Loko lokubhidlitwe nguye, kute longaphindze akwakhe kabusha, umuntfu lamfake ejele angeke akhululwe ngumuntfu.
Isaya 25:2 - Siswati 1996 Bible Lidolobha ulente laba yindvundvuma yemfuhlululu, yebo, lidolobha lelibiyelwe laba tindzala; siphephelo sebetive sangabe sisaba ngilo lidolobha, lingeke liphindze lakhiwe kabusha. |
Loko lokubhidlitwe nguye, kute longaphindze akwakhe kabusha, umuntfu lamfake ejele angeke akhululwe ngumuntfu.
Kungeke kuphindze kuhlale muntfu kuyo, kute loyawuphindze ahlale kuyo titukulwane ngetitukulwane; kute um-Arabu loyawumisa lithende lakhe lapho, kute nemelusi loyawuphumulisa imihlambi yakhe kuyo.
Kodvwa tilwane tasehlane tiyawulala khona, timphungutja tiyawugcwala etindlini takhona, tikhova tiyawuhlala khona, netimbuti tesiganga tiyawutjakadvula khona.
Timphisi tiyawushaya umkhulungwane kuleto tinqaba tayo, kanjalo netimphungutja etigodlweni tayo. Sikhatsi sayo sesisondzele, nemalanga ayo angeke andziswe.”
“Ngiyawuyenta ibe yindzawo yetikhova, kube yindzawo lelichaphoti. Ngiyawuyishanyela ngemshanyelo wembhubhiso,” usho njalo Simakadze longuSomandla.
Livi lesembulo lelimacondzana neDamaseko: “Buka la, iDamaseko ingeke isaba lidolobha, kodvwa seyitawuba yindvundvuma nje yetindzala.
Lidolobha leliyinqaba liyawunyamalala kulaka-Efrayimu, kuphele nebukhosi bendlunkhulu yaseDamaseko. Insali yaseSiriya iyawuba njengebukhosi baka-Israyeli,” kusho Simakadze longuSomandla.
Asubuke nje, naku kuta umuntfu ugibele incola yakhe yemphi, lenemahhashi laboshelwe ngamabili. Lomuntfu waphendvula watsi: ‘IBhabhulona seyiwile, iwile! Tonkhe titfombe tetithico tayo setibhidlikele phansi emhlabatsini!’ ”
Simakadze welule sandla sakhe wasiphakamisela etikwelwandle, wenta imibuso yalo yatfutfumela, wayala namacondzana nelaseFenisiya, kutsi tinqaba tayo atibhujiswe.
Bukani live lemaBhabhulona, lesive lese silite nyalo! Ema-Asiriya lelive asalente laba yindzawo yetilwane telihlane. Akhe imibhoshongo yekuvimbetela, ahlubula tinqaba talo, taba tindzala.
Lidolobha lelibhidlitiwe, selisele lilihlane; onkhe emasango asavaliwe, akusangeni muntfu.
Uyakudzilitela phansi tibondza takaMowabi letiphakeme naletitinqaba, atihhihlitele phansi; uyakutihhihlitela phansi elutfulini.
Uyabatfobisa labo labahlala ekuphakameni, ulalisa phansi lidolobha leliphakeme, alente lilingane nemhlabatsi, alilahle phansi elutfulini.
Lidolobha leliyinqaba lisala lite muntfu, sabelo lesishiyiwe sisale sinjengelihlane, lapho sekuyabe kudla khona ematfole, alale khona ahlabule, aphundle emagala akhona aze abe mhlophe.
Inqaba iyawusala yodvwa, lidolobha lemsindvo lisale likhala libhungane, indlu leyinqaba kanye nembhoshongo kuyawuba lihlane lelingenalutfo phakadze naphakadze, kube kujabula kwetimbongolo nelidlelo lemihlambi,
Emanyeva ayakwehlula tigodlo talo, emanyeva netinchachabutane kunyatsele tinqaba talo. Kuyawuba yindzawo yekujangaza timphungutja, nelikhaya letahhukulu.
“Awuzange uve yini? Ngakumisa kadzeni. Ngakuhlela ngemalanga asendvulo, manje sesikhatsi sekutsi kwenteke, kutsi ugucule emadolobha latinqaba, wawaphihlita aba tindvundvuma tematje.
Kute lidvwala leliyawutsatfwa kuwe liyekwentiwa sisekelo sendlu, kute nome litje leliyakwentiwa sisekelo, ngobe sewuyawusala kukhala libhungane phakadze naphakadze,” kusho Simakadze.
“IJerusalema ngitayenta indvundvuma yematje, ngiyente umgedze wetimphungutja. Emadolobha akaJuda ngiyakuwenta abe tindzala, kuze kubete muntfu lohlala kuwo.”
Butsani konkhe loko lokuphangwe kulo nikubutsele ndzawonye enkhundleni yelidolobha, nilishise lonkhe lelo dolobha kanye nemphango yalo kube ngumnikelo wekushiswa samuku kuSimakadze Nkulunkulu wenu. Liyawusala litindzala phakadze naphakadze, aliseyiwuphindze lakhiwe kabusha.
Batitsela ngetintfuli etinhloko, balila, bakhala, bamemeta batsi: ‘Maye! Maye! Hhawu, yehheni, lelidolobha lelikhulu kangaka lelicebise bonkhe labanemikhumbi elwandle! Ngesikhashana nje lilahlekelwe ngiko konkhe.’ ”