Isaya 14:25 - Siswati 1996 Bible

Ema-Asiriya ngitakuwapitjita eveni lami, ngiwagcobagcobele etintsabeni tami. Lelijoko lawo belibekwe etikwesive sami litawususwa etikwaso; nalomtfwalo besetfweswe wona utakwetfulwa ususwe etikwaso.

Isaya 14:25 Referencias Cruzadas

2 Tikhronike 32:21

Simakadze wase utfumela ingilosi, yafike yawabhubhisa ngenkemba onkhe emachawe lanemandla, nebaholi, netindvuna, yabacedza bonkhe lababelapho enkambu yenkhosi yase-Asiriya. Senaheribi wabuyela emuva eveni lakhe ajojobele. Watsi uyawungena ethempelini lalonkulunkulu wakhe, lamanye emadvodzana akhe amenta silo sengubo, amjuba ngenkemba.

Isaya 10:12

Simakadze nase acedzile yonkhe imisebenti yakhe lemelene nentsaba iSiyoni neJerusalema, uyakutsi: “Ngiyakuyijezisa inkhosi yase-Asiriya ngenca yeligcabho layo langemabomu lelisenhlitiyweni yayo nangenca yekutiphakamisa kwayo lokusemehlweni ayo.

Isaya 14:5

Simakadze uyephulile indvuku yalababi, yebo, uyephulile indvuku yebabusi,

Isaya 33:1

Maye kuwe, wena mbhubhisi, wena losengakabhujiswa! Maye kuwe, wena lolimbuka, wena losengakatsengiswa! Nawuyekela kubhubhisa, uyakubhujiswa nawe. Nawuyekela kutsengisa bantfu, uyakutsengiswa nawe.

Isaya 52:2

Titsintsitse lutfuli lokulo; sukuma, uhlale esihlalweni sebukhosi, wena Jerusalema. Tikhulule etinketaneni letisentsanyeni yakho, wena Ndvodzakati yaseSiyoni letfunjiwe.

Isaya 9:4

Ngobe njengasemihleni yekwehlulwa kwakaMidiyani, ulifohlotile lelijoko belingumtfwalo kubo, nemgcala losindzako lobewusemahlombe abo, nendvuku yemcindzeteli wabo.

Hezekeli 32:22

“I-Asiriya ikhona lapho kanye nayo yonkhe imphi yayo; itungeletwe ngemathuna abo bonkhe lababulewe bayo, bonkhe labo lababulewe ngenkemba.

Hezekeli 39:4

Uyakuwa etintsabeni taka-Israyeli, wena kanye nawo onkhe emabutfo akho netive letikanye nawe. Ngiyawukwenta ube kudla kuto tonkhe tinhlobonhlobo tetinyoni letidla letinye tilwane, nasetilwaneni tesiganga.

Mikha 5:5

Uyawuba kuthula kwaso. Ngesikhatsi ema-Asiriya avimbetela live letfu afohla tinqaba tetfu, tsine, ma-Israyeli, siyawutfumela baholi betfu labanemandla kakhulu bayekulwa nawo.

Mikha 5:6

Bayakuyehlula bayincobe i-Asiriya, lekulive laNimrodi; yebo, bayakuyibusa ngemkhonto. Ngalendlela siyakuphephiswa kuma-Asiriya, nakahlasela live letfu.

Nahume 1:13

Nyalo sengitawuncamula lijoko labo lelisentsanyeni yenu, ngidzabule naletinketane tabo letinibophile.”

Zakhariya 10:11

Bayakwendlula elwandle lwetinhlupheko, lwandle loludlondlobele luyawubindziswa, nako konkhe kujula kweNayili kuyawukoma. Kutigcabha kwase-Asiriya kuyawudzilitwa, nendvuku yebukhosi yaseGibhithe iyawunyamalala.