“Lena yindzawo yami yekuphumula, ngiyawuhlala kuyo phakadze naphakadze; lena yindzawo lengifuna kuyibusa.
Isaya 12:6 - Siswati 1996 Bible Memetani kakhulu, nihlabele ngenjabulo, nine bantfu baseSiyoni, ngobe mkhulu lowo Longcwele waka-Israyeli losemkhatsini wenu.” |
“Lena yindzawo yami yekuphumula, ngiyawuhlala kuyo phakadze naphakadze; lena yindzawo lengifuna kuyibusa.
Nkulunkulu uhlala kulelo khaya, lingeke litanyatanyiswe, Nkulunkulu uyawulisita ekuseni entsatsakusa.
Wena ntsaba leneticongo letinyenti, uyibukelani ngeliso lelibi lemona, lentsaba lekhetfwe nguNkulunkulu, watsandza kutsi ibe likhaya lakhe? Simakadze uyawuhlala kulo kuze kube phakadze.
Ngiyawuphindze ngikudvumise ngehabhu, ngibonge kwetsembeka kwakho, Nkulunkulu wami, ngihlabele ngekukushayela lugubhu, ngibonge wena Longcwele waka-Israyeli.
Sihlangu setfu sakho, Simakadze, siyinkhosi yetfu lesayinikwa nguLongcwele waka-Israyeli.
Ngako-ke iNkhosi Simakadze lenguSomandla, lowo longuMnikati Wemandla waka-Israyeli utsi: “Awu, ngitake ngiphumule etitseni tami, ngitiphindzisele kulabangitondzako.
Ngako-ke naku lokushiwo yiNkhosi, Simakadze lenguSomandla, itsi: “Awu, sive sami lesihlala eSiyoni, ningawesabi ema-Asiriya wona lanishaya ngendvuku aniphakamisele sagila, njengobe kwakwenta baseGibhithe.
Bantfu baphakamisa emaphimbo abo, bamemeta ngenjabulo; kusukela ngasenshonalanga badvumisa bukhosi baSimakadze.
Inyanga iyawufiphala, lilanga lidliwe ngemahloni; ngobe Simakadze longuSomandla uyawubusa eNtsabeni yaseSiyoni naseJerusalema, yebo, abuse ngeludvumo embikwebaholi bayo.
Awu, bantfu baseSiyoni, nine lenihlala eJerusalema, anisayikubuye nilile. Maye, uyawuba nemusa kini, nanikhala kuye nicela lusito! Uyakwenelela kuva nje, bese uyaniphendvula.
Lapho-ke Simakadze uyawuba nguLonemandla wetfu. Kuyawufanana nendzawo lenemifula lebanti nemifudlana. Kute sikebhe lesinetigwedlo lesiyawuhamba kuyo, kute ngisho nemkhumbi lonemandla lotawuntjweza kuyo.
Kute lohlala eSiyoni loyakutsi: “Ngiyagula,” netono talabo labahlala khona tiyawutsetselelwa.
Wena loletsa tindzaba letimnandzi eSiyoni, khuphukela entsabeni lephakeme. Wena loletse tindzaba letimnandzi eJerusalema, phakamisa livi lakho, umemete, liphakamise, ungesabi. Tsanini kuwo emadolobha akaJuda: “Nangu Nkulunkulu wenu!”
Ungesabi, wena mphetfu, Jakobe, awu, mntfwanyana, Israyeli, ngobe mine matfupha ngitakusita,” kusho Simakadze, uMhlengi wakho, Longcwele waka-Israyeli.
Uyakuwela, umoya uwakhetse, sivunguvungu siyakuwaphephula. Kodvwa wena uyawujabula ngaSimakadze, utibonge ngaLongcwele waka-Israyeli.
Bacindzeteli bakho ngiyakubenta badle inyama yemtimba wabo, bayawudzakwa kunatsa ingati yabo kube shangatsi bebanatsa liwayini. Tive tonkhe-ke tiyawube setiyati kutsi mine Simakadze nginguMsindzisi wakho, uMhlengi wakho, longuSomandla waJakobe.”
