Ase nibuke kutsi lelidolobha lebeletsembekile seligucuke laba yingwadla kanjani! Lona lake lagcwala umtsetfocotfo, belilikhaya lekulunga, kodvwa manje seligcwele babulali!
Isaya 1:26 - Siswati 1996 Bible Ngitawubuyisela tikhulu tenu tifanane naleto beninato ekucaleni, ngibuyisele beluleki benu, bafanane nalabo beninabo ekucaleni. Emvakwaloko nitawubitwa ngekutsi: Lidolobha Lekulunga, Lidolobha Leletsembekile.” |
Ase nibuke kutsi lelidolobha lebeletsembekile seligucuke laba yingwadla kanjani! Lona lake lagcwala umtsetfocotfo, belilikhaya lekulunga, kodvwa manje seligcwele babulali!
Bantfu labanyenti bayawufika batsi: “Wotani, senyukele entsabeni yaSimakadze, endlini yaNkulunkulu waJakobe. Utasifundzisa tindlela takhe, khona sitewuhamba emikhondvweni yakhe.” Ngobe umtsetfo uyawuphuma eSiyoni, livi laSimakadze liphume eJerusalema.
Simakadze uphakeme, ngobe uhlala endzaweni lephakeme, utawugcwalisa iSiyoni ngekwehlulela ngemtsetfocotfo nangekulunga.
Uyawusinyiswa ekulungeni: Kubuswa ngelunya kuyawuba khashane nawe; kute loyawukwesaba. Luvalo luyawususwa lulahlwe khashane, lungasondzeli kuwe.
Emadvodzana ebacindzeteli bakho ayawuta kuwe akhotsama, bonkhe laba labakwedzelelako bayawukhotsama etinyaweni takho, bayawukubita batsi uLidolobha laSimakadze, Siyoni waLongcwele waka-Israyeli.
Lapho-ke bonkhe bantfu bakho bayawuba ngulabalungile, bayawuba banikati belive kokuphela. Bangimiliba lengiyihlanyele, umsebenti wetandla tami, wekubonakalisa inkhatimulo yami.
Naku lokushiwo nguSimakadze longuSomandla, Nkulunkulu wema-Israyeli, utsi: “Ngiyawutsi nangibabuyisa ekutfunjweni, bantfu labaseveni lakaJuda nasemadolobheni akhona bayawuphindze basebentise nankha emagama batsi: ‘Simakadze akakubusise, awu wenandlu yekulunga, awu wena ntsaba lengcwele.’
imisindvo yenjabulo neyentfokoto, nemaphimbo abomakoti nemyeni, kanye nemaphimbo alabo labaletsa iminikelo yekubonga endlini yaSimakadze, batsi: “ ‘ “Bongani Simakadze longuSomandla, ngobe Simakadze ulungile; umusa wakhe ume kuze kube phakadze.” Ngobe ngiyakutibuyisela tibusiso talelive tibe njengobe tatinjalo kucala,’ kusho Simakadze.
Ngiyawubuyisa bakaJuda nema-Israyeli ekutfunjweni, ngibuye ngibakhe kabusha babe njengaloku babenjalo kucala.
Lendzawo iyawuba sabelo sembusi lobusako eveni laka-Israyeli, kuze angasayiwuphindza acindzetele bantfu bami, kodvwa uyawuvumela lonkhe leli lelinye live libe letive tema-Israyeli.’ ”
Nawe Jerusalema, njengobe bewuyinqaba yekulondvolota umhlambi wakho, wena ntsaba yaseSiyoni uyawuphindza futsi ube yinhlokodolobha yalowo mbuso, lowawuvele ungiyo.
“Imisalela yaka-Israyeli ingeke ikwente lokubi; ingeke iwakhulume emanga, nenkhohlakalo ingeke itfolakale emilonyeni yayo. Lemisalela iyakudla, icambalale phansi, kute futsi umuntfu loyakuyesabisa.”
“Tindzebe tetive ngiyawube sengiyatihlambulula-ke, kuze kutsi bonkhe lababite libito laSimakadze, bacela lusito kuye, bamkhonte bahlangene lihlombe ngelihlombe.
Naku lokushiwo nguSimakadze, utsi: “Ngiyawubuyela eSiyoni, ngihlale eJerusalema. Lapho-ke iJerusalema sekuyawutsiwa Lidolobha Lekwetsembeka, nentsaba yaSimakadze longuSomandla iyawubitwa ngekutsi yiNtsaba Lengcwele.”
Ngiyawubabuyisa batewuhlala eJerusalema; bayawuba bantfu bami, nami ngibe nguNkulunkulu wabo ngekwetsembeka nangekulunga.”
Mosi watfukutsela wabila, watsi kuSimakadze: “Ungawemukeli umnikelo wabo. Angizange ngitsatse ngisho imbongolo kubo, futsi angikoni ngisho nome munye wabo.”
Kute lokungcolile lokuyawungena kulo, ngisho nalowenta lokubi nalonemacebo angeke angene kulo; kodvwa kuyawungena kuphela labo emabito abo labhaliwe encwadzini yekuphila yeliWundlu.