkulunkulu wetfu phakadze naphakadze.

Johane 8:32

niyawulati liciniso, neliciniso liyawunikhulula.”

KubaseRoma 6:22

Kodvwa nyalo senikhululiwe esonweni, senitigcili taNkulunkulu; nitfola sitselo senu sekungcweliswa. Siphetfo saloko kuphila lokuphakadze.

1 kubaseKorinthe 4:7

Vele kambe ngubani lokwenta ube ncono kunalabanye? Yini lonayo longazange uyiphiwe? Nangabe-ke waphiwa, utigabatiselani wente shangatsi awuzange uphiwe?

KumaHebheru 13:15

Asimbonge njalo Nkulunkulu, simdvumise ngaJesu. Lokumdvumisa akube ngumnikelo wayo yonkhe imilomo levuma libito lakhe.

Joshuwa 23:7

Ningatihlanganisi nato letive letisasele tilapha emkhatsini wenu. Ningacali nikhuleke nome nifunge ngaleto tithico tato. Kufanele ningatikhonti nome nikhotsame kuto.