Nkulunkulu wabonkulunkulu unguSimakadze lokhulumako. Umemetela emhlabeni wonkhe, kusukela emphumalanga kuye enshonalanga.
Isaya 18:3 - Siswati 1996 Bible “Nonkhe nine tive temhlaba, nine lenihlala kulomhlaba, nakuphakanyiswa siboniso semphi entsabeni, nibobuka, nakukhala licilongo, nilalelisise. |
Nkulunkulu wabonkulunkulu unguSimakadze lokhulumako. Umemetela emhlabeni wonkhe, kusukela emphumalanga kuye enshonalanga.
Lalelani, nine mazulu! Lalela nawe, mhlaba! Ngobe Simakadze sewukhulume, watsi: “Bantfwabami ngibondlile ngabakhulisa, kodvwa sebangihlamukile.
Uyakuphakamisela tive siboniso, abutse batfunjwa baka-Israyeli; uyawuhlanganisa bantfu bakaJuda labasakatekele emagumbini omane emhlaba.
“Phakamisani siboniso semphi, nisiphakamisele esicongweni sentsaba. Memetani kakhulu, nibakhwebe, khona batewuncandzeka babuye, bangene emasangweni alabaphakeme.
“Lalelani, umsindvo etintsabeni, ufanana nalowentiwa sicumbi sebantfu! Lalelani, sidvumo emkhatsini wemibuso! Unjengetiphitsiphitsi tetive! Simakadze longuSomandla uvivisa emabutfo kutsi aphume ayekulwa imphi.
Simakadze, sandla sakho siphakamele etulu, kodvwa noko abasiboni. Bente babone inshisekelo yakho ngesive sakho, batewudliwa ngemahloni. Akutsi umlilo lowugcinele titsa takho udle bona ubacedze.
Inqaba yawo iyawudzilika ngenca yekwesaba, netindvuna tawo tiyawutfutfumela kakhulu ekubonakaleni kwesiboniso semphi,” usho Simakadze, lomlilo wakhe useSiyoni, nembutfuma yakhe yemlilo iseJerusalema.
Naku lokushiwo yiNkhosi Simakadze, itsi: “Buka la; ngiyawuchweba betive, ngiyawuphakamisa siboniso sami kubantfu. Bayawuletsa emadvodzana akho bawagodle ngemikhono, betfwele emadvodzakati akho emahlombe.
Tive letikhashane uyakutiphakamisela siboniso, ashaye impembe atibite khona emaphetselweni emhlaba. Ngekushesha lokukhulu tiyakuta.
Ngalelo langa Simakadze uyawushaya inkwela abite timphungane letingasemifuleni yaseGibhithe kanye netinyosi taseveni lase-Asiriya.
“Phakamisani emhlabeni siboniso semphi! Shayani impalampala emkhatsini wetive! Lungisani tive, nitilungiselele kulwa neBhabhulona. Butsani lemibuso, niyisukele niyihlasele: nibite i-Ararathi, neMini kanye ne-Ashkenazi. Bekani indvuna yemphi, nimelane neBhabhulona. Tfumelani emahhashi lanjengemabulo esikhonyane.
Lalelani naku, nine tive nonkhe: nilalele nani mhlaba wonkhe! INkhosi Simakadze iyakunilahla ngelicala. Lalelani! Ukhuluma asethempelini lakhe.
Nine tintsaba, nani tisekelo taphakadze temhlaba lalelani licala lelibekwa nguSimakadze! Simakadze ubeka sive sakhe licala. Utsi sive sakhe, lesingu-Israyeli, sinelicala.”
Kuhlakanipha kumesaba Simakadze. Uyamemeta edolobheni utsi: “Lalelani nine bantfu lenibutsana edolobheni!
Simakadze uyawube sewuyabonakala kubo, umcibisholo wakhe uyawugijima njengembane. INkhosi Simakadze iyawushaya impalampala, iyawushuca ngetivunguvungu taseningizimu,