Simakadze wamphendvula watsi: “Nangikhandze bantfu labalungile labangema-50 eSodoma, yonkhe leyo ndzawo ngiyawuyisindzisa ngenca yabo.”
Isaya 1:9 - Siswati 1996 Bible Kube Simakadze longuSomandla akasishiyelanga insali, ngabe sesifanana neSodoma, yebo, ngabe sesifanana neGomora. |
Simakadze wamphendvula watsi: “Nangikhandze bantfu labalungile labangema-50 eSodoma, yonkhe leyo ndzawo ngiyawuyisindzisa ngenca yabo.”
Abrahama watsi: “Ngicela kutsi iNkhosi ingatfukutseli ngobe sengitawukhuluma kwekugcina-ke manje. Ase ngitsi-ke ukhandza labalungile balishumi?” Wamphendvula watsi: “Ngenca yalabalungile labalishumi ngingeke ngilibhubhise.”
Simakadze wanisa imvula yesibabule nemlilo, iphuma ezulwini, kwana etikweSodoma neGomora.
Bantfu baka-Israyeli labati-7 000 ngiyakubashiya baphila: bonkhe labangazange baguce embikwaBhali nabo bonkhe labangazange bange Bhali ngemilomo yabo.”
Kungenteka kube Simakadze Nkulunkulu wakho utaweva onkhe emavi endvuna lenkhulu yemphi, letfunywe ngumphatsi wayo, inkhosi yase-Asiriya, kutsi itewuhlazisa Nkulunkulu lophilako, nekutsi yena utayitsetsisela emavi Simakadze Nkulunkulu wakho lawevile. Ngako-ke thandazela lensali lesolomane isasele.’ ”
INdvodzakati yaseSiyoni seyisele njengendlu yekukhosela esivinini, nanjengelichugwana ensimini yemajoti, yebo, njengelidolobha lelivinjetelwe.
Ngalelo langa Simakadze uyakwelula sandla sakhe kwesibili atibutsele imisalela yesive sakhe leyawube isasele e-Asiriya, naseGibhithe Lengentansi, neGibhithe Lengenhla, naseKushe, nase-Elamu, naseBhabhulona, naseHamathi, nasemaveni langaselwandle.
Kuyawuba nemgwaco lomkhulu wemisalela yesive sakhe leyawube isele e-Asiriya, njengobe wawukhona nakubaka-Israyeli ngesikhatsi baphuma eGibhithe.
Noko letinye tibhuluja tiyawusala, njenganakuphundlwa sihlahla semncumo, bese kusala titselo temncumo letibili nome letitsatfu emagaleni lasetulu esicongweni sesihlahla, kusale lamane nome lasihlanu emagaleni latsele kakhulu,” kusho Simakadze longuNkulunkulu wema-Israyeli.
Kuyawuba njalo emhlabeni, nakuto tonkhe tive kube njengesihlahla semncumo nasivitsitiwe, nanjengaloko lokusele nakuvunwa emagelebisi.
Ngako-ke sicalekiso siyawushwabudzela umhlaba, bantfu bawo kufanele baletfwale licala labo. Ngako-ke labahlala emhlabeni bayashiswa, kusale babe mbalwa kakhulu.
Kungenteka kube Simakadze Nkulunkulu wakho utaweva emavi endvuna lenkhulu, letfunywe ngumphatsi wayo, inkhosi yase-Asiriya, kutsi itewuhlazisa Nkulunkulu lophilako, nekutsi yena utayitsetsisela emavi Simakadze Nkulunkulu wakho lawevile. Ngako-ke thandazela lensali lesolomane isasele.’ ”
“Lalelani kimi, awu ninendlu yakaJakobe, nonkhe nine lenisasele bendlu yaka-Israyeli, nine lesolo nganetfwala kwasesiswini, lenganetfwala kusukela ekutalweni kwenu.
Nome ngabe kusekhona kwelishumi lokusasele kulo live, nako futsi kuyawulahlwa kungabi namsebenti. Kodvwa-ke njengobe umtherebinte nem-okhi kushiya tiphunti nakugawuliwe, kanjalo nenhlanyelo lengcwele iyawuba siphunti eveni.”
Naku lokushiwo nguSimakadze, utsi: “Njengobe kutfolakala luju lwemagelebisi esikhehleni semagelebisi, bantfu batsi: ‘Ungasibulali, kusekhona lokuhle kuso,’ ngitakwenta kanjalo nami ngenca yetinceku tami; ngingeke ngitibhubhise tonkhe.