“Hlabela, wena mfati loyinyumba, wena longazange sewumtale umntfwana; hlokoma uhlabele, memeta ngekujabula, wena longazange sewuhelwe, ngobe banyenti bantfwana bemfati lolahliwe kunebemfati lonendvodza,” kusho Simakadze.
Uyawunatsa lubisi lwetive, umunyiswe emabeleni ebukhosi. Uyawube sewuyati-ke kutsi mine, Simakadze, nginguMsindzisi wakho, nekutsi Somandla wakaJakobe unguMhlengi wakho.
Ngilapha mine kanye nalabo bantfwana Simakadze langiphe bona. Sitibonakaliso netimangaliso taSimakadze longuSomandla, esiveni sema-Israyeli, yena lohlala eNtsabeni iSiyoni.
“ ‘Njengobe ukhulume watsi: “Letive letimbili nalamave lamabili kutawuba kwetfu, futsi siyawukutsatsa kube kwetfu,” lite nome mine Simakadze bengikhona lapho,
“ ‘Libito lami lelingcwele ngiyawulenta latiwe emkhatsini wesive sami, ema-Israyeli. Yebo, Libito lami lelingcwele ngingeke ngisaliyekela lihlanjalatwe, netive tiyawukwati kutsi mine nginguSimakadze, Longcwele ka-Israyeli.
Wakhuluma kimi, watsi: “Ndvodzana yemuntfu, lena yindzawo yesihlalo sami sebukhosi nendzawo yekwenabela tinyawo tami. Ngulapha-ke lapho ngitawuhlala khona emkhatsini wema-Israyeli kuze kube phakadze. Indlu yaka-Israyeli ingeke iphindze ilihlambalate Libito lami lelingcwele, yona kanye nemakhosi ayo, ngebugwadla bayo nangetithico letingaphili temakhosi ayo etindzaweni tayo letiphakeme.
“Sebubonkhe budze balelidolobha kutungeleta lonkhe buyawuba ngemakhilomitha langaba yimfica. “Libito lalelidolobha kusukela ngaleso sikhatsi sekuyawutsiwa: ngusimakadze ulapha.”
“Ngasemnyeleni welive lakaJuda, kusuka ngasemphumalanga kuye enshonalanga, kuyawuba sabelo leniyawusenta umnikelo wenu welikhetselo. Siyawuba ngemakhilomitha langaba li-12 nesigamu bubanti, budze baso kusukela emphumalanga kuye ngasenshonalanga, silingane nalesinye setabelo tetive tenu. Lithempeli liyawubasenkhabeni yalesabelo.
Ngingeke ngiyisebentise intfukutselo yami leyesabekako, futsi ngingeke ngiphindze ngimbhubhise Efrayimu. Ngobe mine nginguNkulunkulu, angisiye umuntfu, nginguLongcwele losemkhatsini wenu. Ngingeke ngifike ngelulaka.
Niyawube seniyati kutsi ngika-Israyeli, nekutsi nginguSimakadze Nkulunkulu wenu, nekutsi futsi kute lomunye ngaphandle kwami. Sive sami singeke siphindze sihlazeke.”
Nako kini lenihlala ngaselwandle, nine sive semaKherethi. Livi laSimakadze limelene nani, awu Khenani, live lemaFilisti. “Ngiyawunibhubhisa nonkhe, kute namunye loyawusala.”
Mine matfupha ngiyawuba lubondza lwemlilo loluyitungeleta luyivikele, ngibe yinkhatimulo yayo ngekhatsi kwayo,’ kusho Simakadze.”
Utsi: “Impela ngiyawuphakamisa sandla sami ngimelane nato, khona titewuba yimphango yetigcili tato. Ngulapho-ke niyawukwati khona kutsi nguSimakadze longuSomandla longitfumile.
“Kute emashwa latakwehlela Jakobe, Israyeli angeke abe nelusizi. Simakadze Nkulunkulu wabo, unabo; kumenyetwa nekudvunyiswa kweNkhosi kusemkhatsini wabo.