Kwatsi kusenjalo kwakhuphuka letinye futsi emfuleni, nato tisikhombisa; tona-ke tatibukeka kabi tondze tingimikhehlekhehle, tema elusentseni lwemfula eceleni kwaleti letinye.
Isaya 17:4 - Siswati 1996 Bible “Ngalelo langa bukhosi bakaJakobe buyawunyamalala; nemitsebe lebhubuka emtimbeni wakhe iyawuhusheka iphele. |
Kwatsi kusenjalo kwakhuphuka letinye futsi emfuleni, nato tisikhombisa; tona-ke tatibukeka kabi tondze tingimikhehlekhehle, tema elusentseni lwemfula eceleni kwaleti letinye.
Shalmaneseri, inkhosi yase-Asiriya, wakhuphuka watawuhlasela Hosheya, labengumuntfu longaphansi kwakhe, atsela kuye umtselo.
Kwatsi ngemnyaka wemfica wekubusa kwaHosheya, inkhosi yase-Asiriya yatfumba iSamariya, yase itfumba baka-Israyeli yabayisa e-Asiriya. Yabeka labanye eHala, labanye eGozani ngasemfuleni iHabori, nalabanye emadolobheni emaMede.
Ngako-ke, iNkhosi Simakadze lenguSomandla iyawutfumela sifo lesondzisanako kulabo labanemandla base-Asiriya; ngephansi kwalokutikhukhumeta kwabo kuyakokheleka umlilo, yebo, umlilo lofanana nemalangabi lavutsako.
Niyakwenta njani ngelilanga lekwehlulelwa, ngesikhatsi sehlakalo sichamuka khashane? Niyawubalekela kubani nicele lusito? Niyakuwushiya nabani lomcebo wenu?
Kute leningakwenta ngaphandle kwekushosha phansi kanye nalabatfunjwako, nome niwele phansi emkhatsini walababulewe. Noko ngako konkhe loku, lulaka lwakhe alukagucuki, nesandla sakhe sisephakeme.
Lidolobha leliyinqaba liyawunyamalala kulaka-Efrayimu, kuphele nebukhosi bendlunkhulu yaseDamaseko. Insali yaseSiriya iyawuba njengebukhosi baka-Israyeli,” kusho Simakadze longuSomandla.
Kuyawuba njalo emhlabeni, nakuto tonkhe tive kube njengesihlahla semncumo nasivitsitiwe, nanjengaloko lokusele nakuvunwa emagelebisi.
Siva kuhlabela kuchamuka emikhawulweni yemhlaba, kutsi: “Ludvumo kuLolungile!” Kodvwa mine ngatsi: “Ngiyahusheka! Ngiyahusheka! Maye kimi! Labenta luzungu bachubeka ngeluzungu! Luzungu lwekutsengisa labanye bantfu!”
bakaManase bayawutondla ngebaka-Efrayimu, nebaka-Efrayimu batondle ngebakaManase, bonkhe bayawugucukela bakaJuda. Noko ngako konkhe loku, lulaka lwakhe alukagucuki, sandla sakhe sisephakeme.
“ ‘Ngako-ke naku lokushiwo yiNkhosi Simakadze kubo, itsi: Bukani la, mine matfupha ngitakwehlulela emkhatsini wetimvu letikhuluphele netimvu letondzile.
Naku-ke lokushiwo nguSimakadze, utsi: “Njengemelusi asindzisa emlonyeni welibhubesi imilente lemibili yekugcina nome sicu sendlebe yelizinyane, ayakuhlwitfwa kanjalo nema-Israyeli lambalwa, lawo lasahlala eSamariya, emaphetselweni emibhedze yawo, lasahlala acuphele etihlalweni tawo tekuphumula.”
Simakadze uyakwesabeka kubo, nase abhubhisa bonkhe bonkulunkulu balelo live. Tive letikulo lonkhe lusentse lwelwandle tiyakumkhonta, nguleso naleso sive eveni laso.