Emkhatsini webaphrofethi baseJerusalema ngabona intfo leyesabekako: Benta buphingi, baphile imphilo lengemanga. Bacinisa tandla talabenta lokubi, kuze kutsi kubete ngisho namunye lophendvukako ebubini bakhe. Bonkhe bafanana neSodoma kimi, bantfu baseJerusalema bafanana neGomora.”
bafika kuJeremiya, umphrofethi, batsi: “Sicela ulalele nasi sicelo setfu, bese uthandazela yonkhe lensali kuSimakadze longuNkulunkulu wakho. Njengobe ubona nje, nome sake saba banyenti, kodvwa nyalo sesisele simbalwa.
Kulawo malanga, nangaleso sikhatsi, kuyawuphenywa ngelicala laka-Israyeli, kodvwa aliyiwutfolakala, kuphenywe nangetono takaJuda, kodvwa kute nasinye lesiyawutfolakala, ngobe ngiyakuyitsetselela insali lengayishiya,” kusho Simakadze.
Ngenca yelutsandvo lolukhulu lwaSimakadze asikadliwa sacedvwa, ngobe sihawu sakhe singeke siphele.
Sijeziso sebantfu bami sikhulu kunesalabo baseSodoma, lababhujiswa ngemzuzwana munye, kwabate nasinye sandla lesabelekelela.
Noko kuyawuba khona insali, emadvodzana nemadvodzakati, leyawukhishwa kuyo. Iyawuta kini, nani niyawutsi nanibona kutiphatsa kwayo netento tayo, bese niyadvudvuteka macondzana nalenhlekelele lengiyehlisele etikweJerusalema, yebo, yonkhe inhlekelele lengiyehlisele etikwayo.
“ ‘Kodvwa ngitawushiya insali, ngobe labanye benu bayawuphunyula enkembeni ngesikhatsi nisakatekele emaveni ngemave, nasetiveni.
Bonkhe labayakulibita Libito laSimakadze bayawusindziswa, ngobe entsabeni iSiyoni naseJerusalema, kuyawuba nenkhululeko, njengobe Simakadze asashito emkhatsini waleyo nsali lebitwa nguSimakadze.”
“Labanye benu ngababhubhisa njengaloku ngabhubhisa iSodoma neGomora. Nanifanana nendvuku leshako, lehlwitfwe emlilweni; noko anikabuyeli kimi,” kusho Simakadze.
Awu Simakadze, ngivile ngeludvumo lwakho; ngimangaliswa tento takho, wena Simakadze. Phindza utivusetele nangalamalanga etfu, tente tatiwe nangaletikhatsi tetfu. Elulakeni lwakho khumbula umusa.
Ngako-ke, kuphila kwami,” kusho Simakadze Somandla, longuNkulunkulu wema-Israyeli, “impela Mowabi uyawuba njengeSodoma, nema-Amoni abe njengeGomora, indzawo yelukhula nemigodzi yeluswayi, live lelilihlane phakadze naphakadze. Insali yesive sami iyawubaphanga; besive sami labayawusala bayawulidla live labo.”
Kepha lisango lincane nendlela yincane leyisa ekuphileni, nebantfu labayitfolako bambalwa.”
Na-Isaya wamemeta nga-Israyeli atsi: “Nome bantfu baka-Israyeli bangaba banyenti babe ngangesihlabatsi saselwandle, noko kuyawuba yinsali yabo kuphela leyawusindziswa;
Kunjengobe Isaya kucala watsi: “Kube iNkhosi Somandla akasishiyelanga letinye tetitukulwane, ngabe safanana neSodoma, safanana neGomora.”
Live lonkhe liyawuba luswayi lolungenamsebenti lolubhadlako nesibabule. Kute lokuyawuhlanyelwa, kute lokuyawumila, kute nakunye lokuluhlata lokuyawuhluma kulelo live. Kuyawufanana nekubhujiswa kweGomora neSodoma, i-Adma neSeboyimu, Simakadze lakubhubhisa ngalolulaka lolwesabekako.
Emadolobha aseSodoma naseGomora Nkulunkulu wawalahla ngelicala, wase uwabhubhisa ngemlilo, aphela nya, aba ngumlotsa; wawenta aba sibonelo kulabo labangayiwumesaba Nkulunkulu.
Tidvumbu tabo tiyawulala esitaladini selidolobha lelikhulu lelibitwa ngekufanekisa kutsi yiSodoma neGibhithe, lapho iNkhosi yabo yabetselwa khona.