Isaya 19:16 - Siswati 1996 Bible

Ngalelo langa baseGibhithe bayawuba njengebafati. Bayawutfutfumela ngenca yekwesaba ingalo yaSimakadze longuSomandla leyawube iphakanyiselwe kumelana nabo.

Isaya 19:16 Referencias Cruzadas

Tihlabelelo 48:6

Agcwala emanti emadvolweni, efikelwa buhlungu lobukhulu, njengebemfati lobelekako.

Eksodusi 11:6

Kutawuba nesililo lesikhulu lesingazange sesibe khona eveni laseGibhithe, futsi singeke siphindze sibe khona lesifana naso.

Isaya 10:32

Lamuhla nje ema-Asiriya ayawumisa eNobi; ayawujikitisa tibhakela tawo entsabeni yeNdvodzakati yaseSiyoni, egcumeni laseJerusalema.

Isaya 11:15

Simakadze uyakomisa sihlenge selwandle lwaseGibhithe; uyakwelula sandla sakhe lesinemandla etikweYufrathe, ayihamule ngemoya loshisako. Lomfula uyakuwehlukanisa ekhatsi, ube ngimifula lesikhombisa, khona bantfu batekwewela bafake tincabule.

Isaya 13:2

“Phakamisani siboniso semphi, nisiphakamisele esicongweni sentsaba. Memetani kakhulu, nibakhwebe, khona batewuncandzeka babuye, bangene emasangweni alabaphakeme.

Isaya 30:17

Inkhulungwane iyawubaleka icoshwe kwetfuswa ngumunye nje, ngekusonga kwalabasihlanu niyawubhedvuka nonkhe nibaleke, nize nisale seninjengesibhonga lesisiboniso lesisele esicongweni sentsaba, nanjengendvwangu lephakanyiswe egcumeni.”

Jeremiya 50:37

Inkemba ilengela etikwemahhashi ayo nasetikwetincola takhona temphi, nasetikwato tonkhe tihambi etigabeni tato! Bayawuba njengebafati. Inkemba ilengela etikwemcebo weBhabhulona! Bayawuphangwa.

Jeremiya 51:30

Emabutfo aseBhabhulona aseyekele kulwa, asahleti nje etinqabeni tawo. Emandla awo asaphelile, asanjengebafati. Tindzawo tayo tekuhlala setilunyekwe ngemlilo; imicabo yemasango ayo seyephuliwe.

Obadiya 1:9

Emabutfo akho, Themani, ayakutfutfumela, bonkhe bantfu labaseveni letintsaba, lekulive laka-Edomu, bayakubulawa.”

Nahume 3:13

Ase ubheke emasotja akho! Onkhe abafati nje. Emasango elive lakho, avulekele titsa takho kabanti, umlilo uyishise yonkhe imicabo yawo.

Zakhariya 10:11

Bayakwendlula elwandle lwetinhlupheko, lwandle loludlondlobele luyawubindziswa, nako konkhe kujula kweNayili kuyawukoma. Kutigcabha kwase-Asiriya kuyawudzilitwa, nendvuku yebukhosi yaseGibhithe iyawunyamalala.

Zakhariya 2:13

“Thulani embikwaSimakadze, nonkhe nine bantfu bemhlaba, ngobe sewuvukile waphuma endzaweni yakhe lengcwele.”

Zakhariya 2:9

Utsi: “Impela ngiyawuphakamisa sandla sami ngimelane nato, khona titewuba yimphango yetigcili tato. Ngulapho-ke niyawukwati khona kutsi nguSimakadze longuSomandla longitfumile.

1 kubaseKorinthe 2:3

Ngangihleti nani nginebutsakatsaka nekwesaba nekutfutfumela lokukhulu.

2 kubaseKorinthe 5:11

Ngako-ke, njengobe sati kutsi kuyini kwesaba Nkulunkulu, setama kuzuza bonkhe bantfu. Nkulunkulu usati njengobe sinjalo; nami ngiyetsemba kutsi nani niyasicondzisisa.

KumaHebheru 10:31

Maye, kuyesabeka kwehlulelwa nguNkulunkulu lophilako!