Isaya 1:15 - Siswati 1996 Bible

Naniphakamisa tandla tenu niteneka, nithandaza, ngiyakuwafihla emehlo ami kini; nome senenta imithandazo leminyenti kangakanani, ngingeke ngiyilalele. Tandla tenu tigcwele ingati;

Isaya 1:15 Referencias Cruzadas

1 Emakhosi 8:22

Solomoni wase uma embikwelilati laSimakadze, embikwaso sonkhe sive sema-Israyeli, waphakamisa tandla takhe watibhekisa ngasezulwini,

1 Emakhosi 8:54

Kwatsi kube Solomoni acedze kwenta yonkhe lemithandazo nekuncusa kuSimakadze, wabe sewuyasukuma embikwelilati laSimakadze, lapho abekadze aguce khona, tandla takhe atiphakamisele ezulwini.

Ezra 9:5

Kwatsi ngesikhatsi semhlatjelo wakusihlwa, ngasukuma lapho ekujabheni kwami, ingubo nesembatfo sami kudzabukile, ngaguca ngemadvolo tandla tami tivulekile embikwaSimakadze Nkulunkulu wami,

Jobe 27:20

Kutfutfumela kumgabadzela njengetikhukhula, sivunguvungu simkhukhule sihambe naye ebusuku.

Jobe 35:13

Liciniso, Nkulunkulu akayilaleli imibhedvo yetikhalo tabo. Somandla akatinaki, njengobe tilite nje.

Tihlabelelo 134:2

Phakamiselani tandla tenu endzaweni lengcwele, nibonge Simakadze.

Tihlabelelo 55:1

Hhawu, Nkulunkulu, beka indlebe, ulalele umthandazo wami, ungakufulatseli kuncusa kwami.

Tihlabelelo 66:18

Kube bengicondze bubi enhlitiyweni yami, Simakadze abengeke angive.

Eksodusi 9:29

Mosi wakhuluma kuye watsi: “Ngitawutsi ngingaphuma la edolobheni, bese ngiphakamisa tandla tami ngithandaze kuSimakadze; lokudvuma kutawukhawula nalesangcotfo siphele, kuze wati kutsi umhlaba ngewaSimakadze.

Taga 1:28

“Bayawube sebayangibita, kodvwa ngingeke ngisabele; batangifunisisa, kodvwa bangeke bangitfole.

Taga 6:17

Ngemehlo latichenyako, nelulwimi lolucala emanga, nembulali walote licala,

Isaya 4:4

Simakadze uyawukugeza kungcola kwalabasikati baseSiyoni; uyawuhlanta emacabhacabha engati aseJerusalema ngemoya wekwehlulela nangemoya wemlilo.

Isaya 45:15

Ngempela unguNkulunkulu lotifihlako, awu, Nkulunkulu, neMsindzisi wema-Israyeli.

Isaya 58:4

Kuzila kwenu kudla kugcina sekuyimphi nemphikiswano, nishayane ngetibhakela tekonakala. Kungeke kulunge kutsi nizile kudla njengobe nenta lamuhla, bese nibheka kutsi livi lenu livakale ezulwini.

Isaya 58:7

Akusiko yini kuhlephulelana kudla kwakho nalabalambile, nekulalisa tihambi endlini yakho, nekutsi nawubona lohlubulile umembulele, ungagucukeli labo labayinyama nengati yakho?

Isaya 64:7

Kute namunye lobita Libito lakho, nome lotimisela kubambelela kuwe, ngobe ubufihlile buso bakho kitsi, wasicedza ngenca yetono tetfu.

Isaya 8:17

Ngitawulindzela Simakadze lofihla buso bakhe kuyo indlu yakaJakobe. Ngiyawubeka litsemba lami kuye.

Jeremiya 11:11

Ngako-ke naku lokushiwo nguSimakadze, utsi: ‘Ngiyakwehlisela etikwabo inhlekelele labangeke bakhone kuyibalekela. Nome bangakhala bacele lusito kimi, ngingeke ngibalalele.

Jeremiya 14:12

Nome bangazila, ngingeke ngikulalele kukhala kwabo; nome banganikela ngeminikelo yekushiswa nangeminikelo yalokutinhlavu, ngingeke ngibemukele. Esikhundleni saloko ngitababhubhisa ngenkemba, nangendlala, nangesifo lesibulalanako.”

Jeremiya 4:31

Ngiva kukhala lokunjengekwemfati lophetfwe ngumhelo, kuquma lokunjengekwalowo lobeleka litubulo lakhe, kukhala kweNdvodzakati yaseSiyoni, lephefumulela etulu, leyelula tandla tayo itsi: “Maye, ngiyacaleka, kuphila kwami kunikelwe etandleni tebabulali.”

Hezekeli 11:6

Nibulele bantfu labanyenti kulelidolobha, titaladi talo natigcwalisa ngetidvumbu.

Hezekeli 14:3

“Ndvodzana yemuntfu, lamadvodza asafake tithico etinhlitiyweni tawo, emisa nematje lamabi ekukhubekisa embikwebuso bawo. Kufanele ngiwavumele yini kutsi abute kimi?

Hezekeli 39:23

Netive titakwati kutsi sive saka-Israyeli saya ekutfunjweni ngenca yetono taso, ngobe babengaketsembeki kimi. Ngako ngase ngiyabufihla buso bami kubo, ngabaniketa etandleni tetitsa tabo. Bonkhe bafa ngenkemba.

Hoseya 5:6

Nabahamba nemihlambi yabo yetimvu netimbuti kanye nemihlambi yetinkhomo kuyawufuna Simakadze, bangeke bamtfole; sewutisusile kubo.

Mikha 3:4

Siyeta sikhatsi lapho nitawukhala khona kuSimakadze, kodvwa angeke aniphendvule. Angeke ayilalele imithandazo yenu, ngobe nente lokubi kuye.

Zakhariya 7:13

“Simakadze longuSomandla utsi: ‘Ngatsi nangibabita bangete balalela ngekusabela, ngako-ke nabo nabamemeta, angizange ngibalalele.

Matewu 23:13

“Maye kini, bafundzisi bemtsetfo nebaFarisi! Batentisi! Nivimbela bantfu umbuso welizulu, nibe nine ningangeni, nebantfu labafuna kungena anibavumeli kutsi bangene. [

Matewu 6:7

“Kodvwa nanithandazako, ningalibali kukhuluma emagama lamanyenti langasho lutfo, njengebetive labacabanga kutsi batawuvakala ngekukhuluma kwabo lokunyenti.

Johane 9:31

Siyati kutsi Nkulunkulu akativa toni; kodvwa nangabe umuntfu amesaba Nkulunkulu, ente intsandvo yakhe, lowo uyamuva.

1 kuThimothi 2:8

Ngako-ke ngifisa shangatsi emadvodza yonkhe indzawo angakhuleka aphakamise tandla letingcwele, ate lulaka nembango.