Kwase kuvela emacili lamabili ahlala macondzana naye, abeka Nabothi licala embikwebantfu, atsi: “Nabothi ucalekise Nkulunkulu nenkhosi.” Ngako base bayamtsatsa Nabothi bamkhiphela ngephandle kwelidolobha, bamgcoba ngematje, waze wafa.
Isaya 10:1 - Siswati 1996 Bible Maye kulabo labashaya imitsetfo lengakalungi, kulabo labashaya imitsetfo yekucindzetela, |
Kwase kuvela emacili lamabili ahlala macondzana naye, abeka Nabothi licala embikwebantfu, atsi: “Nabothi ucalekise Nkulunkulu nenkhosi.” Ngako base bayamtsatsa Nabothi bamkhiphela ngephandle kwelidolobha, bamgcoba ngematje, waze wafa.
Ingani etinhlitiyweni tenu niphehla imisebenti lemibi, tandla tenu ticaphele kwenta budlova emhlabeni.
labo labenta umuntfu adliwe licala ngeligama linye nje, bambekele lugibe lowo lotsetsa emacala enkhundleni, ngebufakazi bemanga baphambukise umtsetfocotfo, badlelele longenacala.
Maye kulababi! Inhlekelele isetikwabo! Kuyawuphindziselwa kubo njengekwenta kwetandla tabo.
Simakadze ungena ekwehluleleni, wehlulela labadzala nebaholi besive sakhe, utsi: “Ngini lenicedze sivini sami, imphango leniyitsetse kulabamphofu igcwele etindlini tenu.
Maye kulabo labavuka ekuseni ngeluvivi bagijimele etinatfweni letidzakanako, batihlalele kuze kube ngusebusuku kakhulu, badzimate behlulwe nguleliwayini labo.
Maye kulabo labahudvula sono ngetintsambo temacebo, badvonse bubi kube shangatsi kungetintsambo tetincola,
labemukela umdizo, khona batawukhulula labo labanelicala, kuze babalahle ngelicala labo labate licala.
Maye kini nine lenengeta indlu kulenye indlu, nengete insimi kulenye insimi, kuze kubete nesikhadlana nje lesisalako, bese nihlala nodvwana eveni.
kuhlubuka nekumbulutela Simakadze, nekumfulatsela kwetfu Nkulunkulu wetfu. Sivusa umoya wencindzetelo newekuvuka indlwabane, tinhlitiyo tetfu temitse kukhuluma emanga.
Kute kini lofuna umtsetfocotfo, kute lowehlulela ngebucotfo beliciniso. Bonkhe betsembele ekuphikisaneni kwelite, bakhuluma emanga, bemitsa inhlupho, batale bubi.
“Nako kulowo lowakha sigodlo sakhe, asakhe ngebubi, lowakha emakamelo akhe lasetulu ngebuhumusha, lowenta takhamiti takhe tisebentele lite, angatikhokheli ngekusebenta kwato.
Bagcobagcoba tinhloko talabamphofu kube shangatsi bagcobagcoba lutfuli lwemhlaba, bese kutsi labacindzetelwe bangababoneleli. Indvodza nemsa wayo balala nentfombatana yinye, ngaloko bahlazise Libito lami lelingcwele.
Loko kuyakwenteka, ngobe nilandzele imikhuba lemibi yenkhosi Omri nendvodzana yakhe Ahabi. Nichubeke nalandzela imitsetfo yabo, ngaloko-ke ngiyawunibhubhisa; bonkhe bantfu bayawunibukela phansi. Bantfu yonkhe indzawo bayawunedzelela ngendzelelo.”
“Maye kulowo muntfu lonatsisa bomakhelwane bakhe tjwala, abutfululele kuso sikhumbasikhwama, banatse baze badzakwe, entele kutsi atewubukela imitimba yabo nase bangcunu.
Nako kulowo muntfu losho esigodvweni atsi: ‘Phila!’ nome etjeni lelingenamphilo atsi: ‘Vuka!’ Lingasinika yini seluleko? Lembeswe ngegolide nangesiliva, kute umphefumulo kulo.
“Abayikumchukuluta bonkhe yini ngemagama ekumeya, bahlekise ngaye batsi: ‘Maye kulowo lompongisa timphahla letebiwe, atinjingise ngekweba! Loku kutawuchubeka kuze kube ngunini?’
“Maye kulowo lowakha likhaya lakhe ngenzuzo lengakalungi, atakhele sidleke sakhe etulu ekuphakameni, kuze atewuphunyula etidladleni tembhubhiso.
Watsi: “Maye kuwe, Khorazini! Maye nakuwe, Bhethsayida! Ngobe kube lemisebenti yemandla lebeyenteke kini beyenteke eThire naseSidoni, ngabe kadze batitsela ngemlotsa bembatsa emasaka bakhombisa kuphendvuka.
“Maye kini, bafundzisi bemtsetfo nebaFarisi! Batentisi! Ngobe nikhipha kwelishumi kwashaladi, napelepele, nelidile, niyekele lokungukona kubalulekile kwemtsetfo: kwehlulela, bubele, nekukholwa; loko benifanele kukwenta ngaphandle kwekuyekela loku.
“Maye kini, bafundzisi bemtsetfo nebaFarisi! Batentisi! Nifana nemathuna lacakaciwe aba mhlophe, abukeka amahle ngephandle, kodvwa ngekhatsi abe agcwele ematsambo ebantfu labafile nekungcola konkhe.
“Maye kini, bafundzisi bemtsetfo nebaFarisi! Ngobe nakha emathuna ebaphrofethi abe mahle, nihlobise netikhumbuto talabo lababelungile,
INdodzana yeMuntfu itawufa kambe, njengobe kubhaliwe ngayo, kepha maye kulowo muntfu, iNdvodzana yemuntfu letawutsengiswa nguye! Bekuyawuba ncono kulowo muntfu kube fane akatalwanga!”
“Maye kini, tati temtsetfo! Nitsatse sikhiya sekuvula umnyango welwati, nine matfupha anikangeni ngekhatsi, konje nibavimbele labo labafuna kungena ngekhatsi.”
Batsi kube bambone baphristi labakhulu nabogadzi, bamemeta batsi: “Mbetsele esiphambanweni! Mbetsele esiphambanweni!” Philatu watsi kubo: “Mtsatseni nine nimbetsele esiphambanweni, mine angilitfoli licala kulomuntfu!”
Batali bakhe bakusho loko ngobe bebesaba emaJuda. Phela abesavumelene ngekutsi lotawufakaza kutsi Jesu unguKhristu, abeyawuncunywa esinagogeni.
Maye kubo, ngobe bahamba ngendlela yaKhayini; bagijimela ekwedukeni kwaBhalamu ngenca yemvuzo; bahlubukile njengaKhora, nabo babhubha.