Simakadze wanisa imvula yesibabule nemlilo, iphuma ezulwini, kwana etikweSodoma neGomora.
Isaya 13:19 - Siswati 1996 Bible IBhabhulona ligugu lemibuso, ibuhle beligcabho lemaBhabhulona, Nkulunkulu uyakuyiketula iwe njengeSodoma neGomora. |
Simakadze wanisa imvula yesibabule nemlilo, iphuma ezulwini, kwana etikweSodoma neGomora.
Wawabhubhisa lawo madolobha kanye nalo lonkhe lelo tsafa, nebantfu bawo bonkhe, nako konkhe lokwakumile emhlabatsini.
Asubuke nje, naku kuta umuntfu ugibele incola yakhe yemphi, lenemahhashi laboshelwe ngamabili. Lomuntfu waphendvula watsi: ‘IBhabhulona seyiwile, iwile! Tonkhe titfombe tetithico tayo setibhidlikele phansi emhlabatsini!’ ”
“Hlala uthule, ungene ebumnyameni, Ndvodzakati yemaBhabhulona, awusayikuphindza ubitwe ngekutsi Ndlovukazi yemibuso.
“Butsanani nonkhe, nitewulalela: Ngusiphi saletithico lesake satisho letintfo tingakenteki? Sihlobo lesikhetsiwe saSimakadze siyakuyifeza injongo yakhe simelane neBhabhulona. Ingalo yaso iyawumelana nebaseBhabhulona.
“Kodvwa kuyawutsi kungaphela leminyaka lengema-70, bese ngijezisa inkhosi yaseBhabhulona nesive sayo, nelive lemaBhabhulona, ngenca yelicala labo, bese lelive lawo ngilenta liba lihlane phakadze naphakadze,” kusho Simakadze.
Njengobe neSodoma neGomora yagumbucelwa kanye nemadolobha labeyitungeletile, kanjalo nakuyo i-Edomu kuyawubate lohlala kuyo, kute muntfu loyakwakha kuyo,” kusho Simakadze.
Njengobe Simakadze agumbucela iSodoma neGomora kanye nemadolobha labomakhelwane bayo, kanjalo sekuyawubate namunye lohlala lapho, kute muntfu loyakwakha kuyo,” kusho Simakadze.
Kute lidvwala leliyawutsatfwa kuwe liyekwentiwa sisekelo sendlu, kute nome litje leliyakwentiwa sisekelo, ngobe sewuyawusala kukhala libhungane phakadze naphakadze,” kusho Simakadze.
Live liyatfutfumela ligidzitele, ngobe injongo yaSimakadze ngeBhabhulona imile, kutsi abhubhise live laseBhabhulona, kuze kutsi kubete namunye longahlala kulo.
“Maye, iyawutfunjwa iSheshaki bo! Yona lebeyiludvumo lwemhlaba wonkhe itawubanjwa. Maye, iyawuba sesabiso iBhabhulona emkhatsini wetive!
Bese utsi: ‘Awu, Simakadze, utsite utakuyibhubhisa lendzawo, kangangekutsi kute umuntfu nome silwane lesiyawuhlala kuyo, seyiyawusala ikhala libhungane phakadze naphakadze.’
yatsi: “Lena akusiyo yini iBhabhulona lenkhulu lengiyakhile yaba sigodlo sekuhlala inkhosi, ngemandla ami lamakhulu ngayakhela ludvumo lwebukhosi bami?”
“Labanye benu ngababhubhisa njengaloku ngabhubhisa iSodoma neGomora. Nanifanana nendvuku leshako, lehlwitfwe emlilweni; noko anikabuyeli kimi,” kusho Simakadze.
Ngako-ke, kuphila kwami,” kusho Simakadze Somandla, longuNkulunkulu wema-Israyeli, “impela Mowabi uyawuba njengeSodoma, nema-Amoni abe njengeGomora, indzawo yelukhula nemigodzi yeluswayi, live lelilihlane phakadze naphakadze. Insali yesive sami iyawubaphanga; besive sami labayawusala bayawulidla live labo.”
Kunjengobe Isaya kucala watsi: “Kube iNkhosi Somandla akasishiyelanga letinye tetitukulwane, ngabe safanana neSodoma, safanana neGomora.”
Live lonkhe liyawuba luswayi lolungenamsebenti lolubhadlako nesibabule. Kute lokuyawuhlanyelwa, kute lokuyawumila, kute nakunye lokuluhlata lokuyawuhluma kulelo live. Kuyawufanana nekubhujiswa kweGomora neSodoma, i-Adma neSeboyimu, Simakadze lakubhubhisa ngalolulaka lolwesabekako.
“Bahwebi bemhlaba bayawuyikhalela bayililele, ngobe kuyawube sekute losatitsenga timphahla tabo:
Batitsela ngetintfuli etinhloko, balila, bakhala, bamemeta batsi: ‘Maye! Maye! Hhawu, yehheni, lelidolobha lelikhulu kangaka lelicebise bonkhe labanemikhumbi elwandle! Ngesikhashana nje lilahlekelwe ngiko konkhe.’ ”